المشاركة الأصلية كتبت بواسطة مُنفرِدة

الحمدلله اني ضربته ع الأقل اخذت جزء من حقي بدال ما اجي عند اهلي وما القى أنصاف

المشاركة الأصلية كتبت بواسطة مُنفرِدة

قبل كم يوم بعد السلام عليكم اللي كتبتها له وما رد .. كتبت له كلام اني اعتذر ع مدة يدي بس كنت مضغوطه وكانت ردة فعل واني حزينه على البعد وانه وانه .. بس ما كثرت كلام ولا عاتبت .. طبعا طنااااش

اليوم رحت بيتي بآخذ اغراض .. لما طلعت المفاتيح اكتشفت انه اخذ مفاتيح البيت..
مدري كيف سحبها.. بس انا لما سبيته بالسياره وطلعت اكمل أشيل اغراضي لحقني وحصلت تفاصيل ما يهم ذكرها الان
قفل الباب وأخذها .. مافي غير هذا الوقت
رجعت البيت قلت لامي اتصلي عليه ابغى المفتاح رفضت
رحت الصيدليه وأخذت اغراض لبنتي ومريت السوق اشتريت لها بربتوزات


بعدين اتصل هو على امي ..
قال لها البنت تبغى اغراض !
قالت له اني رحت البيت ومالقيت مفتاحي وبعدين رحت اشتريت لها اغراض

قال طيب خليها تكتب ايش تبغى ..
كتبت له من جوال امي جيب شنطتها وسأل فين مكانها وبس

جا.. اول ما دخل قال لامي لو سمحتِ ما ألغى اشوف منفرده لا تجيني
قالت له امي ما بتجي وترى حتى هي زعلانه من باعنا بعناه لو كان غالي ..
قال لها ايش قالت لك ..
قالت انت قول اللي عندك
قال لا اعرف اللي قالته اول بس ابغى بنتي الان
لما جابت له بنته جلست تبكي وتتمسك ب امي.. وصار يقولها انا بابا ويشيلها طبعا بكيت كثير .. هو زعل وقام يقول البنت تعقدت من المشكله .. وبنتك ما تحترمني ..
جابت بنتي امي .. ورجعت له

طبعا اختصر لكم اللي صار ..
كان كلامه كالآتي :
-اسألي بنتك اذا عمري غلطت بحقها وقلت لها كلام وسبيتها زي ما سبتني عند الباب .
-انا شدِّيت شعرها ع خفيف وهي ضربتني ع كتفي ضربه جمدت يدي لكن لو كررتها ترى بجيبها لك ويدها مكسورة
-انا عمري ما راح انسى تصرفات منفرده وكلامها علي لكن اسأل الله انه يرجع محبتها بقلبي زي ما كانت.
-ما ابغى أقابلها الين يروح اللي بنفسي
-شدِّيت شعرها لانها رفعت صوتها وضربتها لانها ضربتني
-قال انه بيحول لي فلوس لفستاني وفلوس لبنته .
-قال خلي بنتك تبطل تقول طلقني ترى يوم تقولها ويدخل الشيطان واطلق .


الان عقلي مشوش والله وهذا اللي ببالي

ايوا لما خرج .. امي خاصمتني وتشربت منه اني غلطانه وخلتني اتصل عليه من جوالها

قلت له انا اسفه على اغلاطي وانا والله احبك ..قفل بوجهي


اللي قاهرني خاله سكن بقصر قبل فتره وشفت صور القصر يأخذ العقل خخخخ وقلت له بروح له أصوره هههه قال خلاص قريب تجي العزيمه عنده واخذك عند أقاربي منها تشوفي القصر ومنها تتعرفي عليهم
طبعا بكرا العزيمه وانقهرت عليها اكثر من زعلي

قال لامي بكرا العزيمه اللي منفرده تنتظرها لو انها الله يصلحها أمورها متحسنه كان اخذتها تسولفني بالطريق وتحضر العزيمه يقول انه ام عياله طلبت تروح معاه ورفض لان اولادها عندهم اختبارات

نسي انه متغير عليا من لما جبت البنت
نسي انه مايترك لي الحريه بكثير امور
نسي انه يتجاهلني ويقسى عليا اوقات كثير والسبب ما اكون انا .. يكون غيري مزعله ويحط حرته فيني .
نسي كم مرا نمت ودمعتي ع عيني بسببه


رغم كل شي .... فز قلبي اليوم وانا اسمع صوته يتكلم << قلب مكسور وفيي يبكي

المشاركة الأصلية كتبت بواسطة × الرسمي ×

طيب يا أختي

دعينا نعيد المشهد مرة أخرى

رفعتي صوتك وقلتي هيا والله ماأطبخ فيه ... فشد شعرك بشكل متوسط وكأنه يسحبك ويقول لكِ قومي... فضربتيه على كتفه 3 ضربات قويه وهو يحمل البنت يعني شبه مقيد ويده مشغولة وإلا كان أستطاع رد ضرباتك... ثم وضع البنت وأتاك وهو غاضب ومسك رقبتك وضربك على راسك... ثم بكيتي وماخليتي كلمة ماقلتيها ... يعني ربما أهنتيه وشتمتيه وقلتي حتى أولادك يكرهوك وزوجتك تنام غصب من نققك ولميتي جميع أغراضك حتى التي على التسريحة وقلتي والله لتطلقني اليوم... ثم طلبتي إنه يوديك بيت أهلك وعلى قولك وهو يضحك يعني غصباً عنك لأن أخوك ماله دخل يجي ياخذك زي ما أقترح زوجك... ثم وأنت تنزلين الأغراض وبنتك في يدك وتعبتي من الروحه والجيه وهو جالس بالسيارة... قلتي له أنت منت رجال + الكلمة التي دائماً تمسحها المشرفة... ثم صرختي عليه بصوت عالي وتقولي له طلقني... وهو هنا في هذا الموقف يقول إنه كان فيه واحد يعرفه في العمل وسمعك وأنتِ تصرخين على زوجك


هذا ملخص المشكلة من بداية سحب الشعر لين وصلتي بيت أهلك

طبعاً ربما تسألين الآن ماذا أريد من هذا التصور

أريد أن أضعك مرة أخرى لتشاهدي أين أخطائك وأين أخطائه... وتخيلي وكأنك ستبدين رأيك وتنصحين فماذا ستقولين... كذلك أريد أن أذكرك أنه في أحداث القصة دائماً تذكرين أنك كنتِ معصبة وبناءً عليه حدتث ردات أفعالك... طيب وماذا عن ردات أفعاله هل يمكن أن نقول أنه أيضاً معصب وحصل منه ماحصل أم المفروض أن يكون في وضع المزهرية وليست له ردات أفعال وعليه أن يتحمل


أخيراً
كلامي السابق ليس له علاقة بتبرير أن يمد يده عليك وإنما كما قلت تصوير للمشهد

وإذا رأيتي أن هناك فائدة من مشاركتي سننتقل لمشهد التدخل في أمورك وشخصيتك كما تقولين

وبالنسبة لماذا تفعلين الآن بعد أن أتى لوالدتك وأنتهى النقاش معها... عليك أن تذكري والدتك مرة أخرى أنه حتى لو أخطأتي فلا يضربك مهما حصل... وبعد ذلك ليس لكِ إلا الصبر قليلاً حتى يأتي مرة أخرى للصلح ويمكنك عندها إعادة الكلام مرة أخرى عليه بأن لا يضربك لأنه هذه مشكلتك الأساسية التي ترغبين حلها الآن


والله أعلم