هي مو ناقصة تجريح أدري
ورب البيت إني مقهورة عليها وما الغى لها الا الخير


واعتذر منك يالست كغيري ورب البيت ما أتمنى لك إلا الخير وحرييصة على مصلحتك وسامحيني الله يرضى عليك.

ليش تغلطون لست كغيري
بهالموضوع بالذات
مو متفقين
من البدايه
كان ممكن يجيها باسلوب يافلانه انا مضغوط هالشهر ان شاءالله الشهر الجاي اعوضك وخلصنا
ليه يربط نفسه باقساط من اولتها اذا ماهو قدها
اصبري هالشهر واجرك على الله

ماقلت لاتطالبي بحقك
طالبي فيه من غير تنقيص ولا تجريح

وعلى فكرة احنا عايشين في زمن الحق هو اللي يزعل الناس
بالذات الزوج لازم تعامله بسياسة وتتفاهمي معه بلين والله يستر علينا وعليك.

ما في ياماما رجل يحفظ لك جميلك بمالك ..
اسأليني انا خبره بهالشي ..

تعالي بس طالبيه او ذكريه بقسطه هالشهر تطلعين المنانه اللي تذل زوجها
ولو سكتي شهر شهرين خلاص هو بباله انك تنازلتي عنها

فما لك ياجميلتي الا تشترين راحة بالك وتخلين هالاقساط تنسحب من راتبك وهو له رب يحاسبه

راح اصبر هالشهر وبشوف للشهر الجاي وإذا دفع القسط كان بها .. مادفع القسط وقال ماعندي إمكانية بقوله إنه دام ماعنده امكانية لايكلف الله نفسا الا وسعها لان انا ايضا ماعندي امكانية ادفع اقساطها وراح اكيشها وابيعها وأفتك مع انه راح يتوهق بالسيارة لكن الله يعينه..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا ياقلبي في ألف طريقة وطريقة عشان أفتك منها ومن أقساطها .. أقربها اكيشها وابيعها لو بخسارة وارتاح .. اللي يطلع مايستاهل فهو عندي مايستاهل .. هذا وانا قايمة بواجباتي وببيتي وماأسلم من انتقاده وهو كل واجباته يتمنن فيها ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لست معك في ذلك
اصبري اكثر.
هو يحس انه قاعد يعوضك. بموافقته على مشاويرك
تغاضيه عن الطبخ. خروجه من دوامه.
انا اقوله عن تفكيره. عشان مو تقولي لي من يوصلني و هذا واجبه و شرطي الوظيفة. الخ
تعرفي ليش هو راح الديرة. هروب من مواجهتك
جربي طريقة اخرى في طلب القسط الشهر الجاي. بطريقة عاطفية و في وقت صفاء. و ليس بعد محاورة مشحونة او خلاف

__________________

ياختي مانقصت منه .. طلبت منه بهدوء القسط وقلت له عشان اسدد التزاماتي مو عشان أبي اخذ القسط قام يقول ماعندي امكانية وانتي سدديها واذا طولتيها بحط عفشك فيها ودقي على واحد من اخوانك يجي ياخذك .. كانه يبتزني ياأسكت عن القسط ياأروح لاهلي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

إتفقي معه يسوي لك إستقطاع أو إخذي سيارتك وتصرفي فيها ، وإستأجري سواق يوديك للدوام ويجيبك وإنشغلي في نفسك إدخلي نادي وخففي وزنك وعالجي المشكله الي عندك ، دخول الماده بينكم هو الي سبب المشاكل شيلي نفسك بكل إحتياجاتك هذي الطريقه الي تقدرين تساعدينه فيها ،
بهالطريقه بترتاحين من سالفة أعطيه وما يبين بعينه وهو نفس الشي .

__________________
الحمدلله حمدا جزيلا ...

انتي ماسكه على بكيش السيارة وابيعها وافتك منها وارتاح من اقساطها

مني انا اقولك ان كلامك بالهواء لاجاء وقت الجد نمتي

ثم تتوقعين الزوج لما زوجته تسحب منه السيارة وتبيعها بخسارة ويرجع لسيارته القرمبعه لاجا الليل بيحضنها ويقولها حبيبتي ابتسمي ؟
ولا بيدق عليها تبين بيتزا انا بجيب عشاء؟
ولا لاقالت له بنسافر نغير جو بيقولها ابشري يالله مشينا

تأكدي مشوار صيدلية ماراح يوديك لو تفحطين من المغص

مشوار اهلك خلي اخوك يجي ياخذك

بيقعد لك على الصغيرة ويكبرها الى ماتكبر اكثر وتنفصلون
وكل هذا انتصار وانتقام لنفسه

وانتي حرة انا حطيت نفسي مكانه وانك سويتي هالحركة بقولك مع السلامة والله يرزقك باحسن مني والله يعوضني خير
وورقتك توصلك