قولي " اللهم اعطيني خير هالشريحه واكفني شرها"
وجوالك غيرتيه لأنك ما تبين تواصل الا عن طريق ابوك..
وانتهى
ولا تناقشين احد ليش غيرت وما غيرت

وهذا الحل الاسلم لك ..
الردود الي تقول لو ما غيرتي الرقم :
- الاخت ما تقدر تمنع نفسها تتابع زوجها بالواتس اب وممكن تكلمه
- البيئة الاجتماعيه تختلف من مكان لآخر

والله يفرج عنك اختي فايض حناني

كيفك فايض حناني وش جديدك والله يا اختي خير مافعلت انك غيرت الشريحه ومنتي مجبرة توضحي لاحد السبب ريحي دماغك واهتمي بصحتك افضل لك وحاولي تنسي زوجك واذا احد سالك او وصلك كلام لاترد عليه وانا حاسه انه ماراح يطلقك هو متفشل من نفسه وموعارف يصلح غلطه اصبري وربك يدبر امرك ويصلح حالك وحنا ماراح ننساكي من الدعا

__________________
ريم نواف سابقا

تغيير الشريحة هو دليل على قوتك بلاشك وصحوتك بلاشك
وخليهم يفسرون على كيفهم أساساً أنتِ عندهم مهما سويتِ ومهما فعلتِ مغضوب عليكِ ومكروهه
فليش ناس مايقيمون لك وزن ومايطيقونك تهتمين برأيهم فيكِ ياعمري هالعالم طنشيهم وأعتبريهم
غير موجودين هم وولدهم إلي هو زوجك بها العالم

وتكفيييين

كملي جميلك مع نفسك وتوظفي خلي أبوك يدبر لك وظيفة محترمه وجربي لذة الإستقلال
والخروج من بوتقة الزوج الظالم وأهله السيئين وحسي بقيمة ذاتك واستغناءك عن الناس

جربي وراح تتغير نفسيتك
بتكوني صداقات وبيكون لحياتك قيمة وبتحسي أنك كنتِ دافنه نفسك في أحزان
مالها داعي مع واحد مايستاهل منك إلتفاته

عيشي لنفسك وأولادك وبر والديك وغيري بغرفة نومك ببيت أهلك
وأقلمي نفسك على الوضع الجديد وبكرة بإذن المولى راح يعوضك ربي
بإلي يعرف قيمتك

كللللللللللللللللللللللللللللللللللللوش اخيرا غيرتي رقمك ها خيرا غيرتي الشريحه بس انا ابيك تركزين على كلام اساوار الذهب وازني وازني بين امور حياتك

حبيبتي الغالية
والله إني أقرأ وأدعي لك من قلبي ، لايوجد شيء افظع من الظلم !

لكن وصية أخت محبة لك في الله
عودي إلى الله هو وحده القادر على فك همك وتفريج كربتك
اسعي لرضاه لاتحاولي إرضاء الزوج او عائلته او اي احد آخر
ارض ربك وانظري كيف سيرضيك
تقربي إليه، راجعي علاقتك به، كيف هي صلاتك وصيامك وحياتك؟؟؟
لا تتقربي إليه من أجلك زوجك، بل لأنك تحبين الله وحده وتحبين مرضاته
وانظري كيف ستتغير حياتك
اليك هذا المقطع للشيخ عبدالمحسن الاحمد واسمعي للقصة التي يحكيها عن احدى قريباته وكيف غيرت زوجها 180 درجة


الامر الاخر حبيبتي اهتمي بنفسك
بطفلك
ارسمي مستقبلك لا تركضي وراءه لا تتسولي حبه
زيدي من ثقتك بنفسك طوري ذاتك اهتمي بصحتك وجمالك وانظري كيف سيعود اليك
انصحك بالدخول الى موقع مملكة بلقيس للدكتورة ناعمة الهاشمي واقرئي مقالاتها ففيها ستجدين فائدة كبيييييييييرة من كلامها ومعالجتها لنساء واجهن ظروفا كظروفك اقرئيها ستفيدك بعون الله

