محبتكم روح الطير..محتاجتكم [ مستجدات بالرد 30 - 31 - 34 - 288] - الصفحة 33 - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
أدوات الموضوع
انواع عرض الموضوع
قديم 30-08-2012, 02:46 AM
  #321
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

قال راح يجي يوم و تقولي الحمد لله انه صار الشي هذا
عشان زوجي يصحى و يعاملني كذا من زمان

قال مستحيل اتخلى عنك.. لانك ما بتتخلي عني بالموقف هذا

قال الكلام هذا ليلة الخميس
رد مع اقتباس
قديم 30-08-2012, 02:53 AM
  #322
البليغ
عضو المنتدى الفخري
تاريخ التسجيل: Dec 2010
المشاركات: 5,761
البليغ غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

الأخت الكريمة/ روح الطير
-أشكر لك ثقتك بي.. وآمل أن أكون عند حسن ظنك.
-لم أجب علي أي شيء في موضوعك هذا حتى أرى منك وصولاً للنهاية في الحديث.
-هل لديك إضافات على الموضوع أم لا؟
-أقترح عليك القيام بما يتيسر لك من ركعات بعد نصف ساعة.. ثم رفع اليدين للرحمن المنّان.. ثم الثناء عليه والشكوى إليه مع البكاء، وقولي (اللهم إني أشكو إليك).

التعديل الأخير تم بواسطة البليغ ; 30-08-2012 الساعة 02:55 AM
رد مع اقتباس
قديم 30-08-2012, 02:56 AM
  #323
عيوني تحكيني
قلم مبدع
 الصورة الرمزية عيوني تحكيني
تاريخ التسجيل: Nov 2011
المشاركات: 2,055
عيوني تحكيني غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

اقتباس:
المشاركة الأصلية كتبت بواسطة روح الطير مشاهدة المشاركة
هو قال بيغير رقمه

و قال ما بيحط كلمة سر

و قال مابيحط جواله عالصامت في البيت ابدا

و اي اتصال يجيه.. يرد عليه

و قال لو تحسنت حياتنا و تصلحت.. بيبطل سهر و ينظم حياته

انا قلت له كلام كثير

كل هالوعود ياروح مابتغير شي من اللي بداخلك ....؟!'
ادري ان الجرح كبير بس قلبك اكبر وحياتك وحياة اطفالك اهم ...

ومع ذلك بنتظر للنهايه وماراح اسبق الأحداث ..
__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’
رد مع اقتباس
قديم 30-08-2012, 03:15 AM
  #324
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

عيوني تحكيني

انا قلت نفس الشي

غيرت رقمك و لا ماغيرته ؟
مصيره سنة سنتين و يرجع لحركاته

اخوي البليغ

انا ماني حاسة حالي مهمومة
صار عندي جمود

ما صرت عارفة ايش ابغى

.
.

بس اخر شي حصل

اني كنت متذبذبة

ليلة الخميس .. وقت جا و تكلمت معاه
قلت له شوف.. انا دحين باكلمك كلام و لاتنساه

انت كنت صريح و صادق لاول مرة في حياتك
و انا باحترم الصراحة هذه..

لانه هذا اللي كنت اتمناه منك من زمان
و علشان كذا .. ما راح يصير بخاطرك الا كل طيب

انا دحين راح اقول لك كلام.. بس لاتعتبره قراري الاخير
انا من اليوم
رد مع اقتباس
قديم 30-08-2012, 03:27 AM
  #325
لؤلؤة الصباح
عضو مثالي
تاريخ التسجيل: Aug 2012
المشاركات: 572
لؤلؤة الصباح غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

الرجال انانيين

يبون زوجاتهم مفرفشين حتى باصعب الظروف

انتي كنتي تمرين بظروف صعبه واكيد نفسيتك تعبانه وتغيرت عليه

فهو من وجهة نظره ان الافضل يتركك لوحدك

انتي كنتي تبينه جنبك فتضايقتي وقلتي له كلام قاسي يمس الرجوله

واتوقع انه صادق ان خش الشات يبي ينتقم لرجولته

اذا كان يقرا الموضوع ان شاء الله يكون انتبه ان المراة في اصعب الظروف تحتاج
الى الاحتواء والطبطبه حتى لو ماكان بيدك شي تعمله لها
يكفي وقوفك بجانبها والاستماع الى فضفضتها

شروطك للعودة جميله ان يرجع يهتم بدينه
طول ماهو ملتزم بدينه فهذا يعني انه لن يعود للخيانه
في اللحظة التي تهمل فيها دينك يحق لروح الشك فيك

اخذك اموال من بنات يجعلك تسقط من عين زوجتك

ظروفك المادية لاتشفع لك
كون البنات اللي تعرفت عليهم منحرفات او سمهم كما شئت
بعد مايشفع لك تاخذ اموال منهم بالحيله
رد مع اقتباس
قديم 30-08-2012, 04:27 AM
  #326
فاكهة الشتاء
عضو متألق
 الصورة الرمزية فاكهة الشتاء
تاريخ التسجيل: Dec 2011
المشاركات: 3,158
فاكهة الشتاء غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

روح الله يعطيك العافية يا قلبي
وراح تسمعي رد بإذن الله

الحمد لله انت اليوم والبارحة في تحسن كبير
من لحظة اعتذارك وانا عرفت ان روح بدت ترجع لروحها الحقيقية
__________________
الحمدلله الذي بنعمته تتم الصالحات


التعديل الأخير تم بواسطة فاكهة الشتاء ; 30-08-2012 الساعة 04:30 AM
رد مع اقتباس
قديم 30-08-2012, 05:00 AM
  #327
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

من اليوم ، شغل البيت ما راح أمسكه أبدا إيش ما صار ..
راح أجيب شغالة تمسك الأولاد ..
أي شي تقوله ، راح أقول لك ( طيب ) ..
ما راح أزعلك أبدا ..
و لا راح أجرحك أبدا ..
و لا راح أعاندك أبدا ..

بالمقابل ..
إنت ما تكذب ..
ما تستفززززززززززززززز ..
ما تطنش ..

.
.

قلت له ..
عاملتك قبل ( بعقلي ) .. عشان كنت خايفة من اللحظة هذه ..
كنت أخاف أعاملك بعواطفي و قلبي ،، و بيوم من الأيام تكسره بالخيانة ..

بس دحين ..
راح أعاملك بالطريقة اللي ترضيك ( بقلبي ) ..
راح أخليك ( ملك ) ..

.
.

و وعدته وعود في حالة إني قدرت أنسى و قدر هو يسترجع الثقة ..

قلت له إنت تدري ، لو إني تركتك ..
أمامي فرص كبيرة ،، و ما راح أخسر شي ..

عددت له ( المزايا ) حقتي .. و إنه اللي كان مخليني أجلس معاه ( الحب ) اللي قدمه لي ..
بس خلاص ، كل شي انكسر ..

و قلتله ، ماحد بيضيع غير أولادك ..

.
.

و رجوعي لك ، مو معناه إني سامحت و نسيت ..

.
.

جلس يوعد و يحلف إنه تغير و إنه انسان تاني و إنه بيعوضني و إنه و إنه ..

و قال لي /
اللي عملتيه دحين ، في حياتك ما راح تندمي عليه ..
ما تتخيلي قد إيش ( مقدارك و قيمتك عندي كبر و تضاعف ) ..
ما تتخيلي قد إيش ( معزتك عندي كبرت )
ما تتخيلي قد إيش ( حبك بقلبي تضاعف )
و الله ( قيمتك و مقدارك مرة كبروا بداخلي ) ..

.
.

تخيلتك بتتنازلي عني بسهولة ،،
لكن إنت ما تنازلتي عني بعد كل اللي صار ..
أنا غلطت و اعترف ، بس إنت ما تنازلتي عني ..

.
.

كنت أحسب إني ولاشي بالنسبة لك ، و إنك بأي يوم ممكن تتخلي عني بسهولة ..
بس وعد مني ( ما أتخلى عنك طول العمر ، مثل ما إنت ما تخليتي عني بالوقت هذا )

.
.

طالعت فيه و ماني عارفة أصدق و لا أكذبه ..
بس قلت ،، أنا أهم شي عندي دحين ، إني ( بأتعامل مع ربنا ) ..

.
.

طلبت منه ، إنه علاقتي أنا و أهله ترجع مثل زمان ..
و إني أروح أعيد عليهم ..
زرتهم الخميس ، أبوه استقبلني ( بترحيب حار ) ..
كانوا أخواته و أخوانه جدا رائعين معاي ..
أخوه قال ( أنا دحين اللي عيدي بدأ ) ..

.
.

الجمعة رحت عند عمتي ..

