راجعين لهالموضوع بعد الولادة
ياني ناوية على نفسي نية

__________________
يا رب خاتمة حســنة ، وزلفى ، وحسن مآب ..

خلاص اخذت قراري واليوم بديت بالريجيم بحاول اتجنب انواع السكر و النشويات بشكل كبير.. رجعت زدت اربعة كيلو يعني وزني 69 ل 1.73 بنزله ل 65 بس صعب مدري بيه منذ ولادتي الثالثة يصعب علي انزل



العشا شوربة، طماطم وموزريلا وخبز بروتيني (94% بروتين) مدهون بخلطة طماطم وكوسة. ما اعرف اكل من غير خبز والحمد لله انه فيه هذا النوع

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اخي الكريم نيت مان بالنسبة للشوكولا الصنف الوحيد اللي مستحيل اتركه بوقع بأرضي عنجد مش مزح بحس ما عندي طاقة اذا ما اكلت شوكولا
وبعتقد بيكون نزل عندي السكر هيك مرة قلي الدكتور
اني اذا حسيت اكل اي شي حلويات
والحمدلله خبز ما باكل هون الا الافرنجي بشيل كل اللب بيبقى القشرة رقيقة كتير
وبحب البيتزا كمان بعملها الي رقيقة كتير
يعني من انا وصغيرة ما باكل اي شي معجنات سميك او لب الخبز
لازم يكون رقيق وبيقرمش
ما كتير باكل طبخ ولا بحب الدهونات والشحوم
السلطات والفواكه عشقي والاسماك
والسندويشات اللي محشية خضرة
الحلو بحبه كتير
وما بحرم حالي بس بخفف من كمية الاكل واجمالا وجبتي ما كتير كبيرة كل حياتي تقريبا وجبتي متوسطة
الا بالسلطات اكبر حجم


والمشي الحمدلله الهواية اللي بحبها وبعتبرها الدواء للاعصاب والنفسية
وخاصة بايام البرد يعني شي مش طبيعي تعلقي وحبي للمشي بالطبيعة


بس الغلط اللي عم ارتكبه اني عم اكل شوكولا اخر الليل
وعم كتر انواع الكريم والجبنة بانواع الصوصات للمعكرونة
وهالشي المفروض راقب السعرات الحرارية كونهم كاملين الدسم والسعرات فيهن عالية جدا


بس الحمدلله راضية عن وزني بس من 5 الى 3 كيلو المفروض اخسرهن قبل ما انزل على لبنان لانو الاكل مع الاهل وبالمطاعم اكيد مشبع بالدهون ورح نكسب كم كيلو


صديقتي بس تعرف الانواع اللي باكلها بالكريم والاجبان والشوكولا ما بتصدق اني ببقى بنفس الوزن


بس طبعا ما لازم نهمل والا مع التقدم بالعمر بيصير يحرق الجسم للدهون اقل مما بيجعل خسارة الوزن اصعب
والمفروض الواحد يعمل كنترول على وزنه ونوعية اكله كرمال صحته بالدرجة الاولى


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يبعد عنك المشاكل حبيبتي وفا⚘⚘⚘⚘
بعرف زميلة من ايام الدراسة كانت وقت تكون معصبة او زعلانة او متوترة تضل تاكل وتفش خلقها بالاكل
بعكس العالم اذا زعلت تقطع الاكل
وان شاءالله بس جرب ريجيم البيض بخبركن انا قبل بشهرين ما انزل على لبنان رح ساويه اذا الله راد
والمفروض اسبوع واحد بالشهر الريجيم
يعني النتيجة رح تنعرف بسرعة
وبالنسبة للصبح اكيد رح تتناولي كوب عصير وخضار بجانب البيض وممكن بيضة او اثنين مش كتير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ريتو مأكووول الهنا يا عسولة ⚘⚘⚘
وحلو هالريجيم مبين وجبة متكاملة وبتشبع
انا بستغني كتير عن الخبز
وما بحب الاكل بالخبز
الا السندويشات واذا كان افرنجي بشيل كل اللب بيبقى القشرة الخارجية

