.........................................

__________________
سبحان الله وبحمده سبحان الله العظيم

احذر يا شاطيء تاخذ اثم البنت .
اللي يقرا جملتك انها تكلم رجل غريب يروح باله لشي ثاني مو زوج اختها .. خلك دقيق بكلماتك ولا تلويها عشان تخلي اللي قدامك يأيدك وهو فاهم غلط

نعم رجل غريب وليس من محارمها ولا يجوز محادثتة
نحن نتعامل بدين وليس بالعادات وتعاطف
ياليت ترجعين لرد 300

__________________
سبحان الله وبحمده سبحان الله العظيم

ما فهمتني .. او فهمت وماسك بالدين حجه

اقولك اللي يقرأ كلامك يروح باله الى انها تكلم تخون .. تكلم رجل ما تعرفه تعشقه ... هيك كلامك ينفهم .. مو انه قريب لها سواء محرم او لا ... لا تظل تلف وتدخلنا بنقاش حوالين محرم ومش محرم عشان تضيع نقطة اساسية

طريقتك بطرح الموقف ملتوية وفيها ايحاء فيه افتراء .

ما عليه .. لو المسألة دين والزوج شايف إن البنت فيها قصور من الناحية الدينية فكان الأولى ما ياخذها من بيت أهلها .. ويدوّر صاحبة الدين اللي تتماشى مع قناعته وتطبق حدود العلاقات الأسرية بمنظوره ومثل ما هو يبغي.

ولو المسألة دين فكان الأولى أنه ينبهها من البداية وينصحها بشكل مباشر بدون لف ودوران.

ولو المسألة غيرة فالغيرة طبع متأصل في الإنسان ولا يستطيع أن يتحكم فيها أو يطوعها ويرفع منسوبها أو يخفضه حسب الموقف أو حسب المرحلة الزمنية من العلاقة.

يعني يتحكم في غيرته ويسكت ويتجاهل الأمور والمواقف (اللي مب من الدين مثل ما يشوف) في فترة عقد القران .. ويصرّح ويتكلم بشكل مباشر لدرجة الطلاق بعد الزواج!




الواحد لما ينظر لمشكلة المفروض ينظر لجميع معطياتها وبعدين يحكم .. فمب فاهمة ليش تتجاهلون جزئية إن هذه هي حياة البنت .. بغض النظر عن كونها صح أو غلط وبغض النظر هي عاجبتكم أو لا .. هي كانت تتصرف بحسن نية وحسب اللي تعودت عليه .... فما يصير ننظر لتصرفها وكأنها مجرمة ترتكب خطيئة .. وما يصير نقيم موقفها مع مكالمة زوج أختها مثل ما نقيم موقف زوجة تخون زوجها.


يعني الحرامي اللي يسرق عشان يأكّل عياله .. مثل الحرامي اللي يسرق بطرة وطمع؟!!!

__________________


اللهم طِيبَ الأثر .. وحُسْنَ الرحيل.

أستغرب من الذين يحملون الزوج الخطأ
ردة فعل الزوج طبيعيه فالذي يحمل ذرة غيره لا يتحمل مثل هذه المواقف والطلاق أمر حتمي ولو كنت مكانه طلقت من أول ليله ولم أنتظر لثالث يوم

زوج الأخت رجل أجنبي مثله مثل باقي الرجال فالحديث معه يكون للضرورة وبحدود

__________________
إن بعض القول فن ، فاجعل الاصغاء فناً ..
>> المعرف لرجل <<

مع كامل احترامي ردة فعل الزوج ليست طبيعيه ابداً

فيها غلو هذا مثل القصص اللي نسمعها ان الزوجة بليلة زفاف قالت للزوج امك تغطي على المصورة قولها تجلس فقام وطلقها وقال هذي امي حلوة اللبن هذا غلو وردات فعل غير مبررة

الاخت هنا : كلمت اختها وزوج اختها قال بكلمها اسلم عليها او اختها طلبت منه يسلم عليها عندهم عادي
والاخ زوج صاحبة الموضوع جلس مع اخواتها وقال مستحي ماجاب طاري انها تقطع هالامور ولا تكلم وكتمها
ثم يجي يطلق علشانها ماسمعت كلامه

