أنا أرسلت له " ماعاد ينفع بيننا كلام لازم يا أدخل بابا أو ماما في الموضوع"

كان مارديتي عليه افضل رسالته باين انه شاريك ماشاء الله

ما رديت في البداية، بعدين ما حبيت اقفل عليه الطريق ،
لأنه شايفني أونلاين وكتب لي " اكتبي شي " فرديت عليه

ما رد عقب رسالتك؟!


الله يهدي النفوس ... بدا يتدارك الوضع عشان صورته قدام اهلك و خايف من تصاعد الموضوع .. بس محتاج قرصة إذن 👊

__________________

لا مارد ، بس قرأها
لازم يعرف هذه المرة غير عن كل مرة وطاري الطلاق خط أحمر !

محتاج قرصة اذن بأيه بالضبط ممكن انا مااشوف الشي اللي تشوفوه ومكبرينه..
انا اشوف مشاكل يمر بها اغلب الازواج ماتحتاج الى تصعيد حتى لو هدد بالطلاق مجرد تهديد يعني بالله هو صادق
الرجل لو يبي يطلق طلق ولا هاب من احد..
ممكن تنفع قرصة الأذن مع مهمل مع طايش مع مقصر مع نسونجي مع زوج غير عادل
ام زوج اشراقه مااتوقع ينفع معاه قرصة الأذن ممكن يحقد عليها والله اعلم..
ان شالله ينصلح حالهم بدون تدخل اي طرف يارب..

__________________
(سيدة الموقف)
لم ننساك ونسأل الله ان تكوني أنتي وأولادك بخير

بصراحة اكثر موضوع محيرني موضوعك
ماادري انا قدرته صح والا كيف!!
زوجك ماخانك ولا ضربك ولا سكر ولا أهانك
مجرد مهاترات تقع بين اغلب الازواج
ونقاط خلاف تقدرون تحلونها بينكم وبجلسة وحدة
وكان اقتراح اربعيني مناسب جدا لحجم الخلاف
رسالة فيها 1و2و3 والسلام
انتي شايفة شلون زوجك شاريك ويموت بتراب رجليك
خلاص الخلافات الفرعية بكل بيت..
انا يااشراقة ماابيك توصلين مرحلة انه يكرهك ويكره طاريك
وكثير رجال بالمنتدى كذا وحتى قريبات لي2 بعد الغلا والحب سكن الغل والحقد والعداوة..

1/اذا هو يبيك 24ساعة مبسوطة وانتي مثل اي ادمي تمر عليك لحظات تنكدين خليه برضو يعيش انسانيته وينكد معك عااادي لاتتحسسين..وان كان بك شدة خلي نكدك لما يسافر..

2/وضعكم المادي لازمه وقفة صريحة وقوية وصدقيني ينتهي كلنا ياالموظفات عشنا هالمد والجذب واحتجنا جلسة نحدد فيها بنود الصرف وحطينا خطوط عريضة لتعاملاتنا المادية..

3/اطفالك قلتي عادي برضو بجلسة معه صاحب الشأن خلصوا موضوعهم..


اشراقة عزيزتي والله من حبي لك كتبت هالرد
انتي بنعمة مو حاسة فيها لانك تملكينها
حافظي عليها بالشكر والعمل بما يرضي الله..

اسفة اذا ردي ضايقك
بس كلام بخاطري وحبيت اقوله
حبي وتقديري💞

👍
اشراقه لمحبتي لك ادخل موضوعك كثير وادعيلك بصلاح احوالك..
ماودي تخسري محبة زوجك
مع كلام نبض الدان بكل مافيه...

__________________
(سيدة الموقف)
لم ننساك ونسأل الله ان تكوني أنتي وأولادك بخير

نبض الدان شكرا يا حبيبتي جزاك الله خير وكلامك حسيت بصدقه ووصل قلبي

زوجي "أهانني" وله تقريبا 10 شهور وهو مستمر بالإهانة والعصبية اللي مالها أي داعي

واللي ذكرتيه فوق من الإيجابيات اللي أنا مستوعبتها عدل، ومخليتني أكمل حياتي معاه

كلام أخوي الأربعيني ريحني وقلت حأكتب مثل ما قال لي ولا حنصطلح الين أرسله شروطي وهو بالمقابل يقول ايش اللي يبغاه مني

وفوق كل شيء بس أبغى "احترام" زي اللي تعودته منه ال 7 سنين اللي عشناها سوا

الله يفرج همك ويصلح زوجك لاتكلمي الوالد بس خوفيه خليه يحسب انك كلمتي ابوك حسابه ويخاف اتركيه وشوفي ردة فعله
الله يريح بالك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه