أخوي الأخلاق ..

ماشاء الله تبارك الله ، ما ينخاف عليك .. رجال عن مية رجال و الله ..
نقاشك كان في محله ، و تصرفاتك رائعة ماشاء الله .. و أفضل مما توقعت و تصورت ..

صدقني ، هم حتى لو بيحطوا لها مبررات ..
لكن بداخلهم راح يقتنعوا بأغلاط أختهم و عالأقل اتضحت الرؤية عندهم

برضو أعطيك مثال ..
عندي وحدة من اخواتي ،، زوجها ماشاء الله عاقل و عقله كبير و انسان منطقي في تفكيره و عملي و مو مقصر معها
أختي هذه ، أنا و أمي و أخواتي و أخواني .. عارفين بعيوبها ..
حساسة جدا ، و تفسر الأمور دايما غلط من راسها و لسانها طوييييييييييييييل ..

فيوم تنقهر من زوجها ، تجلس تحكي لأمي و مرات أختي و أمي و زوجها يجلسوا يتكلموا ..
فأمي تجي عندنا و تقول ،، أنا صح أدافع عن بنتي قدام زوجها و أبرر أغلاطها ..
بس و الله زوجها عاقل و كويس اللي متحملها ، لإنه بنتي و أعرفها و أعرف عيوبها

دايم كنت أقولها ليش تدافعي عن زوجها ؟ تقول لإني عارفة عيوب بنتي و عارفة إنها هي الغلطانة
و أخوي الكبير نفس الشئ ، يعرف عيوبها و اللي هو بنفسه ما يتحملها ، لكن قدام زوجها مستحيل يعترف بأغلاط أختي
بس قدامها و قدام أمي يجلس و يتكلم و يخااااااااااااصم فيها ..


فأخوان زوجتك ما راح يبينوا قدامكم ، اعترافهم بأغلاط أختهم .. و طبيعي يبرروا لها
لكن أهم شئ إنت عملت اللي عليك ..

الهدية لو ما تبغى تخليها الحين معاك .. و بما إنك سألت سؤال محدد فيه ..
فراح اجاوبك على حسب خبرتي البسيطة .. لإن أمي تفهم فيها اكثر و أخواتي ..

الذهب إذا كانت فيها أحجار كريمة أو فصوص ،،
راح تشتريها بالغالي ، لكن تبيعها بخسااااااااااااااااااارة .. لإنهم ما يحسبوا سعر الحجارة و الفصوص ..

قبل لا تبيع الذهب ، شوف سعر الجرام كم ؟؟؟؟؟؟
لو كان مرتفع ، فبيعه .. لو نازل فلا تبيعه .. لإنه يفرق في السعر ..

لو عندك الفاتورة ، أتوقع ممكن يفيدك و الله أعلم ..؟؟؟
يمكن يرجعوه بسعر أقل بشوي ؟ماني متأكدة ..

لإني ما أحب ألبس ذهبات فما أدري ..
و في الغربة ما أحتاجها أصلا ..

و ربي يوفقك .. و يجمع شملكم على خير ..

طبيعي يواجه ضغوط

لانهم الان مثل ما اتوقع مسوينها قضيه عائليه يعني من الممكن ان زوجتك وخواتها يقعدون ويناقشون اخوهم ويضغطون عليه من الممكن انها ندمانه بس وضع المجموعه الي حولها مايخليها توضح هالشي و ماراح يوضح هذا الندم الا مع الوقت اذا شافت خواتها كل وحده مشغوله بزوجها وبيتها بس انت لا تسوي اي شي يثير انتباههم يعني انساهم لانك لو سويت شي بيرحون يجتمعون زي العاده ويخلونها قضيه ويحاولون يكبرون راس زوجتك عليك انت خلك هادي لا تهدد ولا شي بس عليك بالتطنيش و مو زي التطنيش الاول
لاتروح لبيتهم وبنتك لو تشوفها مره بالاسبوع يكفي وخل اخوك يجيبها لك

يعني اشغل رووحك بالوظيفه ولا يفوتك اجر الشهر الكريم عشان هالموضوع وتراهم يمدحون العمره برمضان يقولون تريح الواحد وتخليه ينسى هم الدنيا ^_^

مثل ما قال الأخ أو الأخت فيافي ..
خلااااااااااااااااااااااااااااااااااااااص .. ريح أعصابك دحين و لا تحلل و لا تفكر ..