التلميح على شي مو عاجبك ممكن
لكن التلميح على شي لاتقبل ولا ترضى فيه مرفوض هذا يحتاج مصارحة وسريعاً

قبل زفافهم ليه ماكلمها ؟ ليه ماقالها شوفي يابنت الحلال انا رجال اغار ولا اقبل زوج اختك يكلمك او تجلسين بحضوره نهائياً مسألة لمحت وانا تضايقت وانتي مالاحظتي هذي حركات اطفال

الاخت غلطت لما شافت انه زوجها متضايق قالت الجوال مافيه شحن بتخلص البطارية اكلمكم بعدين وانتهى مافيه احلى من هالتصريفه

وزوجها غلط وتسرع ومتهور انه يطلق وهي بأبعد نقطة عن اهلها بغربة والرجل اللي تشوفه امانها طلقها ببساطه من غلطه

واللي مزود المشكله ان الكلمة للام والاب مسالم وطالع من الموضوع تماما
بالله كيف زوجها راح يحترم والدها وهو بهالحاله مسالم وتارك امور البيت للأم

انا لو مكان زوجها بكون حذر اخاف بكرة تبغى تطبق حركات امها معاي وتبي تمشي كلمتها علي

انا اشك ان زوجها يفكر انها ستكون نسخه من امها ويريد ان يفرض شخصيته بالقوة وتمادى والله اعلم

صاحبة الموضوع و زوجها كل واحد منهم اعترف بغلطه و اعتذروا من بعض و هم بفضل الله تجاوزا هذه النقطه و هذا من فضل الله عليهم

وهذا ما وضحته الأخت صاحبة الموضوع في الرد رقم 119 #

والآن بفضل الله الأمور تسير في الطريق الصحيحة بأن العرسان سيُلمُ شملهم من جديد

و كما قال الأخ الفاضل لماذا نتزوج في بداية الموضوع فيما معناه قال : أن هذا الموقف سيعزز من قوة هذه الأسرة .
والحمد لله هذا الحاصل الآن

و الآن على كلا العريسان أن يتعاونا في التطوير من أنفسهما الزوج في ضبط تصرفاته و ردات أفعاله مع المواقف التي قد لا تعجبه

و كذالك الزوجة في تعلم حقوقها ووجباتها تجاه زوجها وأهلها

فلا أرى أن هناك داعي من الدوران في نقطة من المخطأ و من الذي خطأة أكبر من الثاني

وأسأل الله أن يفرج همنا و همكم و ييسر أمرنا و أمركم

و بإذن الله ترجع العروس لعريسها في أقرب فرصه و يعيشون أحلا حياة زوجية و يرزقون بأحلا ذرية

أصبت القول اخي الفاضل.. جزاك الله خير

قلت اللي كنت بقوله

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اثنينا غلطانين .. هو غلطان وانا غلطانه وما همني الحين منو اللي غلطان اكثر او اقل .. واتمنى نرجع سوى اليوم قبل باجر وان شاء الله نبدا صفحه يديده والله يبعد المشاكل عنا وعنكم جميعا ما قصرتوا كلكم بينتوا لي الصح من الغلط ..

