يا أختي

سأكون صريح معك

زوجك في المرة الأولى قد نعدره في أنه طلقك خصوصاً بعد ما لاحظ تغيراتك النفسية ولخبطتك كما تقولين وعرف أنك تاكلين حبوب نفسية .. فهو أصبح بين أمرين .. إما يواصل الحياة بما أنتِ عليه من حالة نفسية ويتعايش معك وإما ينسحب ويطلقك خوفاً من الإستمرار أو إنجاب أطفال قد لا تقدرين على التعامل معهم .. وأعتقد أنه أختار الأمر الثاني

أما رجعته لكِ بعد 8 سنوات فهذه لها عدة إحتمالات :
إما أنه فعلاً حبك وحب عفويتك وطيبتك وحن لكِ .. وإما أنه أحس بتأنيب ضمير في تخليه عنك وعدم الإستمرار .. وإما أنه غير مرتاح مع زوجته أم أبنائه ويريد زوجة أخرى في حياته .. وبما أنه يعرفك ويعرف طيبتك وأنك ضعيفة وتحبيه وماحتكوني قوية معه فأنتِ تعتبري بالنسبة له أفضل زوجة ثانية ممكن يتزوجها

وحتى حينما تقدم لكِ مرة أخرى كان يبدو من أفعاله الإستقلال بشأنك وبقيمتك إبتداء من مهرك القليل إنتهاء بالحفلة البسيطة الصغيرة

أما سؤالك الدائم لماذا لا يحط لي ليلة .. لأنه لايريد أن يخسر زوجتة وأبنائه وبيته الثاني .. فأنتِ بالنسبة له الأضعف والتي ممكن أن يفرط بها لو وصل الأمر بين التخيير بينك وبين زوجته الثانية

بإختصار
عودة زوجك لك فيها ظلم كبير لكِ من جهته سواء شعر بذلك أم لم يشعر .. وهو لازال يمارس الظلم بحقك بعدم العدل مع مطالبتك له بالعدل بالمبيت وبالخلفه

ولكن الله سبحانه وتعالى مطلع على أحوال الناس وأفعالهم وظلم بعضهم لبعض .. واسأل الله أن يعوضك بالخير وبأفضل ما تتمنين وأن يغفر لك ويرحمك ويجعلك من أهل الجنة



والله أعلم

الرسمي ليش مايحط لي ليلة كذا خلاص مايحط لي اعتبار بحياتة زوجتة ماسكتة طيب ليش يجي لي ويورطني يحطني بهالموقف واش السوات انا لفكرت زعلت من حظي ليش الرجال مايدللوني ماستاهل انا حرام اشوف بنات أهلي حظهم يرقى النخل مبسوطات وانا كذا.....

من حقك أختي تزعلي
ومن حقك تطالبي بحقك
وهو فعلاً ورطك معه وماهو قادر يحط لكِ ليلة لأنه خايف يخسر بيته الثاني خصوصاً وأنه شاف بعينه كيف زوجته الثانية قومت الدنيا عليه ودخلت المستشفى وحاول يراضيها وطلقك بالرسالة

أنا مقدر وضعك وعارف أنك في موقف صعب وحاسس بخوفك أنه ممكن يتخلى عنك للمرة الثانية

لكن ما نقول غير الله يسهل أمرك ويكتب لكِ الخير

ليش تقول كذا اخوي الرسمي انة يعني يسوي فيني كذا يحب زوجتة وعيالة ولا يحبني ولا يبغى يتعلق فيني كلمتة قبل شوي قال لي بصوت ناشف تبين شي قلت لا ضاق صدري يوم صكرت السماعة امي تقول لاتكاثرين الكلام علية تري بيرميك عندة زوجة واولاد....

مصونات ما تقدرين تغصبين الرجال يحط لك ليلة
بس تقدرين تتنازلين عن حقك وتصبرين
او تطلبين الطلاق
ماتقدررررين تجبرينه
وهو المفروض يخيرك بين هالخيارين .. حتى ما يظلمك

كل هاذا الامرين صعب علي ابكي اصيح ايش اسوي ليت الله يأخذ روحي.....

انتي ليه كل شوي تدعي على نفسك بالموت
حرام عليك نفسك
خلاص اصبري و عندك شغلك التهي فيه لين، الله يفرجها

لصبرت ايش بيصير ....

مع الأخت استنكار
ما تقدرين تفرضين عليه يصير لك ليلة .. و هو اتوقع انه بين نارين و أمرين الله اعلم عنه

لكن اصبري و أحتسبي او اختاري الطلاق
وانا اشوف انك تصبرين و تعيشين حياتك بعيد عن التفكير بهالرجال

الحياة فيها ملذات كثير لا تركزين ع شيء و تنعمين عن غيره

مصونات..

تذكرين لما كنا نتكلم عن سبب رجوع زوجج لج .. وقلت لج إن التفسير الراجح عندي ما بيعجبج .. فما باقوله.

تفسيري مقارب لتحليل أخوي الرسمي .. لكني بصراحة ما قدرت أحسن الظن بزوجج وأفترض أنه حس بتأنيب الضمير بسبب طلاقه السابق لج.

اللي عنده تأنيب ضمير وإلا يحب ما يتصرف مثل ما زوجج تصرف لما تقدم لج .. ولا يقول: ردوا بسرعة والا باهوّن!!

والله العظيم إني حسبت بقهر عليج لما قريت هالجملة .. وسألتج وقتها إنتي كيف طوفتيها له؟!! ... هذي بروحها كان لازم تخليج تفكرين ألف مرة قبل ما ترجعين له .. بس انتي الله يهديج ما تصرفتي صح.


تفسيري الراجح أن زوجج خاطره يعدد وبس .. ولأنه عارف إنه مادياً ما يقدر .. فما لقى إلا مصونات اللي أول ما شافت منه إشارة فرحت ووافقت بدون تفكير!! .. واللي رضت بكل شي قاله وعرضه وكأنه آخر ريال في العالم!!

رجع لج لأنه ضامن إنج الوحيدة اللي ما بتقدر تاخذ حقها منه.

__________________


اللهم طِيبَ الأثر .. وحُسْنَ الرحيل.