--------------------------------

إذا أمك و أبوك سألوك ..
قول لهم ، أنا ماني فاضي دحين علشان أرجع زوجتي و بنتي ..
أبغى ألقى وظيفة دحين و باااااااااااااااالي مشغول ..

-------------------------------

إذا أختك أتصلت ،، معليييييش ..
( خاصمها و عقلها )
لا تخليها تكرر هي كمان غلطة زوجتك و كل شئ تجي تحكيه لكم ..

قول لها كبري عقلك ، و مو كل شوي تشتكي من زوجك ، و يكفي إنه ( طيب معاك ) ..
مو كل شوي تنقز لهم و تحل مشاكلهم ..

خاصم أختك و قول لها ، دام زوجك كويس معاك خلاص لا تنكدي عليه ..
و لا تخليها تشتكي لأمك و أبوك و قول لها اللي فيهم كافيهم ..

من جد ، أختك كمان لازم تكبر عقلها و مو كل شوي هي كمان تنكد على زوجها و تجي تشتكي لأمك و أبوك
و أمك و أبوك يشيلوا على زوج بنتهم و على اهل زوجتك ..؟؟؟؟؟؟

لا تخلي اللي يصير معاك أو اللي صار معاك .. يتكرر مع زوج أختك ..

------------------------------------------------

رمضان داخل عالأبواب و كل عام و إنتم بخير ..
فرغ حالك للعبادة و لاتفكر في المشكلة ..
و صفي ذهنك و ابحث عن وظيفة و ادعي ربنا إنه تتسهل لك إن شاء الله ..

على فكرة ،.
جامعة المدينة سمعت منزلين وظايف معيدين لأغلب الأقسام و اخر موعد الأربعاء هذا ..

بالتوفيق يارب ..

عندي ماجستير ..ولكن شكرا لك ..

لا ..؟؟ ليش يرسل لها ..؟؟
راح يخرب الموضوع اكثر ..

هي تدري إنها غلطت لكن تكابر و الكل قاله لا يرسل لها حاليا ..
خليه خلاص ينسى الفترة هذه كل شئ و يصفي باله ..

و هي مصيرها راح تفكر بعقلها بإذن الله
و كل واحد بينشغل بحاله و تعرف قيمة زوجها إن شاء الله

أبي بنتي .

لو يجتمعوا أهلك كلهم عشان يفرقوا أخوك عن أختي ما راح يقدروا )

الجمله مافيهاشي يزعل...خصوصالوانك اضفت كلمة ماراح يقدروادام اختي وزوجهامتفاهمين ويحبوابعض

الجمله مافيه الي يخلي الوحده تزعل وتروح بيت اهلها...لان كلامك صح مافي احد يقدريفرق بين زوجين..اذاكانوايحبوابعض

يااخي رمضان باقي عليه يومين..حرام تتمون متزاعلين...وشايلين على بعض

انابقلك على حل اتمنى من كل قلبي انك تاخدفيه ولك الحريه...

استغل دخول شهررمضان شهرالرحمه والغفران لصالحك..اتصل على اخوهاوقله انك جايهم في زياره في بيت امها

باركلهم بدخول الشهرالكريم...ولاتتكلمون في تفاصيل المشكله ابدا...انسى المشكله وانسى الطرده يااخي

انامااقلك تنازل عن كرامتك لا وماراح اقلك رجعهابدون اعتذار

زيارتك خلهانص ساعه فقط قلهم اناواحد ابي الاستقرار بنتكم اذاتبي ترجع انااكون سعيد بذلك لكن انالي شروطي

اولها الاعتراف انهاقالت اطلع براو الاعتذارمني حتى لوبرساله في الجوال..واذاماتبي تعتذرمعناه انهاماتبي ترجع..

