متابعة لموضوعك منذ بدايته ..
رأيي من رأي الأخ SFY ..

بالعكس ارى ان تنتظري ليعاود الاتصال
الاحترام اهم من الحب و عذر العصبية و بذاءة اللسان عذر الضعيف
حتى ممكن يكون الشخص عصبي اكن من غير فضيحة و تقول على الله؟
انا لا اقول الطلاق هو الحل.لكن قرصة هادئة مطلوبة في حالتك
عوضا عن تغيير اللوك و الاثاث و الديكور.!

__________________

السلام عليكم

اختي كنافة صحيح اني عضوة جديدة لكني كنت متابعة لجميع مشكلاتك مع زوجك و كنت أدعو الله لك أن يفرج همك على الرغم من عدم معرفتي بك شخصيا.. اللي شدني في الموضوع ان تصرفات زوجك شبيهه إلى حد ما بتصرفات والدي فهو عصبي وإذا عصب لا يعي ما يفعل أو ما يقول.. واللي لازم تعرفينه أن مو بس زوجك ووالدي كذا لا كل الرجال العصبيين مايقدرون يسيطرون على أعصابهم.. فإذا انتي حاطه أمل انه يتغير فيؤسفني أقولك انه صعب هذا إذا ماكان مستحيل انه يتغير لأن والدي له مع والدتي ماشاء الله خمسين سنة وهو على نفس طبعه بالعكس مع الكبر في السن زادت عصبيته ووالدتي صارت ماعاد تتحمل كثر صراخه وشكاويه.. المهم أنا أقولك الطلاق صعب خصوصا لأن بينكم طفله لكن اسألي نفسك كيف ممكن تكون حياتك مع زوجك بعد 30 سنة؟؟ إذا انتي ماتحملتيه 3 سنوات هل راح تقدرين تتحملينه بعد 30 أو 40 سنة؟ أما سالفة انك تعيشي معاه في بيت واحد ولا كأنه موجود هذا شبه مستحيل لأن إلا مايجي يوم وتحتاجي تطلبي منه شي أو تناقشيه في موضوع.. على فكره هذه النوعية من الرجال لا يعترفوا إلا بالحاجات المادية فقط أما الحاجات المعنوية لا يرونها مهمه والدليل ان زوجك مو مقصر معك من الناحية المادية وعشان كذا يستغرب من ردة فعلك لأن هو يشوف انه مو مقصر معك وانتي ناكره للجميل ومو عاجبك شي.. بإختصار هو مايشوف نفسه غلطان ويشوف انك انتي النكدية وانتي اللي تدوري على المشاكل.. هو مو قااااادر يفهمك ولا يفهم انتي وش تبين

نصيحتي لك استخيري الله وإذا اخترتي انك تجلسين معه لازم تتقبلينه مثل ماهو وتحطي أعصابك في الثلاجة وتجيبي عيال كثير عشان يسلونك وهم صغار ويكونوا سند لك وهم كبار << النقطة الأخيرة يمكن تضحك بس تراها حقيقة لأن اللي في مثل حالتك جنتها مو زوجها جنتها بيتها وعيالها

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

نسيت ما أعلق على نقطة لما يتصل عليك وتكوني نايمه وبعدها ما ترجعي تردي
هو ياحبيبتي ماراح يجي في باله انك نايمه راح يقول هذه شافت اتصالي وطنشت ترا الإنسان وقت الزعل مايحسن الظن بالعكس يسيء الظن والشيطان يكبر المشكلة في راسه وممكن يقلب الموضوع عناد بينكم وهالشي مو في صالحك لو تبين الصلح.. أنا أشوف انك تردين برسالة وتقولين انك كنتي نايمه إذا يبي نقاش قوليله تناقش مع الوالد الموضوع خرج من ايدي

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

الحل/ اذا دق مره ثانيه ردي عليه بس انتبهي انتي تبادرين وتدقين..حتى لو يدق بعد اسبوعين انتظري..ردي عليه ب ادب واطلبي منه يكلم والدك بخصوص رجعتك له(عشان يحس ان وراك احد) وان شالله كلشي يكون بعدها تمام

