الله يفرجها ويصلح مابينكم يارب...
اصبري
انتي محتاجه هالمساحه
وهو كمان محتاج عشان يراجع نفسه ايضا ويشوف اخطاءه ويتجنبها مستقبلا
ولا تسميها عقاب او قسوه
اثنينكم كان الغلط مشترك مابينكم ..
منفرده
من اخت محبه لك
ان شالله ماتكون فيه مرا جايه
بس انتبهي تطلعي من بيتك...
وانتبهي توصلي نفسك للضرب ...
ازعلي مااحد قالك لا تزعلي
وعاقبيه
لكل رجال نقطة ضعف ومن خلال عشرتك مع زوجك يمكن عرفتيها اشتغلي عليه من هالناحيه واظمن لك مع الايام بيتغير معاك لمثل ماتحبي انتي لاتستعجلي النتايج...

__________________
(سيدة الموقف)
لم ننساك ونسأل الله ان تكوني أنتي وأولادك بخير

وكأن المشكلة تتلخص في ضربه فقط!!

المشكلة اعمق من ذلك مشكلة تواصل

يجب السيطرة والتحكم بردات فعلها ...وما حتشوف منه الا الخير

المشكلة تتضمن ايضا استفزازه لها و تدخله المزعج
الذي لم يصل له أن هذا سبب فوران المشكلة

__________________

منفرده طمنينا عليك...

__________________
(سيدة الموقف)
لم ننساك ونسأل الله ان تكوني أنتي وأولادك بخير

طمنينا عنك منفرده

حصلت تفاصيل صغيره مافيني اكتبها ..

اللي صار انه جا بيتنا وامي مسافره وقابل اخويا .. بنت اختي كانت تسمعهم قالت لي انه زوجي يقول لاخويا اني كنت لما يزعل مني ويخاصمني اسكت ومن لما جبت البنت وانا كل كلمه ارد بعشره وصوتي صار عالي ..

الموهم خرج يجيب اغراض لبنته ورجع ثاني واخويا مو موجود.. فتحت له وقال حطي لي البنت بالمجلس بدخل عندها ع بالو اني وحده من اخواتي ..
دخل المجلس .. اتصلت انا على امي قلت لها بروح له ..

جيت قلت ممكن نتكلم
قال اطلعي برا ما ابغى اتكلم
قلت بإسم الحب اللي بيننا
قال قتلتي الحب
طبعا النقاش كان بصوت واطي
قال لو سمحتِ بنتي اول انفجعت من اللي صار والان ابغى اجلس معاها برواقه
قلت طيب وانا امها وحبيبتك ومن حقي عليك اني اتكلم معاك ..
قال انا ماني قد المقام انك تتكلمي معايا مو انا ........
قلت طيب اعتذر عن هذي الكلمه
قال وماني رجال ؟
قلت واعتذر عنها كمان ..
قال وتضربيني ... ثنتين بوقت واحد يا منفرده

قلت لها هلاص الناس تتسامح لنا شهر وهالشي يزيد الجفا .. قال عشرين يوم مو شهر
قال اطلعي او انا اطلع
قات انت مرا قاسي
قال ليتني قاسي
بكيت قلت له خلاص انا تعبت والله اني احبك وانه كل اللي صار تراكمات بسبب بعدك عني من لما جبت البنت .. قال أرميها
قلت له بنتصالح
قال قلبي مو راضي يرضى عنك
قلت له قول لقلبك اني اكثر انسانه حبيته
قال وقولي لنفسك انك اكثر انسانه دلعتها واخرتها ماني رجال
قلت وانا ابكي وبصوت واطي طيب انت اللي بدأت .. قال كان صوتك عالي وليتك خليتيها على أولها كان أخذتي حقك مني
قلت انت خنقتني وضربتني بوجهي
قال لانك مديني يدك عليا انا رجاااال ماتجرأوا يسوو اللي سويتيه معايا
قلت له ما ابغى ارجع معاك بس خلينا نتسامح انا تعبت
قال سيبيني خلي قلبي الين يهدأ


طبعا كل هالكلام وهو واقف وبعدين صرنا نمشي الين الباب ..

قلبه قوي ..