المهم .. امس في قروب العايله اختي مادري شو فيها عليه .. كل شوي تطلع لي بسالفه وتصور محادثاتي وترويها امي .. وشوي وتكلم يدوتي .. ويدوتي تتصل لي وقالت لي شو فيج على اختج .. قلت الها يمه مافي بينا شي .. هي معصبه مادري ليش وقاعده تتكلم شوي شرق وشوي غرب .. انا بصراحه كتبت لها بالقروب فكينا الله يخليج مب ناقصتج وطلعت من القروب وحذفته .. فـ امس لما كانوا راجعين هي زوجي يو عندنا البيت .. لما شافتني لا سلام ولا كلام .. ويايبه هدايا حق خواتي وانا ما يابت لي .. انا عادي عندي .. ادري انها معصبه فالامور طيبه الحمدلله .. شوي وتقول لأمي بنت هاي الياهله اذا ما سكتت عني ترا بتشوف شي ما شافته وانا والله ما قلت شي ابد .. المهم انا مارديت عليها .. امي قالت خلاص عاد ما نبي مشاكل زود .. خلونا نعيش نفس الناس مب كل يوم من مشكله لي مشكله .. قلت الها يمه انا ماعندي مشاكل مع اي حد سوا زوجي واللي اتمنى بعد رضاج اني ارجع له .. قالت لي ومن قالج اني رافضه ترجعين له .. بس يابنتي ما ابيه يشتتج عقب .. باجر بيصيرون عندكم عيال مب كل شوي يا مطلق يا طارج بيت اهلج .. انا كنت ابيج تسكنين عندنا في الملحق حتى اذا صار شي انتم حولي .. مانبي الناس ع الطالعه والنازله دارين عن مشاكلكم .. ونا الي الحين مو عارفه السبب الحقيقي اللي خلاه يسوي جذيه مادري منه الغلط او منج او راكبكم انتوا الاثنين .. ثاني شي انتوا كخوات مالكم غناة عن بعض .. والمفروض تكونون ستر لبعض .. مب على ادناة الدون تنشرون مشاكلكم على الناس .. خالاتكم واهم خالاتكم وخواتي لي دروا بويوهم بيقولون حرام ومسكينه ومن وراكم يضحكون عليكم ..
انا ابيج تقعدين مع ريلج بروحكم وتفهمينه كيف حياتنا وطبايعنا .. وهم كيف طبايعهم .. واتفاهموا باللي لكم واللي عليكم .. ولو تبون نصيحه او شي تراني موجوده .. ابوج واخوانج وخواتج موجودات .. اسالي مرت اخوج بعد .. انتي بنتنا وما نرضى عليج .. مسالة طلاق في شهر العسل هذي انا لايمكن اعديها على خير .. وكنت ناويه اادبه اكثر عشان يعرف ان بنات الناس مو لعبه عنده .. بس لي كاسر خاطري هو انتي .. بنتي من لحمي ودمي .. كفايه زعل وحرمان .. لا تقعدين معانا ولا تاكلين نفس الناس .. تقول لي لا تضغطين علي حتى يرجعج بدون شروط .. فرصتج تختبرين حبه لج وتعلقه فيج .. طبعا عطتني محاضره طويله عريضه وانا ماغير دموعي اربع اربع ..

المهم انا قلت على امي اضن الوقت اللي صبرناه يكفي يبين لنا تعلقنا مع بعض .. وانا تعلمت وايد خلال ها الفتره واستشرت .. ودعيت ربي واستخرت .. واشوف ان رجعتي له هي الخير لنا يمه .. وان شاء الله بشروطي .. واتمنى تفصلين موضوع اختي عن موضوع زوجي .. اختي فتره وترضى وهذا طبعنا من يوم انا صغار وانتي ادري .. طبعا امي تدري عن اختي دايما كانت تشوف نفسها علينا ..

الحين انا ابي اكلم زوجي بس مو عارفه كيف املي عليه شروطي .. هل ارد له ولما نقعد بروحنا اقوله جذي وجذي .. او في البدايه اكلمه ثم ارجع معاه ..
هل اطلب منه يقعد في بيتنا او نستمر في بيتهم .. امي خيرتني وقالت اللي تبينه هو اللي راح يصير .. فانتوا شنو رايكم . ؟
حدود علاقتي مع نسايبني هل اقطعها نهائيا .. او ضمن حدود .. هو قال لي امسحهم نهائيا من حياتي ..
شهر العسل .. يعوضني او عفى الله عن ما سلف ..
هل الطلاق راح جرحه يستمر للابد ويلازمني واتذكره ام ممكن ها الشي نسيانه ..
شسوي ابي نصايحكم .؟؟
انا فرحانه بس خايفه .. ماعرف شسوي .. المشكله طول هالفتره انا قراراتي كلها امي كانت تعارضها .. وفجاه قالت لي سوي اللي تبينه بدون مقدمات .. فانا احس اني ضعت .. ردوني للطريق الصحيح ..