السبت ..
افتكرت كل كلام البنت ،، و صرت أبكي ..

قلت له ..
أنا بأتعذب .. صرت أسأل أسئلة كثير .. و أوسوس ..

قال لي ..
الشيطان شافك رجعتي ، و مو عاجبه و بدأ يدخل بيننا ..

.
.
قال لي
إيش اللي يرضيك اعمله ؟
بس قفلي عالسيرة هذه ، لإني ما أتحمل ..

بكيت كثييييييير ، و طلعت له كل شي بداخلي ..
5 أيام ما كنت أكلت شي ، و لا نمت ، و لا شربت ..

اخر شي دخت من كثر البكا ، و كنت بأطيح من طولي و يغمى علي ..
ماني عارفة أقرر ..
ماني عارفة إيش أبغى ..

.
.
قلت له ،،
أنا اللي بكيت ، و أنا اللي بأقدم تنازلات ، و أنا اللي بأحاول أرضيك ..
و إنت ايش عملت عشاني ؟؟؟؟؟؟؟؟؟
إيش اعطيتني ضمانات ؟


قال و الله ما أعرف كيف الطريقة ، و كيف أبين ندمي ..
قلت له ، روح أسأل ..

لو ما شفت بعيني إنك بالفعل ( شارينا ) ..
أنا ما حأقدر استمر ..

انت غلطت غلطة كبيرة ..

.
.

تكلمنا قبل أمس ، إيش أسباب المشاكل ..

قال لي ( الفلوس ) ،، قلت له ( السهر ) ..
قلت له ، إنت لما تسهر و تهملنا ..

و وقت اتكلم معاك ، تطنش و تستفزني بسكوتك ..
أبدأ أكلمك عن الفلوس فين بتصرفها و إنت مقصر معانا ؟
عشان استفزك ، لإنك ما ترد علي ؟؟

.
.

قلت له
لا تحسب إني ماني مقدرة الأوقات اللي وقفت فيها معاي ، و وقت وقفت معاي بولادتي ..
إنت وقفت مع أمي بوقت مرضها ،، و أنا وعدتك وقتها إني ما أنسى جميلك هذا طول العمر ..

إنت كنت أول رجال بحياتي ..
أنا و إنت تعاهدنا إننا نكون أزواج بالدنيا و الآخرة ..
كيف بكل سهولة تبغاني أنسى هذا كله ..
كيف قدرت تنسى كل الوعود هذه ..

تكلمت كثييييييييييييييييييييير .. و الدموع ما توقفت ..
كان ألم بداخلي ..
كنت اتكلم بهدوء و الدموع مليانة ..
مو بكا و صياح ..

قلبي وقتها هو اللي كان بيتكلم ..
مو أنا ..

.
.

قلت له بعدها بيوم و أنا بالسيارة .. بعد ما مسكت يده ..

أبغاك تفتح لي قلبك ، و تقول لي كل همومك باللحظة هذه ..
( زوجي بحياته ما يتكلم لو يموت ، كل ما أسأله زمان .. يقول ولاشي ) ..

.
.

أول مرة يفتح قلبه ، و يقول لي عن همومه كلها ..
سمعت له للنهاية .. و وعدته إني بأكون البلسم لكل همومه ..

.
.

قلت له :
لا تحسب إني ناكرة للجميل ، أو بقلبي مافيش رحمة ..
أنا صح كنت تاركتك تتحمل مسئوليتنا ، و كنت أقسي عليك مرات ..
بسبب الأغلاط اللي قبل .. كان لازم أقسي شوي ..

و إنت بسبب كل اللي قدمته لنا من بعد ما رجعنا من برة ..
أنا ما نسيت معروفك و وقفاتك ..

.
.

أنا كنت ناوية مجرد ما تتوقع أوراقي حقة الماجستير و يزيد الراتب ..
الزيادة نتقاسمها أنا و إنت ..

إنت وقفت معايا بالغربة و بالماجستير ..
هذا أقل شي أقدمه لك ..

لا تحسب إني كنت راح أجلس أتفرج عليك طول العمر و إنت مهموم بالديون ..

وقت رجعنا من برة ، كنت بأشوف إيش بتقدم لنا ؟
و الشي اللي قدمته و الأوقات اللي وقفت فيها معانا ..
هي اللي خلتني ( أعشقك ) بدون ما أحس ..

إنت تعرفني عنيدة للنخاع ..
حبك ( تغلب ) على عنادي ..

.
.