متل هيدي السندويش لاحظي ئديش بقي منها بشيل كل اللب بالسكينة





وهيدي البيتزا من انا وصغيرة باكل هيك ما بقدر حط معجنات سميكة مع اني كتير بحب كل انواع المعجنات بشرط تكون رقيقة ومقرمشة
وهون البيتزا كمان ليكي شو رقيقة
يعني كذا قطعة ما بيجوا قد قطعة بيتزا عادية





وهيدا قلب الفطاير بالسبانخ



حتى المناقيش والفطاير نفس الشي وطالع ابني سجاد الي ما بياكل الا هيك






يعني باكل من كل شي بس بقلل من النشويات الموجود بالطحين والارز
مثلا طبخ قليل لآكل بس اذا عملت بازيلا بكتر البازيلا والجزر وبقلل الرز

حتى اذا رحت عالمطعم آكل بيتزا بطلب تكون كتير رقيقة ومقرمشة

وبالماكدونالدز بطلب وجبة الهابي ميل الصغيرة السمك مع البطاطا فيهن 500 وشوي كالوري وانا المفروض كل اليوم آخد 2000 كالوري

بس وقت اكل تشيز كيك او شوكولا قلبل لاحسب بعمل حالي ما بعرف شي 😁😁😁😁😁😁



وماشاءالله طولك كتير منيح يعني وزنك مقبول كتير بالنسبة لطولك

انا طولي مرة بيجي 160 مرة 161 مرة 162 والله كل مرة شكل

ووزني حاليا 64 بعتبر في اربع كيلو لازم اخسرهن مع انو الكل بيقلي ضعفانة والخواتم وسعوا على ايدي من فترة وقع مني خاتم من الاحجار الزبرجد هدية من زوجي😓😓😓😓

بس بعتقد الوزن بالعضل لانو بعده 64 بس صار في تغيير بالمقاس
وبلبس s بالبيت وبريت البيت M كرمال ما يكون مفصل الجسم


وبتعرفي صرلي فترة ما مشيت بس بالبيت مرات بجن بصير نط وارقص انا وعم اشتغل بصيروا الاولاد يعملوا متلي ونضحك
فهيك بتحرك وبحرق سعرات بطريقة حلوة ومش مملة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميييييمو تعالي لهون

انتي ليش جاية وسط قسم الريجيم وحاطتيلي هالاكلات مو نبهتك اني بعتزل قسم الطبخ لاعرف اركز بالريجيم تابعتيني لهون بصورك يعني




ماشاء الله كتيير حلو طريقتك في تحطير البيتزا والمناقيش وبيفتح النفس عالااااخر صدقيني


انا يا قلبي ما اقدر اكل البيتزا رقيقة كثييير لاني احس حالي عم اكل الحشوة وبس. نحن مشكلتنا المغاربة متعودين ناكل كل شي بالخبز السميك بالاكل وحتى الافرنجي عالفطور، ياريتنا بناكل الخبز اللبناني مثلكم كان ارحم

صعب جدا اكل طبق (باستثناء المكرونة وهيك) من غير خبز.. ولو اكل قطعة صغييرة المهم نفسيا احس اني اكلت عن جد والا بيضل شعور الفراغ العاطفي هههه

وزنك اشوفه ممتاز بالنسبة لطولك انا ما اعاني من السمنة وما بحكي لاحد اني بسوي ريجيم بيعتبروني ابالغ.. بس بتعرفي الشحوم الي بغير محلها ما بتكون ظاهرة تحت الملابس وانا جدا جدا تضايقني والطول يلعب دور انا تفاجأت وانصدمممت لما شفت وزني بالصيف 70 ماصدقت والله ههه قلت لمرت أخي الميزان عندك خربان انا مستحيل اتعدى 68 طلع كله حقيقة

صحيح العضل اثقل فحتى اذا نحفتي وانتي بتاكلي بروتين كثير مابيبين عالميزان..

