حسيت زوجي مايحب ولدي الصغير
كنت امشط شعر بنتي دخل زوجي علي قال بنتك ابيها تجلس معنا
اما الولد الصعير ماقال شي عنه
ولدي الصغير يبيني وبعد شوي ابوه بيجي ياخذ ه اذا راح عند ابوه
يحصل له حاجه مره انكسرت اسنانه الاماميه جزء بسيط منها ومره تسكر عللى يده الباب

__________________
《اللهم استودعتك أطفالي الذي لا تضيع ودائعه》

اعذريني اختي قلب

زوجج غريب .. من خلال كلامج ماعرفت احلل شخصيته... قاسي معاج ومع عيالج وحنون ع خواته فيه خصله زينه وعشره شينه

موضوع الخدامه مالها حق تدخل اخت زوجج ... وقولي لها هي ولديه بيطول عندي ...

الله يعينج قلب عيالج احسهم موب مستقرين

ايه ماشاء الله عليه حنون على اخواته تدرين حتى اكثر من عياله لاحظت الحين صرت اعطيه على جوه في كل شي والرجل هو المغلوب على امره إذا قاله لي اقوله الله يعين الرجل ومسكين ولدي راح ياروضه راح وتركني هو محتاجني احس زوجي مو متقبله البنت متقبلها لانه قالي اول ماوصلنا الرياض جيبي بنتك عندك عشان تساعدك
البنت الحمدلله مبسوطه عندي كثير حصلت بنات اخواته ومتفاهمين
ولدي الصغير قلبي يتقطع عليه مدري كيف طاوعني قلبي وتزوجت يارب تحفظه لي مدري كيف بعيش من غيره

__________________
《اللهم استودعتك أطفالي الذي لا تضيع ودائعه》

تخيلي دقيق جدا جدا جدا ولايفوته شي
عطيت بنتي جالكسي ووزعت على بنات اخته وحصله في الدرج اخواته وجا يحاسبني يقول لاعاد تطلعينه لهم انتبهي مره ثانيه
ود خل علي تو وحصل علبتين بيبسي صغير برا الشارع مافيه الا شوي وقال ليه تعطين البزران ماجبته الا للرجاجيل بعد عزيمه من قبل امس
قلتله ان شاء الله متقززه من اسلوبه
راح المطبخ وخشه
اسأل الله الثبات والصبر يسوي نفسه حنون ومحبوب وهو من جنبها ضروري الواحد يجامله ويرقصه تعبت طبعه غريب وكاتمه في قلبي

__________________
《اللهم استودعتك أطفالي الذي لا تضيع ودائعه》

__________________

اخوي ابو مريم
بارك الله فيك وتقبل الله منك صالح الاعمال يارب
تدري كل اللي ذكرته قلته لزوجي من ناحية الزياره اتودد له بس ماينفع معه عنيد
وإذا قال كلمه مستحيل يثنيها ومره سويت نفسي زعلانه لأنه من كثر الزن عليه سويت نفسي زعلانه وجا ء من نفسه وقال وشفيك ابي اشوف عيالي ووافق وفرحت وغلطت لاني فرحت بقوه قدامه وشكرته المفروض اني ثقلت شوي ومابينت اني فرحانه وبعد كذا غير رايه وكل اللي ذكرته لي قلته لزوجي انت ريح نفسك امي بتاخذني وبرجع من نفسي ماراح اطول او إذا راح لصلاة التراويح ينزلني واذا خلص ياخذني رفض
مدري ليه يعاملني كذا صعب الله يعين
زوجي عادي عنده الطلاق مايهمه طلق قبلي ثلاثه وقالي البنات واجدين روحي لااهلك اذا زعل بسبب حاجه تافهه
اكثر اصدقاءه مطلقين او متزوجين وعندهم رغبه بالتعدد واحد من اصحابه مطلق عشره حريم وتزوج والاخيره مرتاح معها
الله يعين

امي ماترضى عليه وتهاوشني علشانه لان لسانه حلو معها امي مبسوطه عليه لأنه صالح
اخوي ابو مريم عرفت شخصية زوجي وكيف التعامل معه الله يعين عليه
يجي بالمدح مثلا إذا قلتله فلانه تمدحك يستانس والحين ماشيه على نظامه في كل شي

__________________
《اللهم استودعتك أطفالي الذي لا تضيع ودائعه》

سبحان الله بنتي ماهضمته تقوله اليوم بنتي هاديه مره وذكيه
اخوات زوجي وبناتهم معجبين بشخصيتها وتربيتها
تقول الله يعينك على زوجك قلت ليه قالت ماعليه ملح وسامج زوجي يضحك معها
اخلاقه حلوه معها بس تقول مارتحت له
فعلا مومحبوب إذا جيت عند اخواته يحب يحرجني ويتريق قدامهم والكبيره تأيده
إذا شفت اسلوبه كذا اقوم واستأذن هو مايحب انزل واتركه بس عشان يمسك حدوده مره ثانيه

__________________
《اللهم استودعتك أطفالي الذي لا تضيع ودائعه》

ملابسه جاهزه ونظيفه في الدولاب كل يوم ابخر ملابسه ويزعل إذا شافني ابخر كل يوم بالعود لأني مااحب المعمول يقول حطي معمول ويتدخل في كل شي ولاتعطرين ليه يسوي كذا الازواج يفرحون اذا شافو زوجاتهم يهتمون الا زوجي
ومو راضي يغير كل شي جاهز عنده بس مايحب ولايصبغ لحيته ابدا
تعبانه نفسيا حاولت اغيره مو راضي يتغير فيه عجله مو طبيعيه إذا جاو عنده ضيوف
اجهز فناجيل الشاهي والقهوه وياخذ الفنجان بلحاله والترامس بلحاله مايحب التنظيم يفشل يدخل المطبخ اكيد ضيوفه بيقولون زوجته ماتعرف تجهز مايدرون ان هذا نظامه ويقول انا كذا وعصبي متعب جدا

__________________
《اللهم استودعتك أطفالي الذي لا تضيع ودائعه》

يارب تكتب اللي فيه خير لي
متأكده بمد يده علي عصب قبل الصلاة وجيت ابراضيه ضرب يدي بقوه ودفها يدور الزله علي بس مو محصل
وقال إذا شفتيني اعصب لاتلمسيني
دعواتكم لي براحة البال والثبات

__________________
《اللهم استودعتك أطفالي الذي لا تضيع ودائعه》

بصراحه مصدومه من تعامله معي
احس مصدوم من ام عياله لأنها طلبت الطلاق واخواته تدخلو في الموضوع عشان يرجعون وافقت انها ترجع لكن زوجي رفض يرجعها صار يتزوج ويطلق من بعدها ومايصبر
اخته قالتلي ام عياله جميله جدا وغاليه عنده يمكن يحبها احس شايل بقلبه عليها يقول إذا تزوجت ام عيالي بحضر زواجها وفي داخل قلبه مقهور هذا اللي حسيته الاحظه مو مهتم بطليقاته اللي تزوجهم قبلي الى ام عياله
شكله يفرغ شحناته فيني
بنات اخته الصغار يسمعون كلام اهلهم قالوا لبنتي زوجته ماكانت تشتغل وهو اللي يشتغل ترفض الشغل اما امك طيبه عند خالي

__________________
《اللهم استودعتك أطفالي الذي لا تضيع ودائعه》