اليوم 22.8.2013


متواصله مع خطيبي سالم.. واللي سمعته شي مايسرني.. سالم يقول حرمته متصله تتاكد صدق بيتزوج عليها او لا لانه امه الله يهديها ماتروم تحفظ الخبر قامت تعطي محاضرات لزوجه سالم عن واجب الزوجه في حال تزوج زوجها البنت شكت ودقت ع سالم .. بس هو قالها واذا سويتها شو يعني الشرع محللي .. وانتي تقولين لي مااقدر قامت تصيح والله ماتسويها وانا احبك ومن هالكلام.. طبعن ماتعرف انه سالم يحبني واحبه قبل لاتدخل في الخط.. ويمكن تدري بعد مااحط في ذمتي ..


المهم سالم رد عليها وقالها اذا صار بتعرفين وركزي في الوقت الحالي بدراستج وعقب غير السالفه وجي ..

سالت سالم اذا اصرت ع الطلاق شو بتسوي بتختارني او بتختارها قال ياروضه انتي الاساس انا عشت معاج اكثر مما عشت معاها عرفتج وتشاركنا احلىايامنا ومن هالكلام اللي يطيب بخاطري .. وقالي انتي شي حلو صارلي بس هي امي فرضتها علي وخيرتني بين رضاها او زعلها اذا رفضت اتزوج . قلت بس صارلك فوق سنه ونص معرس قالي حسبي هالسنه ونص كم يوم وانا في دبي وكم منها نزلت لجده.
قالي والله ياروضه بالرغم اني قطعت عنج الا اني كنت اغير الطريج اللي يوصلني لبيتكم اقول انا معرس ومابا اضعف جدام هالمكان..


وكنت اتمنى اعرف شو سويتي وكيف كنتي عايشه وشو حياتج كل هالامور ياروضه كنت اسألها نفسي.. بس اليوم بعد ماعاشرت زوجتي اجوف تصرفاتها طفله عفويه ماتقصر من ناحيه دورها كزوجه بس انا تفكيري عندج سافرت معاها ماليزيا.. مااظلمها عيشتني جو اي زوجين لكن والله الشاهد كل تفكيري عندج.. انتي مريتي بمحنه المفروض اكون معاج بس امي من طلعنا من بيتكم وهي ادورلي زوجه وقالت رضا الله من رضا الولدين ياسالم ان ماوافقت وجبرت بخاطر امك اعتبرني غضبانه عليك ليوم الدين . وقالت زواجك هو اللي بيخليك تبتعد عنا ناسنا يعني .. عن اهلي..

خلاص ياروضه فقدت الامل وعشت على امل اني استقر في جده واشوفلي عمل مناسب وانسا اي شي يربطني فيك بس ولد خالي وزوجتي وخالي وحتى اخو زوجتي وابوها كانوا مصرين احتفظ بعملي وخصوصا اني حصلت ترقيه..


السبب اللي خلاني انتبه اني قاعد اظلم نفسي.. اسمع اصحابي بالعمل متزوجين ومرتاحين في حياتهم .كل ما رحت السينما او كوفي ااو تمشيت جفت اي اثنين مع بعض قلت لو متزوج روضه كنا بنصير احلى منهم تعبت ياروضه . قلت ليش احرم نفسي من الراحه مع اللي اختارها قلبي امي وراضيتها بزواجي.. جا دوري الحين ارجع لانسانه اللي اختارها قلبي

طبعن هونت عليه وقلتله ايام من نملج ان شالله بنرتاح الفرحه بتكون ناقصه لكن دام حققنا منانا اللهم لك الحمد والشكر



ان شالله باجر ذياب ومنصور بيسرون ينشدون عن سالم ويارب تهون


والسموحه .

الله يوفقج يارب مع سالم

روضه سؤال ماله علاقه يممن بنوضوعج
تتوقعين سالم لو ماكنتي بحياته وماليهةقلبه ويحبج
كان بيرتاح مع زوجته ويمشي معاها
يعني حبج بقلبه منع عنه اي حب جديد
هالسؤال يهم وحده تعز علي

مراحب

تقولي ياروضه سمعتي خبر ما سرج حبيبتي هذا واقعك اللي تبين تعيشنه وواقع خطيبك

وانتي قلتي يخبرها بعد الزواج لان ماتبيها تخرب عليك وتلعوز سالم وتدخل اهلها
ليش تتخيلي هالشى ماراح يصير بعد الزواج .. هالبنت من حقها تعرف اليوم قبل بكره احسن من تكون مخدوعة
وانتي قلت لك من قبل خلي نفسك مكانها تتوقعين ماراح تقومين القيامة وتدخلين اهلج تتخيلين هالشى مو من حقها

ثانيا قلتي لو طلبت الطلاق تبشر باللي تبيه ليه اسمحي لي انتي تقرري عن سالم ؟؟

عموما كلام سالم يطمن والاهم انه الحمد لله اعترف بأن زوجته ماقصرت معاه ومن حقك ومن حقه تعيشو والشرع محلل 4 ومرات الحب يكون اكبر من كل شى بس للاسف مرات يصدم بواقع صعب يتخطاه .

اتمنى اصرارك على الزواج من سالم يبقى نفسه ويكبر علشان يكون اساس لاصرارك انك تعيشي حياة هاديه ومافيها مشاكل
واهم شى ياروضه لا تظلمي البنت ترى واجب العدل عليه ولا تقترحي عليه افكار كيف يتعامل مع زوجته هو حر ويشوف الابخص يعني هاذي بدايه مو مطمئنه لها ابدا بصراحة .


عموما انتي ما فتحتي هالصفحه تبين انتقاد او من يعارضك انتي فقط تبين من يقرا ويبارك لك

فمره ثانيه اقول الف مبروك والله ييسر لك ويكتب لك الخير يارب

ولا تلوموني اختي على كلامي انا واقعيه جدا ولما تتزوجي وربي يسهل بتعرفي وش يعني تكوني زوجة ويكون لك بيتك اللي تحافظي عليه بكل قوتك .

ياحياتي ربي يبارج فيج

طبعن حياتي البنت او الرجل اذا تزوجوا ومافي حياتهم حب بيعيشون من غير تفكير وفي ناس تقدر تأقلم نفسها ويختلف من شخص لثاني

كالعاداه محور حديثج الزوجه الاولى واذا بتتكلمين عن الواقعيه ترى الواقعيه تشمل الجميع موب تخصين طرف ع حساب الثاني

وفي الاخير بارك الله فيج

قلت لك في ردي انتي ماتبين من ينتقد او يوجهه وينصح

انتي تبين بس من يطبب ويبارك

اكيد تكلمت بواقعيه وخصيت زوجته الاولى لانها الطرف الاضعف في هالحالة بالموضوع ، اذا الله امر كل معدد بالعدل وقال ولن تعدلو لابد القلب أميل فمابالك وانتي تعتبرينها سرقته منك وانك الاحق منها حبيبتي الاحق مو بقانون الحب الاحق بشرع الله وعهد الله وحلاله وكتاب رب العالمين للحين مو قادره تقتنعين انه الرجال اذا بغى شى يوصل له يعني يوصل له بدون هاللفة الطويلة .

واكبر دليل على اني تكلمت بواقعيه اني تمنيت انه اصرارك على الزواج يبقى بعدين ويتحول لاصرار على انك تعيشي حياى هادية بس لانك ماجربتي تكوني زوجه فالظاهر ما وصل لك كلامي أقصد انك تطولي بالك وتهدين نفسك بكره تجيك المواقف وبروحك بتشوفين .

عموما اختي الله يكتب لك الخير ويوفقك مع سالم لو غيره .هاذي الحياة وكتاب الاقدار مافي احد يعرف وش القدر مخبي له .

تحياتي لك حبيبتي

الله يوفقك ياروضه ويسعدك ويرزقك بالذريه الصالحه
لاتفكرين في الزوجه الاولى سالم اللي عدد وهو اللي يقرر مصيرها ويفكر بوضعهم
انتي فكري بس بفرحتك وتجهيزات زواجك ولاتتمنين لها الشر عشان ماينعكس عليك
انتي فكري بحياتك معاه فقط واسألي الله التوفيق والسعاده في الدارين
وفكري كيف بتربين اولادك تربيه حسنه
والله يوفقك ويسمعنا عنك اخبار حلوه.

امل الكلمه اللي اطبطب علي نفاق ومجامله الله يغنيني عنها وانا موب داخله ادور من يطبطب ..

اي حق تتكلمين عنه لمجرد سالم قلبه موب عليها ويحبني صار مافي عدل ؟؟ ومن قالج سالم مابيعدل سالم شاب مقتدر يمشي على كلام الله وان خفتم الا تعتدلوا فواحدة او ماملكت ايمانكم

يليتج تكلمتي بالحق انتي تتكلمين عن شي على حساب شي ثاني ..
والرجال مايتشابهون تأكدي منهم الزين والشين وسالم بعيد عن الشين بحسب تحلليج وتمويهج انه لو يبا الشي مابيحتاج هاللفه الطويله

وعمرها ماكانت هي الحلقه الاضعف.. بس لو تلاحظين انا وسالم كنا الحلقه الاضعف ..على العموم ماقصرتي