الله يعينها ويفرح همها

مستجدات موضوعي

المحامي حشر زوجي
وزوجي حس ان الموضوع بداء جد جد يكبر واهله
قام طلب الصلح وبشرط خروج المحامي من السالفه

واليوم انعقد مجلس للصلح بعد كم يوم ارجع لبيتي لم اقابل زوجي بعد ومازال زوجي يهايط بالكذب ويلقي اتهامات باطله امام الرجال لكنه يتحاشى مواجهتي

اللي تدخلوا بيننا قالوا لي لاتناقشينه على اللي صلحه قبل فيك
مازلت محتاره
شلون اسكت

ملاحظات
اغلب نصائح الاعضاء كانت حكيمة
رغم انها كانت موجعه

__________________
من عاش لله ومات لله فقد ربح دنياه وأخرته...

غالية

حلي مشاكلك قبل الرجوع

ماينفع ترجعين والمشاكل اللي طلعتك من بيتك لا زالت قائمة!

لا تسحبين المحامي قبل ماتشوفين الحلول بعيونك

قولي كذا

مادام المحامي هو اللي نفضهم وتحركوا! خليه شكليا واسم انه موجود لين تنحل مشاكلك وتصير الحلول اللي وصلتوا لها خطوات جدية

مو على كلامهم اسحبي المحامي وبعدين يصير خير! تخدير هذا!

لان للاسف زوجك لا زال يلف ويدور

__________________

اختلافي عنك لا يعني اختلافي معك

مثل ما قال العضو فانتي مدري اسمه صح كذا

المهم لا ترجعي و انت ما حلتي المشكلة
لانك بترجعي مره ثانية
اركعي له و انتي خلاص مقتنعه فيه
الله يسهل دربك

__________________
ي رب رضاك و الجنة

اشكركم على التصيحة

باذن الله ابين كذبه للناس ، باحلفه على المصحف وياحظ اامظلوم بالجنة هم اختاروا لانفسهم هذي النهاية

سيكون هناك نقاش خاص يجمعني به قبل الرجوع لبيتي بيوم

__________________
من عاش لله ومات لله فقد ربح دنياه وأخرته...

لاتحلفيه أبد .. لعنة الحلف الكذب قوية ويمكن يصاب بشيء تتأثر فيه حياتك وأطفالك لاحقا وأنتي أكبر الخاسرين .. ادعي له بالهداية والصلاح والتسخير .. وإن شاءالله أموركم تتعدل ..أهم شيء اتفقي معه على نقاط معينة تحفظين فيها كرماتك وتبدأين بها حياة جديدة مع زوجك..

الله

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

معاليش بس المحامي حشر زوجك في ايش
الاساس انه يبغاك ولا كان طلق وانتهى الموضوع
وفي هذه الحاله ايش بيسوي المحامي

ما شاء الله تببارك الله مبروك مقدما رجعتك لبيتك
أستهدي بالله يابنت الحلال أنا أشوف إنك أخذتي حقك كامل
ماله داعي تذلين الرجال و تكسرينه قدام خلق الله
يكفي إنه شاريك و باقي عليك
والله لو رجال غيره طلق من ساعة ماكبرتيها ووكلتي محامي
أرحميه و أعذريه من ححقه كمان يدافع عن نفسه حتى لو كان بنظرك كذاب
شكله الإجتماعي قدام الرجال و الناس يخليه يحافظ كرامته قدامهم ( شي طبيعي )
مو سهله تطلع مشاكل بيتكم و تنتشر بين الناس وربي فضيحه شي يفشل
تعوذي من الشيطان ترا أخذتي حقكك و كبرتي المشكله زي ماخططتي وأكثر
الزواج مو حرب و تحدي حافظي على إللي باقي بينكم من إحترام و موده

__________________

اللهم أكفني ما أهمني بما شئت و كيفما شئت إنك على كل شيء قدير

هذا اللي كنت اقصده اي حياة بتكون بينهم بعد ما صارت مشاكلهم على كل لسان!
ووصلت لمحامي
وبتكملها بتحليفه على المصحف!!

علميني اش باقي مغطى من حياتكم يا اخت غاليه؟!
وتتوقعين زوجك بيرضا يشيل المصحف امام الناس ويحلف

تخيلتي منظره؟
تخيلتي نظرت الناس لك وله؟
تخيلتي شكلكم وانتوا راجعين بيتكم بعد كل هذا وبعد ما حلفتيه على المصحف؟
ويمكن يحلف كاذب تتوقعين بعدها بينساها لك
انك اضطريتيه يحلف على المصحف كذب؟!

مدري مازلت استصعب الحياة بعد ان وصل الحال لمثل هذا!!
واستغرب ان زوجك لم يطلق الى الان
هل حالته الماديه صعبه ولا يقدر على تكاليف زواج اخر ام ماذا لا ادري!

مدري يمكن البعض يرى ما فعلت الاخت طبيعي انا لا ، ولكل واحد وجهة نظر

وعموما انتي قلتي باحد ردودك هنا انك ما تبغين الطلاق لانك شفتي وتشوفين حال المطلقات

يعني هدفك مجرد زوج وبيت امام الناس ولا يهمك حالكم داخل هذا البيت كيف
واتوقع حتى زوجك نفس الفكره لظروف غصب عنه والا لطلق

تداركي المتبقي والغي فكرة تحليفه على المصحف
(( الا ان كان قال كلام يمس عرضك ))



هداك الله واعانك

يعني يتفشل هو أمام الناس هذي تعتبر كبيره من الكبائر.... أما هي يفشلها قدام المصلحين ويكذب عليهم بأشياء ماسوتها ويطلعها عوبا وراعية مشاكل هذا يعتبر شئ عادي !!!!!


عموما في الأخير هو يستاهل التفشيل لأن هذا كله فعايل يدينه ... والا فين كان من ست شهور الناس يدوروا عليه وهو يتهرب وماجاب رأسه إلا المحامي ...