أسأل الله أن يفرج همك ويسخر لك زوجك

ربيي يوفقج وينصرج

صدقيني انتي المفروض ما تكونين حزينة

إنتي مظلومة ودعوة المظلوم مستجابة

إنتي ما ظلمتي ما قذفتي ما سويتي أي شي

هم اللي والله يكسرون الخاطر مساااااااكين الله يعينهم على عقاب الله

حقوق العباد لا يمكن الله ينساها لو انتي نسيتيها الله ما ينساها

بيعاقبهم بـ الدنيا والآخرة

فانتي ريحي مخج

واسمعي الكلام وانتي تضحكين

آخر شي الحق يبين ..

ثقي بـ الله عز وجل الرحيم الجبار المتكبر

دايم رددي حسبي الله ونعم الوكيييل .. كل ما أحد أذاج ردديها

وإذا وصلج كلام عادي .. حتى عائشة رضي الله عنها زوجة أشرف الخلق عليه الصلاة والسلام تكلموا عنها

شنو قالت " إنما أشكو بثي وحزني إلى الله "


موفقة ,, وأتمنى لج حياة سعيدة (:

اولاً مشكوره .. ذكريات لاتغيب .. على التوضيح انا المقصد ما اشكك فيك ي فايض حناني انا اقول لك وجهة نظري لو كنت مكان زوجك وانا عارف انك مظلومه لكن الاشياء الي سويتها لزوجك بعد الخلاف خلته يصدق كلام عماتك على كل حال تفقيلك لشريحة هي اول خطوه صحيحه تخطينها مع زوجك من بداية الازمه

شي المهم والي ابيه اقول لك لاتهتمين ب اراء الاعضاء كثير لان راح تتعبين اكثر
خلي الصفحه هذي مكان للفضفضه ولازم تعرفين مو كل وجهة نظر تنقال صحيحه يعني اخذي وخلي من ردود

لان انا اشوف فيه ردود تقول ليش كسرتي شريحه بعدين راح يحسبه هروب وناس قبل كانت تقول اكسري شريحه عشان يعرف انك مو محتاجه تثبتين له انك مظلومه فـ يعني لاتتعبين حالك ب ردود لان مستحيل الناس تجمع على راي واحد

شي المهم والي بقوله لك .. تقفيل الشريحه هي اول خطوه صحيحه تسوينها اهم شي لازم يعرف ب انك قفلتي الشريحة وطلعتي شريحه جديده والمهم لا يعرف اي شي عن الشريحه الجديده حتى عماتك الي ظلموك لا يعرفون كم رقم شريحتك الجديده المهم يعرفون ان كافي حناني اكسرت الشريحة وطلعت لها شريحه جديده

واذا خايفه عماتك يقولون لزوجك تراها كسرت الشريحة عشان تكلم غيرك او او الخ صدقيني بطبيعة الانسان مو بس رجال يكره شخص الي مثل كذا وماتوقع راح يصدقهم وانا اتمنى من كل قلبي يقولون عماتك هذا الكلام صدقيني لو عماتك قالو احنا شاكين انها قفلت شريحة عشان تكلم شباب من بكره زوجك راح يطق الباب عليكم وراح يطلب رضاك لكن ماتوقع عماتك يقولون هالكلام الا اذا كانو اغبياء

شغله اخيره ومهمه

اتمنى الفتره الجايه لاتهتمين ب كتاباته في التويتر او الواتس اب لانه كل الكتابات الي تشوفينها المقصد فيها يجرحك ويتلذذ ب الانتقام منك احسن حل عشان تداوين هالجروح هو انك ماتطالعين لكتابته ولا يجي يوم وتبررين له موقفك وانك مظلومه او تكتبين بيت شعر حب او عتب او تكتبين في الواتس اب انا مظلومه او انا مجروحه من فراقك و و الخ الاسلوب هذا ماينفع وهو سبب في تصديق زوجك لعماتك وانا لو مكان وصار لي مثل ماصار لزوجك بصدقهم لان ردت فعلك ماكانت ذكيه ولا هي مدروسه اما عماتك عرفو كيف يلعبونها
يعني ب اختصار التلزق والكلام العاطفي بالوقت هذا هو يحسب ضدك وضد كرامتك وشرفك