الرياضة صارلي فترة قاطعتها وانا بعد ماعندي غير الرقص المجنون مع الاولاد بس مابيكفي..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

بلله عليك مسوكة هذا عشا
تفظلي حبيبتي يلا بلا ما نحلف عليك




شوفي الجبنة كيف سايحة عليه

مشكلة من ترتاح نفسيا بالاكل
الله لا يجعلنا منهم
انا نفسك ميمو تجيني رغبة قوية في الليل للحلو
صرت ما اشتري شكولا عشان ما اضعف
ان لم اجد شي اكل ملعقة نيوتيلا تاع الاولاد ههههه
احنا يا ميمو عاداتنا ما ناكل الصبح الا قهوة او حليب وقهوة ما نقدر
شفت جارتي الشامية ما شاء الله كانهم يتغذون
والاكل الصبح مفيد اكثر😍😍

وفا

تريقي يا وفا بلاتي عليك واصلا انا من البارحة منحبش المكرونة ومنحبببش الجبنة احب الخضر فقط

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يا حياتي قلبي اتقطع عليك
بعرف اني قاسية
بس المقصد اني فرجيكي انو الواحد بيقدر ياكل كل شي بنشويات وسعرات حرارية اقل
بتصدقي انا ما بحس بالشبع الا اذا اكلت سلطة او شوكولا
والخبز لو ما اكلته ابدا ما بسأل عنو
لو بتشوفي شو كنت آكل من عمر ال20 ل30 بآخر الليل بيتزا ومناقيش وسندويشات غير الشوكولا واللقمشات ومستحيل وزني يتخطى ال55 وكان يترواح بين 50 وال55
وهلئ بس شوف الصور بقول كنت كتير رفيعة وشو اللي كان عاجبه زوجي فيني 😁😁

بس من ايام المراهقة كان حبي للرياضة والمشي وجبت تلات اولاد من دون مبالغة بعد كل ولادة يرجع يشد جسمي اكتر من قبل ما إحمل وكنت بكل حمل أوصل اكتر شي لل62
وأختي هلئ نفس الشي عندها تلات اولاد ووزنها 50

لوقت من خمس سنين تقريبا اخدت ادوية للوسواس القهري ونصحت من ال50 لل74 اتخايلي الفرق
اول بداية كنت مبسوطة كتير عم انصح لوصلت لل65 ومن بعدها شفت الكارثة الحقيقية وبعرف زوجي ما بحب النصاحة ابدا
بس لعبت على عقله الباطني وصدق انو هيك احسن طبعا مش بال74 لا بل بوزن 63-64 صار يقول ايه هيك اجمل
بس اكيد من دون عيوب والحمدلله هيدا الشي اللي مريحني
وطبعا الفضل من بعد الله لهواية المشي عندي واكلي القليل الخبز والشحوم يعني اللحم ما بعرفه الا بالصيف وقت المشاوي او لانزل علبنان
ومن دون شحم ولا باكل اي اكل فيه مرقة لحم او دجاج
هالشي مساعدني
ولو ما ادماني عالشوكولا والحلويات بقول كان وزني ضل بالخمسينات
بس بالفعل بعد ال30 بيصير صعب ينزل الوزن بسهولة
وبيصير لازم ينتبه الواحد على اكله
واهم شي الرياضة مش معقول كيف بتشد الجسم وحتى الصدر ومن بعد الرضاعة بيرجع متل قبل وممكن اجمل
بس لازم يكون في ارادة
وبالنسبة للرقص مثلا فيكي تعملي حركات البوش اب انت وعم تحركي خصرك او عم تنطي او انت وعم تعملي حركات الهرولة
يعني بيصير كوكتيل مجنون بالحركات

والدهون ما بتروح الا بالرياضة او يحل مكانها العضل

اذا الله راد شهر الجاي عندي مشروع رياضة لزوجي لانو زاد وزنه بمنطقة البطن وهالشي ما بحبه والمفروض يبقى وزنه87 هلىء صار 96 وطولة 184
فرح استغل هالشي قبل ما انزل على لبنان

يلا لازم كلنا نشجع بعضنا البعض ونتغلب على كل الوزن الزائد
وبس لأبدأ شهر الجاي بريجيم البيض رح صير حط الوجبات لكل يوم بيومه لمدة اسبوع اذا الله راد

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه