مهورتنا العمر كله يارب الله يطول عمرنا بطاعته
بالنسبة للحفله حسيتها تقديراً لك ماعتقد تكون شفقه ابداً لان فعلاً اهل زوجك محظوظين فيك وانت بعد محظوظة فيهم الله يهنيكم ببعض وماشاء الله تبارك الله زوجك انسان رائع ياكثر الرجال الي مايعاملو زوجاتهم نص معاملة زوجك لك وهي تكون الوحيده بحياته الزوج يعامل زوجته بحب وحنان وهو معدد اهون مية مره من انه يعاملها بقسوة وجفاء وهي الوحيده بحياته الله يديم علينا نعمه يارب لك الحمد |
ههههههههههه فديتج يا مهره
صدق انا الحريم ما ينقالنا شي شفتي عاد؟! الله يستر من الياي .. مب بعيد باجر كل وحدة تيي تسمّعني ألقاب من اللي قلبج يحبها .. وهات يا (ماما .. خالتو .. عمة .. يدّوه .. طنط :14 يالله مب مشكلة .. الشباب شباب القلب المهم يا ويلها اللي تناديني (تيزة) عثل عثل . . مهره تحية اجلال وتقدير على موقفج تجاه( لما يوصلج ريلج لمرحلة أنا مب مقصر في شي ) يعجبني اقتناعج بس شو نسوي بالملسون واللي لازم يبربر ولا بيموت قالها مليون مره وصامدون صامدون ما شاء الله تبارك الرحمن ياحظج نفسي أكون بهالروقان الداخلي |
تعرفين عيل خلاص ، قرري كيف سيستم حياتج بكون ! حان وقت القرارات ،،، سيري البحر ،، تهني به يا حظكم عندكم بحر،،
ياختي الرياييل حق أعمارهم ،، كلامي من تجربة فاشلة ف حياتي و تجربه ثانيه ،، صحيح أنها أهون والحمد لله غير عن قبل والله عوضني ،،، بس فعلا أي رجل صالح كان وإلا طالح نفس الطينة ل نفسه و لذاته و راحته إلا ما رحم ربي ، كل ما تفكرين فيه و فأمره حاولي تتخيلين شاشه تلفزيون مشوشة يعني قطعي الإرسال ،،،----> شو رائج فالتخطيط و التفكير السليم ،، أنا لو منج إذا بفكر فيه عقب هالشي كله ،،،، بفكر فيه من ناحية الرحمة انه حالته وصلت للأسوأ وبيدمر وايد أمور بسبة هذا لتصرفات العوجاء،،،، لانه اهم شئ سبب مشاكله مب تقصير منج. أو عيب فيج هذا لأمر في حد ذاته مبعث للراحة النفسية الحين ومستقبلا،،، والقلب الله يعينه فتره وصدقتني بتعدي بس حاول ما تجددين جروحه بالبحث عن علومه لانه. خلاص ماشي فايده ،،، اهم شئ انه ريلج ما شدته وحده في حد ذاتها ،،،لا ريلج هواه لاعببه،،يعني الحمد لله ثقتك ف نفسج لازم ما تزعزع أوختااااااه ،، |
الله يهنيج ويكملج بعقلج يا مهرة
الله يرزقني هدوئج قبل يومين زوجي يا عندي مافي دقيقتين الا الاخت دازتله مسج قلت له لا ترد قالي بأرد مثل ما ارد عليج عندها قلت له دام انت عادل لي هالدرجة اشوفك ما طلبت منها تدزلك صورة عشان تدزلي اياها (( لان هو مرة طلب مني صورة وقام ودزها لها عيني عينك لا وفوق هذا قام يتكلم معاها بالمسجات كلام ما ينقال) واشوفك ما تتكلم معاي عندها بنفس الاسلوب الزبدة اني تنرفزت وعصبت وطبعا كالعادة ما حصلت شي ياختج وايد يداريها وايد وايد بس ربج رحيم لي الحين ما شرفت واسكنت عندهم وهذا اللي مبرد جبدي شوي ادري طلعت عن موضوعكم بس حابة افضفض حبتين ✌️ |
موهبة الله يعينك بحسك مسالمة زينا انا ومهرة ما بنحب المشاكل ووجع الراس
اطلبي منه بكل ذووق لو سمحت لا تتراسل انت وهي عندي وخلي موبايله على الصامت لو تشوفي الثانية شو بتعمل طول ما هو موجود عنا ياختي مر علي كيد نسوان مثل كيد هال00000 ما مر فيها قوة عجيبة طول ما هو موجود عنا بأبوظبي باستمرار ترسل صور ابنها وهو نايم وهو يتسبح وهو ياكل بعدين عرفت علشان تعلقه فيه ويضل متذكرها هي وابنها غير المسجات يوميا على الواتس والفايبر والاتصالات بينهم مرتين ثلاثة الله يكفيينا شرها امين ويشغلها بحالها |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|