اذا بغيتي زوجك ينتقد كلام خراب بيوت الي قالوه عماتك وتخلينه يكرهم : 1- قفلي شريحه 2- ابتعدي عنه ولاتبررين ولا تردين على كتاباته ب الواتس او تويتر 3 - خليه يوصله خبر ب انك اشتغلتي وانك عايشه حياتك

صدقيني مع الايام راح يكره عماتك لانه راح يعرف ب انهم نقالات كلام حتى لو كان كلامهم صحيح او خطا


قلوبنا معاك وبالتوفيق لك

88888888888888888888888888
88888888888888
8888888888888
888888
888
8 انا مع هاذا الرد قلبا وغالبا من جد الرد هاذا مختصر كل الكلام الي كنت ابي اقوله مع هاذا الرد
وكمان ابي اقولك ادخلي مملكة بلقيس واشتركي بالدورات الي فيها وربي يوفقك يالغاليه انتي اخر مره ناقشتيه بينتي له ان انتي قويه ومايهمك الا رضاء ربك وانا متاكده انه الحيين بنزاع داخلي مع نفسه بس تكفون لا تطالبون انتو بورقة الطلاق لا تسون الي يبون عماتك وتفرحون قلوبهم يمكن الي صار درس لكم انتو لاثنين درس لك عشان تزيدين صلتك بربك ودرس له عشان مايفتح اذنه للغير وربي يوفقكم ويسر امركم ياااااااااااااااااااااااااااااااااااارب
وجعل ربي يرسلك النصر المؤزر من سابع سماء على من ظلمك وشتت شملك يارب طلبتك بها الفجريه جعل من شتت شملكم وظلمك يتشتت شمله ربي يخلي لك عيالك ويرزقك برهم يا الغاليه