هذا صار قبل خمسه ايام

وثاني يوم رسل لي
طلعي البناجر من يد البنت لانها ممكن تصغر وهي بيدها ونضطر نقصها
ورسل لي صوره لعشاهم ببيت خاله
كتبت له حاضر

قبل امس رسلت له ابغى مفتاح البيت ضروري علشان بسافر مع امي وابغى اغراض
طنشني واتصل امس ع امي قال اذا منفرده تبغى شي من البيت قولوا لي الوقت وانا اجي افتح لها الباب تاخذ اللي تبغاه ....ايش يقصد بحركته هذي ؟؟

امي قالت لي لا تروحي تاخذي شي زوجك يمكن براسه موال .. اقصري الشر وإذا تبغي شي انا اشتري لك ..

بعد اتصاله جا وشاف بنته
وبعدين راح .. رسلت له من جوال امي ايغى عربيات البنت والعابها .. اخر الليل جابها ..
واليوم سدد فاتورتي ..


هذا اللي صار ..

انا استغربت انه وافق اني اسافر ما توقعته يوافق .. احس اثبت لي انه ماعاد لي بقلبه مكان ..


طيب ايش اسوي الان ؟

اوقات اقول تركني وماله خلق ليا لانه طول الفتره اللي فاتت انا مشغوله مع بنتي ليل نهار .. فقال اصالحها ليش وانا مو مستفيد من وجودها شي !!!

وأوقات اقول هذا زي الجمل اذا حقد حقد خليني اتعامل معاه بتجاهل ..،

حطيت بالواتس صورة بنت وهو يكره اني احط صور بنات .. وكتبت
نفسي عزيزة من جفاني جفيته حتى لو صعب ع القلب فرقاه

تمنيت يقول لي غيري الصوره ..

زمان كان يكتب لي حتى لو هو عندي بالبيت
الصوره الرمزية لم تعجبني
واكتب له لعيونك اغيرها ..

الان كل شي تغير ...



دائما اجي من عنده غضبانه ومركبته الغلط كله .. بس لما أستشير وأهدأ وأفكر بالموضوع من ناحيته اكتشف أخطائي


احس انه هذي السالفه قضت على كل شي حلو


والله العظيم قلبي يعورني وطول وقتي ادعي ربي انه يحنن قلوبنا ع بعض ويرجعنا لبعض

__________________

أسأل الله العظيم أن يؤلف بين قلبيكما..

الزمي الاستغفار ففيه فرج ..

والقادم بإذن الله أجمل✨

لا منفرده
بالعكس هو طيب بس انت ابعدي شوي
خلاص اعتذري اعتذار جامد
و ابعدي خليه يحن من نفسه
هو شايفك تلاحقينه من كل مكان
منفرده شوفي مشكلتي هنا بالقسم
هي مشابهه لمشكلتك الا قليل
مع ذلك زوجي لا سأل و لا صرف على ابنه طول هالفترة ولا حتى شافه
و العمر يمشي ابني الحين صار يزحف و صار يخربط بالكلام وهو ما شافه
كيف طاوعه قلبه مدري

انا بالعكس اشوف زوجك كويس و متعلق فيك انت و بنتك بس اصبري عليه شويه
و ابعدي عنه اعطيه مساحة يشتاق لك و يحن لك

الله يفرجها عليك حبيبتي

__________________
ي رب رضاك و الجنة

السلام عليكم ورحمة الله وبركاته..

حبيبتي منفردة لا تقلقي سيعود لك بإذن الله، هذه الفترة التزمي الصمت يعني لا تتواصلي إلا إذا أراد أن يتكلم معك..

والصور الرمزية التي لا يحبها سيظن بأنك بمثل ما أنت ولا تسمعي الكلام انتبهي من ذلك.. شيليها

وأنت استغلي الفرصة بالجلوس مع نفسك..

هو فقط كل مايحتاجه وقت فهو مشحون منك وهذا خير لك وله، تخيلي لو عدت وهو مشحون عليك سيكون أكثر قسوة معك

هذا من مصلحتك حبيبتي..

فهو لن يتخلى عن منفردته لأنه يحبها جدا وقسوته قسوة إنسان محب جدا لا يحب يرى حبيبته تخطىء عليه وبافعالها تقتل كل شيء جميل..

اتركي له مساحة ليهدأ وأنت كمان ولا تنسي الدعاء الدعاء..

درس قاسي لكن يحمل في طياته الكثير من الهدايا التي سترضيك ثقي بالله حبيبتي.

دعواتي لك من أعماق قلبي..

طيب ليش الآن حسيتي انك غلطانة
و لما فعلا تجرأتي و ضربتيه في كتفه؟

__________________