قلتله ،،

أنا راح أحل مشكلة الفلوس ،،
بشرط ، إنك تحل مشكلة السهر ..

.
.

قال لي ..

ما أدري ، أحس إنه بعد اللي صار ..
( كل الحواجز اللي كانت موجودة بيننا ، انزاحت و راحت ) ..
أحس إني صاير أتكلم ( بدون أي خوف أو حواجز تمنعني ، و قربتني منك أكثر ) ..

.
.


ما أعرف ؟

.
.

حبيت أحسسه بمقدار ( الحب ) اللي راح يخسره ( إن قررت أبعد عنه )
و إن ما خلاني ( أنسى ) ،، أو إنه ما قدر ( يسترجع الثقة ) ..

.
.

انتهيت ..

.
.

قال بيعتذر لي قدام أهله ..
عشان لا يحسبوا إنه رجوعي له ( غصب عني أو ضعف أو خوف ) و يتشمتوا ( بعضهم ) ..
عشان يعرفوا إني رجعت ( بكرامة ) ..
رد مع اقتباس
قديم 30-08-2012, 05:13 AM
  #328
فاكهة الشتاء
عضو متألق
 الصورة الرمزية فاكهة الشتاء
تاريخ التسجيل: Dec 2011
المشاركات: 3,158
فاكهة الشتاء غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

روح
عندي كلام كثير
ترضين تسمعينه انت وزوجك مهما كان قاسي ؟!

لانه - بنظري - هو كلام لازم يسمعه زوجك تحديدا ثم انت من زمااان
__________________
الحمدلله الذي بنعمته تتم الصالحات

رد مع اقتباس
قديم 30-08-2012, 05:14 AM
  #329
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

طلبت منه دحين ، إنه لا يدخل المنتدى و يقرى ..

قلت له ، هو المكان الوحيد اللي أخذ راحتي فيه ..
و فيها ناس أحبهم و يحبوني ..

.
.

ما أعرف ..

أحس كانت فيه سكينة مغروسة بداخلي ..
مجرد ما كتبت هنا و انتهيت ..

حاسة كأني ، مثل اللي كان بغيبوبة و صحي و لقي نفسه مكان ..
و هو يقول ( أنا فين ؟ )

.
.

أنا بجد ماني عارفة اتخذ قرار ..
بجد ماني عارفة أنا إيش أبغى بالضبط ..
ماني عارفة إيش نهاية الطريق هذا ؟

أنا مستحيل أسامح ..

كيف رجعت بسهولة ؟

.
.

البليغ ، سيدة الموقف ، فاكهة الشتاء ، أبلة بيتا و خالة جرين ، المتفائل بالله ، المتفائلة بالخير ، مهرة ، نورة ، حياة أفضل ،
أحمد الأزهري ، ولهاااان ، تائه قلبه ، كريستالة ، ذكريات لا تغيب ، لمني بشوق ، أبو مريم ، احساس عمري ، بريث ......... إلخ


أنا إيش أبغى بالضبط ؟

.
.

أخوي البليغ ..

اصلي و ادعي إيش أقول ؟

اللي صار صار .. و مافي شي ممكن يمسحه ..

و الإنسان هذا ما أقدر أنساه ، و لا أقدر أسامحه ..

.
.

اللي تقولوه راح أعمله ..

( عقلي و قلبي ) راح يضيعوني ..

.
.

عمي ما عرف كل الحكاية ، بس على باله تلفون و خلاص ..
و قلت له ، طلعت البنت تتبلى عليه و تحرضني عليه ..

قال الحمد لله إنه الأمور انتهت على كذا ..

زوجي اعتذر لي قدام عمي .. و اعتذر لعمي ..
عمي قال لي ( يالله قومي إنت كمان و سلمي على زوجك قدامي ) ..
رد مع اقتباس
قديم 30-08-2012, 05:16 AM
  #330
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد : محبتكم روح الطير..محتاجتكم [ مستجدات بالرد 30 - 31 - 34 - 288]

فاكهة ..

أنا أسمع ،، اضمن لك نفسي ..

زوجي ما أضمنه لك ..

( لإنه يكره القراية ) ..

.
.

و أنا بصراحة ، ما أدري إيش أبغى بالضبط ..
ردات فعلي متلخبطة ،.

التعديل الأخير تم بواسطة روح الطير ; 30-08-2012 الساعة 05:17 AM
رد مع اقتباس

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:14 AM.


images