مالي دخل فيهم
وماراح أسوي مشاكل عشان يبقي زواجه منها سِر... عنده ولد.. ولده له نفس حقوق أولادي،،

وأنا واثقة بكرة بعده ،،بعد بعده،،بيظهر ولده للجميع..

الله يكتب اجرك وان شالله عدم ظلمك لها و ولدها بيرجع لك في نفسك واولادك الظلم ظلمات و الولد ماله علاقة باللي بينهم من اتفاق
سبحان الله رغم انها مو بس ضرة فقط كانت صديقة رغم ذلك ما اتعديتي عليها لما شوفتيها ولما ارسلتلك هذا من طيب اصلك
وضعها مرة صعب الحمدلله الذي عافانا

هذا هو عزيزتي عيشي حياتك وكأن ماصار شيء والموضوع حاولي تتجاهلينه لان كثر الكلام ماحيغير شيء تتعبي نفسيتك بس زوجك ويحبك ماشاء الله ومايلغى زعلك ربي لا يغير عليكم وخليهم هم يحلوا موضوعهم وزي ماقالت احد الاخوات المصيبه تبدأ كبيره وتصغر الايام كفيله تداوي جرحك ان شاءالله
ربي يبارك لك في حياتك وزوجك واولادك

لا حول ولا قوة إلا بالله
أم دان .. بغض النظر عن الألم والغدر وكل اللي تحسين فيه . تعالي نشوف الموضوع من جههة ثانية..



وش هالزواج المبني على شروط باطله

وهي كانت مثل الغريق اللي يتعلق بقشة .. ومسكينة توقعت انها بتقدر تغير كل شي يوم يتم الزواج ..

أكثر شي ألمني .. يوم يوديها مكه عشان يحلفها تركت المانع او لا ! ! ! ! ..
لا مبيت ولا نفقه ولا زيارات ولا تحمل ولا تتصل ولا ترسل ..


لاحظي كلمتها .. زوجك هو اللي خطبني ......
يا يسرحها يا يعطيها حقوقها ..

__________________
استغفر الله العظيم وأتوب إليه .. سبحان الله ..الحمد لله.. الله أكبر

نسيت أكتب لكم

يقول زوجي لما صارت مشكلة الكفوف، قلت هذه فرصة أظهر الولد، يوم طحتِ وانت بغيبوبتك تقولين ياعيال انتبهوا لأبوكم،،والله حسيت نفسي صغير قدام حبك لي،كل يوم كنتِ تجلسين تزنين على راسي تسترضيني حسيت نفسي ما أستاهلك ولا أستحق قلبك الكبير،الإحساس بالذنب عليك ذبحني،وسافرت،هربان من نفسي لا أنا قادر أواجهك بالولد، ولا أنا راح أستمر أخفي عنك الولد.

هذا بعض من كلام كثير قاله لي..

!

فعلا معك بهالنقطة ..
وكلام زوجها فيه اشياء ماتدخل بالراس .

بس علم ام دان بهالخبر في وقت غير متوقع وفي وقت لم يستعد له سبب له صدمه ..

فهو علشان يداريها نوعا ما ، وعلشان يخفف عليها وقع الخبر اخترع اشياء واشياء اصلا هو متفق عليها ..

مثل حكاية الشروط الصعبه
نقول فيه اشياء صح تجي بالمعقول مثلا اشترط عدم المبيت او عدم الانجاب

لكن شروط انه مايقوم فيها او يخدمها او يخلص شؤؤنها او يخلص مشاويرها ماتجي
اصلا اخوها ماراح يوافق ولا يرضى ان اخته تكون اداة متعة فقط ..

مو معقول ابدا انه يملي شروط قاسية عليهم وهم يوافقون ..وين حنا

ياورد الله يهديك
أي غريق وأي قشة وهي موظفة وعندها أهل.
ليش الدنيا فضيت مابقي فيها خيارات للزواج إلا زوجي عشان تتزوجه.

ويعني كل كلمه يقولها زوجها صادق
ممكن بالسر لكن بقيه الشروط
مدري
الله العالم

والله ياريماس أنا جالسة أنقل لكم الشي اللي شفته بعيوني.إن كان زوجي صادق الحمد لله وإن مو صادق عليه العوض.
زوجي وراني صورة في الجوال عقد الزواج وفيه شروط ووراني ورقة موقعين عليها شهود فيها اتفاقية وشروط..

واللي أعرفه عن زوجي ماله في الفوتوشوب ولا يعرف يلعب في الصور يغير فيها..

هذا كله مو مهم

الزواج وتزوج
انجاب وأنجب

المهم اللي انكسر بقلبي الله يجبره.