حسبي الله ونعم الوكيل بزوجي حسبي الله ونعم الوكيل عليه دخلت اليوم تويتر بشوف شكاتب قلت لقيته كاتب رساله من زوج لزوجته زعلانه ببيت اهلها وكاتب طبعا يقصدني كاتب الى زوجتي تتوقعين اني اتمناك انا اتمنى لك جهنم الحمرا واتمنى ان اقطع يدك لاتتعجبي هاذي امنيتي بهذه الدنيا وان اقتلع عينك قبل روحك ايضا ،، ولدي امنيه لو اتخلص منها بحياتي صدقيني صوتك الي نعيقا وعواء ومنذ اليوم الذي عرفتك فيه يوما مشؤما واريد التخلص منك ،،المهم كاتب كلام كثير مثل كذا ،، والله بكيت لين قلت بس وين اللي يقولي انتي دنيتي وحياتي بدونك ولا شي ،، انا غيرت رقمي ويطلع عنده بالواتس اب اني ماني متصله عنده ،، والمشكله ابد مو فاقدني واليوم انصدمت ليه يكتب كذا اقلها يراعي مشاعري وين نسى كلام الله بمعناه ولاتنسو الفضل اللي بينكم ،، انا وش سويت له وش الجريمه اللي ارتكبتها ليه شجاه مني ليه يعاديني والله اكتب وما اشوف من الدموع حسبي الله ونعم الوكيل فيه وفيهم حسبي الله عليهم مقهوره احس قلبي بيوقف انا ما ابيه خلاص لكن ابي شي واحد ابيه يعرف اني مظلومه هذا اللي ابيه هو مو عارف الا ان كلامهم صحيح واني فعلا منحطه مثل ماقال هو كذا تفكيره قسم بالله كل ماقلت هانت وجرحي بيطيب احس ازيد جروح لاتفولون منك انتي انتي تتابعينه انا اتابعه عشان اكرهه وقلت يمكن بعد يكتب شي يكون ندمان فيه ولا يعترف بخطاه لا طلع ماخذ فكره اني انا رايحه فيها واحتاج جهنم ليه طيب ليه حكم علي كذا وانا كنت قدامه ماشاف شي علي والله ان لبسي محترم لاطلعت عبايه ع الراس مو كتف وعيوني اغطيها مو عشانه عشان خوفي من الله كل هذا نساه بالعكس اقدر البس كتف لان ابوي مايمانع وهو خواته نصهم يلبسون كتف وانا من كنت صغيره وانا البس راس ومن حالي محد جبرني ليه مابين بعينه وانا انسانه محافظه على صلاتي عكسه تماما ليه فكر فيني التفكير الشين والله مقهوره اقلها لايجرحني لو مايبيني والله فيه رياجيل سترو على بنات مو عاد انا اللي مو لاقي شي فيني ،، قهر قهر لما تكونين اطهر وحده واحد يشك فيك على اساس هم قالو وهو ماشاف مني شي ،، حسبي الله ونعم الوكيل فيهم ،، ابي اكرهه شلون ابي اجرحه مثل ماجرحني احسه مو ندمان على بعدي مع انه هو اللي كذل علي ووداني لاهلي وقال عندي دوره يعني مو انا اللي طلعت من بينه ولاسويت مثل باقي الحريم وطلعت من كيفي وانا اللي زعلت لا هو اللي كذب علي وقالي بوديك لاهلك اسبوع وارجع اخذك عندي دوره وكان يضحك معي ويضمني ةيسولف عادي ماحسسني بشي لين نزلني عند اهلي وقالي انتي وانتي وانتي ،، والله مطعونه منه ومع هذا ماكرهت اتمنى اكرهه اتمنى اتقبل فكرت انه يتزوج غيري عادي مايهمني اتمنى يكون هو انسان عادي عندي عجزت ،، حسبي الله ونعم الوكيل فيه وفيهم خلاص شكله صدق يتمنى لي جهنم ويتمنى يقطع يدي وعيني واللي قاله صحيح قالوها تب تخسر انسان تمسك فيه واهتم فيه واخلص له وتخسره هذا انا بالضبط اللي صار معي ،، مافكر بالايام اللي عشتها معه نسى من انا وش سويت له نسى كل شي الحين صرت ما اناسبه ولاعاد يبيني ربي فوقه هو عماتي حسبي الله ونعم الوكيل كان عندي امل انه يرجع ويعتذر ويندم باللي سواه فيني لكن راح هالامل وانا كل يوم ادعي ربي يرده لي ردا جميلا كل شي ضاع ماعدت اثق باحد حتى نفسي طول يومي كئيبه افكر برجعته وش راح يكون عنده عذر لارجع مثل اول مره قالي مانبي نتكلم باللي راح وانا ماناقشته وسامحته على طول واخذني خمس ايام بس وكان اروع مايكون معاي واخريوم كان حييل يضمني وقالي بروح دوره اسبوع وارجعلك ليه يكذب وش سويت له ليه ماقال انتي طالق ليه ضحكهم علي ليه اخذني من اهل خمس ايام بس والحين يتمنى لي الموت وكل شي سيء حسبي الله ونعم الوكيل ،، انا خلاص ماعاد ابي من احد شي ولا ارجي شي اذا اللي كان يسوا حياتي سوا كذا كيف الناس اللي مالي اي شعور اتجاهم وهم مالهم اي شعور اتجاهي ،، صدماتي فيه كل يوم تكبر ولا لقيت عذر واحد ليه يسوي فيني كذا

ياختي والله مالومك ولاالوم مشاعرك تجاه من كان زوجك

والجرح من الحبيب اشد طعنا من الاخرين اللذين لايمثلون لك شي

عليك بالدعاء .... عليك بالدعاء
في سجدة امام الباري وفي قعر الليل
ولا تظنين ان الله لن يجيب دعوتك
فهو يأخر دعوتك لتنالي شرف المثول امامه ولتكوني بقربه اكثر وقت ممكن...
ادعي وكرري
( اللهم اظهر برائتي امام الملاء)
ولو اني منك والله لادعي بـ ( يارب الحق قلب زوجي بالحسرات تلو الحسرات على اتهامه وقذفه لي ، وخذ بحقي من عماتي دنيا واخره)