صباح النشاط ..
يارشيقات بسألكم .. كم وجبه تأكلو باليوم ؟؟
انا احس نفسي اني اجوع على طول .. ماادري تحسو جوعي طبيعي
يعني انا اصحى الساعة 3 ونص الفجر .. واكل 7 تمرات عجوة .. طبعا مااقدر اكلها مرا واحدة .. فممكن خلال ساعه ونص اوساعتين اكون خلصت ال7 تمرات .. وبعدها اشرب حليب من غير سكر ...
المفروض انو يكون هدا فطوري خلاص .. لكن ماتجي الساعة 8 إلأ وانا ميتة جوع .. واسوي فطور طبعا
وتجي الساعة 12 الظهر .. وبرضو جعانة .. فاأكل فاكهه او اشرب كابتشينو .. او شوربة مع بناتي ..
طيب مايجي العصر هههه وانا ميته جووع
.. لكن طبعا مستحيل اكل اصبر للغداء الساعة 6 المغرب .. وبعد الغداء بساعه ونص اتمرن على الاوربتراك طبعا مو دايم .. اهملتو لكن برجع له من اليوم
بعد العشا اشرب قهوة عربية مع زوجي .. واحاااول انو يكون مع القهوة تمر بس.. لكن فشلت محاولاتي .. يعني لازم دونات كب كيك او كنافة .. طبعا جاهزة مو شغلي
لكن الصدمة ماتجي الساعة 11 إلا وانا جعاانة .. لكن اكل تفاحة .. الحمدلله زوجي مانعني اكلم المطاعم ولا كان طلبت
يعني بصراحة مرررا زعلانه من نفسي .. احس اجوع بسرعة .. يعني لو ابذل مجهود بسيط اجوع .. حتى لو اتحمم اجوع ..
قررت اني لازم اخلي وجباتي صحييه مرة .. خاصة فترة ماقبل الغدا .. ميموتي اعطيني وجبات صحيه جدا..
لكن الغدا ماادري احس لازم يكون دسم .. وخاصة زوجي مايحب الغدا خفيف لازم لحم وادامات باللحم ..
طيب .. لازم من المشي .. انا بس اوربتراك .. ومشي مستحيل اقدر امشي مع الجو هدا
__________________
سبحانك اللهم وبحمدك، أشهد أن لا إله إلا أنت، أستغفرك وأتوب إليك