يا قلب والله كسرتي خاطري وتنرفزت من رد زوجك،
كنت أقول لك اصبري عليه واضح انه صعب ولا زلت أقولها لكن ودي تضعين معه النقاط على الحروف وياليت هالشي صاير قبل الزواج.
هل اتفقتوا قبل الزواج على وضع عيالك؟ وش كان الاتفاق؟
شخصيته صعبة و متعبة، وعندي احساس ان شخصيتك مناسبة وليست صدامية عساك تقدرين تسايسينه.
موضوع زيارة أهلك لازم توقفين عندها وتتفقون على سياسة ترضي الطرفين، نصيحتي تصرين على اتفاق يرضيك، لا تمشين الموضوع، الرجال يكرهون الزن ويضطرون يوافقون إذا الوحدة أصرت بس بطريقة مدروسة وبأساليب حلوة وفي أوقات مناسبة. جيبيها له من ناحية ان زيارة أمك بر فيها وإذا ساعدتني في البر ربي بيجازيك بر أبناءك ان شاءالله، ومرات جيبيها له من زاوية أمه و ان ربي يسخر لها بناتها ما يلهون عنها. وممكن تكتبين له رسالة توضح ان هالشي مهم عندك. الله يلين قلبه عليك. وأعجبتيني انك ما تبغين تتسرعين بالقرار وراح تنتظرين شهرين الله يكتب لك الخير يا حبيبتي.