وعليكم السلام
اختي الى الحين الوضع على ماهو عليه
اخوها ماجا
وعلى العموم هو متقاعد يعني ماعنده عمل يمنعه يجي وسط الاسبوع
وانا انتظر جيته

يااخ وحيد والله الاخ البليغ معاه حق برودك يحبط
قوم جيبها غصب عنها بيتها ولا اتصل ع ابوها وقول له كل السالفه
عشان يحط لبنته حد ،،، روح لها وقول لها لو مراجعتي الحين البيت معي وقصرت الشر والفضايح ماراح تبقي ع ذمتي يوم
والله الناس بتاكل وجهك كيف تقبل هالوضع لو صار شي مااحد بيلوم اخوها ولا ابوها بيلومو الرجال الي هي ع ذمته
طالت السالفه والله وجلوسها بالفندق جد عيب

اول مره احد يوصفني بالبرود
لكن انا مقدر حرصكم

يااخوان ابوها مررررريض تعبان ماهو يمي
واخوها بارد يقول ابي اجي والى الحين ماجا
وانا لو اروح لها الفندق يمكن يصير فضايح

عطوني حل

روح لها الفندق وقولها ولدك تعبان وفي المستشفى )ﻻ سمح الله ( وخليها تجي معك
و ودها الليت بعد كذا خل السواق يجيب اغراضها

انا فعلا حسيت حماسك قل
وربي يااخي برودك الحالي الي انت تمر فيه بيدمرك
تعبان ولا صاحي كلمه او رووح له مهما كانت المسافه خذ عيالك وروح له
قول زوجتي بغيت اطلعها لكم وهي راحت مع اخوها فندق
يعني هي على اي اساس جالسه بالفندق
وسائقها معاها وشغالتها ؟؟؟؟؟؟؟؟
حريم اخر زمن
زوجتك ماتبي التغاضي ولا الصموت
زوجتك يبي لها حزم وفصل بالموضوع ياتلزمك يامتلزمك
خذ اجازة من رصيدك لو فيه رصيد او اضطراري
وخذ عيالك ممهما كلفك ورووح لااهل زوجتك

لا تضغطون عليه اكيد مهو مبسوط بالوضع
قم صل الان وادع ربك وريح اعصابك على سجادتك

والله يفرج همك..

اطلاقا ماضغطنا
الموضوع مفتوح وهو بنفسه فاتح الموضوع وطالب اراء

واخر مشاركة له كاتب اعطوني حل

مرحباً أخي
هذه المرة الثالثة التي أشارك في موضوعك.. وإنت داقني طناش.. لكن ماعليه... نحتسب الأجر إن شاء الله.
سأقول رأيي والعلم عند الله
أخبرتك سابقاً أن فعلك سليم ولا غبار عليه... وبغظ النظر عن السبب الذي جعلك تذهب بزوجتك لبيت أهلها... فأنت قد خرجت مسؤليتك عنها بذهابها لأهلها فهو مكان آمن يفترض أن تكون وتعيش فيه... وأما خروجها من بيت أهلها وعودتها مرة أخرى لمدينتك وسكنها في فندق وكل ذلك بعلم أخوها... يعني ماهي هاربه حتى يتم البحث عنها ويتم إسترجاعها.. وإنما خرجت مع محرمها ربما بحيلة أنها رجعت لبيتها... ووالدها ربما إلى الآن لا يعلم

ولكن للأسف غلطك الأكبر كما قلت لك سابقاً أنك لم تخبر والدها بمشكلتكم وبجيتها وسكنها بفندق... حتى لو كان تعبان ومريض... فهو ولي أمرها وهو من تزوجتها منه.. وأما حجتك بأنه سوف يرجعها رغماً عنها... فهذا لا يعنيك...دعها ترجع رغماً عنها وراسك مرفوعة وكرامتك محفوظة... بدل ما رجعت أنت من تلقاء نفسك وبدءت تراسلها... ولم تتجاوب معك .
أخيراً
أنصحك بإخبار والدها... ولكن ترفق في الكلام معه... وبعد ذلك يحدث الله أمراً كان مفعولا.

محشوم اخوي الرسمي
انت على العين والراس ولايهون كل الاخوان والاخوات
هذا اللي كان ببالي بصراحه ان اللوم على اخوها مو علي
لان فعلا الوضع غلط بهالشكل ولازم يكون له حد
انا الحين ابي اتصل باخوها واشوف متى بيجي بالضبط والا راح اتصل بعمي واقوله واخلص الموضوع ياابيض يااسود

اخوي الوحيد

أنا في بيتي ،، بيت تمليك .. و وسط أولادي و شغالتي ..

مجرد غياب زوجي فترة ..
و اعتمادي عالسواق و على نفسي في أمور حياتي و أولادي ..

و الذئاب بدأت عيونها تتربص لي ..
فما بال زوجتك و هي في فندق وسط ناس ما تعرف إيش هي نيتها ؟؟؟؟؟؟؟؟؟؟؟؟

اسمع كلام البليغ أو الرسمي و اختار يا كذا يا كذا ..