وانت رايح في الطريق ارسلهارساله فيها نفس الكلام على جوالهابعد التهنئه بقدوم رمضان تبيني ولا خلاص وذكرهاان قلبك مو محروق الاعلى هاالبنت..

اعطهم مهله يومين يردون تبي ترجع ولالا..

بس انتبه تحن وترجعها من دون ماتنفذ شرطك..لان هذاالشي بيخليهاتحسبلك حساب كل مانوت تزعل وتروح لاهلها

اذاماتبي ارسلهاورقة طلاقهاوريح راسك منهاوبعدهاتزوج وانبسط مع الجديده.في البدايه انت بتتعب بس بعدين تتعود

بهذي الطريقه بتكون رجل بكل ماتعنيه الكلمه والحريم يحسبونلك الف حساب..خصوصاالثانيه

والاهم بنتك ثم بنتك ثم بنتك لاتقطعهاابدا لاتقول بختفي حتى بنتي مابسال عنها لايااخي هذا الاسلوب موفصالحك انك تقاطع بنتك وتعطيهم فرصه يتكلمون مع الناس انك رميت بنتك وماتسال عنها..وتخليهم ضدك

مد حبل التواصل بينك وبين بنتك ولاتنسى نفقتهاكل شهرارسلهامبلغ هذي طفله ولهااحتياجات ماكل وملبس واشياء كثير

اثبت للناس انك مو مقصر في شي خصوصاقدام اهلهاالي وقفوامعها

وياليت ترسلهارسالة تهنيئه برمضان صدقنبي بتطيرمن الفرحه وتتعذرلك على طول

وانتوا ياالرجال هداكم الله وقفواحريمكم عند حدهم احلفوا عليهم مايتعرضون لبعض بغض النظرعن الغلطان اتفق مع الرجال بان توقفواالحريم عندحدهم

اخوي الاخلاق

باراسل الادارة باذن الله


بالنسبة لإشتياقك لبنتك .. اصبر يوم واحد ..
تلقى البيت عندهم مشحون شوي دحين و البنات كلهم بيشحنوا اخوانهم حتى لو غلطانيين
خلي الوضع يهدأ يوم و بعد بكرة ممكن ترسل اخوك يجيب بنتك و تخليها معاك و تاخدها لاهلك يشوفوها

زوجتك مصيرها تراجع حالها

ماشاء الله ..
حلو كان الاجتماع و انت وصلة الي تبيه وخلاص الكرة في ملعبهم
انت الان طنشهم حتى لو دقو عليك لا ترد خلي اعصابهم تتوتر شوي عشان تكون قرصة اذن لها وعمرها ماتنساها
في شي حبيت اقوله لك
اتذكر في احد ردوددك ذكرت انك متأكد انها تحبك وذي نقطة في صالحك
اكيد هي اكثر انسانه تعرفك وعارفة في نفسها انها غلطانه عليك حتى لو كانت قدام اهلها تبين شي ثاني بس اهم شي هي عارفه ولو حسة الحين انك ممكن تتخلى عنها على حسب اخوانها ايش حيقولو لها راح تعيد كل حساباتها وتبداء تضرب اسداس في اخماس بس اخشى انها
حاطه في بالها انك ماتقدر تتركها عشان اختك تعتقد ان اختك ورقة رابحه عند اهلها بس
في طريقة راح تعرف من خلالها ايش يفكرون فيه
حسب مافهمة انو امها دائما معها فلو وصلهم انك انت ناوي على شر المرة ذي حيستغلو اختك وزوجها يعني تبداء الاتصالات على زوج اختك وحتى لو كان زوج اختك بعيد عن الموضوع حيوصلون له انهم غيضانيين منك واكيد اختك راح تحس في هل شي
بس لو زوج اختك ماوصله شي تأكد انك كل الي سويته حيجيب نتيجة ايجابية

مجرد تحليل للوضع