وينك
طمنينا شو صار
رجع اتصل عليك او لا
شوفي انت اليوم بادري بمسج
اكتبي فيه
هلا معلش كنت نايمه لما اتصلت عليه اذا فيه كلام حابب تقوله لي تفضل بيت ابوي وتفاهم معاه
استخيري الله اول قبل لا ترسلي الرساله
يارب تعيدي في بيتك امين

__________________
انا لله وانا اليه راجعون

انا متضايقه وندمانه قد شعر راسي
لانه دق امس ورديت عليه
انا غبيه لاني رديت

هو تفاجأ اول مارديت
سأل عن حالي وبعدين اعتذر
وانا كنت ناشفه معه شوي.. لكن بأدب
قال: اتوقع يكفي لحد هنا وارجعي بيتك
قلت: البيت اللي اهنتني فيه وجرحتني فيه
لقيته فجأه رفع صوته وقال: خلاص اعتذرت ماتفهمين!!
انا عصبت وقلت انا غلطانه اللي رديت عليك
قال: لا تكابرين.. ردك علي دليل انك للحين تبغيني!!
قلت: غلطان انا مجروحه منك وماتوقعت تفعل كذا وكذا
قال: طيب قلت لك اسف.. احمدي ربك اني اعتذرت.. غيرك يبوس يده وجه وقفى!!
قلت: روح للي تبوس يدها لك.. لا تقرفني

هو كان يتكلم بصوت عالي
اخر المكالمه طلب مني ارجع البيت ورفضت
قال براحتك وبكل الاحوال بيتك منتظرك

قبل شوي بلغت ابوي انه دق واني رديت عليه
عصب علي وانفعل قبل يعرف ايش بالمكالمه
قال: ليييييه ليييييه حرام عليك ضيعتي كل شي
وصارت جلستي كل هالايام بدون فايده ولامعنى
يقول كان يبغى يقرص زوجي ويخليه محتار
مو عارف ايش اللي براسي
لكن الحين عرف زوجي اني لسى باقيه عليه
وصار مو مهتم ولا شي
انا انقهرت من نفسي
واقتنعت اني حماره.. وان كلام ابوي صح
خربت كل شي بتهوري
ليتني مطنشته ومحترمه نفسي وساكته
خصوصا انه يدق مره كل 4 ايام
ابوي قال: لو صبرتي وسكتي كان هنتيه وربيتيه
لانه مو عارف قيمه زوجته اللي كل فتره يمرمطها
وقال: لو تركتيه شهر بكرا بيفكر الف مره قبل يزعلك أو يهينك
لكن انتي بينتي له انك سهله.. والله بيمسح فيك البلاط بكرا لو عصب

والطامه الكبرى
قبل شوي زوجي ارسل مسج
كاتب: جهزي البنت ابغى اخذها بعد المغرب
يعني بيجلس يشتغل علي بقصه البنت


انا مقهوره خلاص مقهوره وكارهه نفسي
واحس اني وحده شرشوحه مالي قيمه

الاعضاء اللي نصحوني ارد عليه
جزاكم الله خير
انا مقدره تعبكم معي
بس النصيحه ماكانت بمحلها مع هذا اللي يتسمى زوجي

انا كل فتره اتهزأ واخذ على راسي ولا اتأدب
وهو خلاص عرف كل مفاتيحي
خربت على نفسي لما عطيته فرصه اسمعه
واسمع كلامه المتعالي واسلوبه المقرف

واحرجت نفسي من ابوي
اللي كان متوقع بخبرته شي انا ما كنت اعرفه

الله يفرج همك ياارب ويهدي زوجك

للاسف كلام الاعضاء مانو دايما صحيح من هلا ورايح اسمعي كلام ابوك ولا تسوي اي خطوة قبل ما تشاورينه

ولسة قدامك وقت تخلليه يندم ويتوب واسلوبه الاخير معك رح يعطيك دافع تستمري على موقفك وما تضعفين

اسمعي كلام ابوك حبيبتي في كل الاحوال هو الادرى بمصلحتك ربنا معك