السلام عليكم ورحمة الله وبركاته..

هذا الذي مر بزوجك لطف من الله كي تتقربي منه وتنامي بقربه..

وبدأ يوما جميلا واستغليه في كل مايسعده ويسعدك

أحضري الغذاء واجلسي معه وتحدثي كأنه لم يكن شيء حدث عزيزتي واجعليه يوم مختلف

ألبسي أجمل ما لديك وضعي الميك وبعد العصر اصنعي قهوة لو فتح معك بهدؤو الخلاف ردي بذكاء

مش ليش تريد تمنعني وأنت وأنت لا انتبهي من عباراتك هذا تقصم ظهره، تعودي أن يكون لسانك فيه إيحاءات إيجابية عشان يشعر بالأمان معك..

واستمتعي واعلمي بأن الشيطان لن يتركك حي قول لك كيف وأهلك من الأفكار الهدامة انتبهي أن تتسلل إلى قلبك.

وكرامتك ووو انتبهي..

أتمنى سماع أخبار جميلة ولا تدخلي المنتدى اقضيه معه بكل ماهو جميل فهو حبيبك ياعزيزتي..

انتبهي كذلك التدقيق في كلامه لو تحدث بشيء، كوني مرنة وردي بذكاء بذكاء بحيث لا يزعل هو ولا أنت..

الله يوفقكما معا ويبعد عنكما شياطين الجن والإنس..

وصية لك :أنت في نعمة عظيمة الكثير من البيوت تفتقدها هو حب الزوج لزوجته، حافظي على هذا الحب ولا ترفسيه بالمشاكل الصغيرة..

واحرصي يوميا على تشغيل سورة البقرة في البيت ستجدين بركة تحل على البيت وغير السكينة التي تغمركما..

حبيبتي الي هنا وكافي تقربي من زوجك انسى الي صار انتي قلتي الي عندك خلاص ابدي يوم جديد معه بدون ذكر الماضي
زوجك نام بدون مكيف يبيك عنده
بس مب عارف يعتذر
وانتي تشوفين الحزن بعيونه
ترا الرجال ياصل لمرحله يصد عن الحرمه ويستغني
لاتخلين زوجك ياصل للمرحله هذي
زوجك يبيك ويحبك بس الاسلوب مافيه
انتي غيري من نفسك واصبري 6 شهور 7 وبتشوفين وربي التغير منه
الله يسعدك ويسخر لك

__________________
سبحان الله وبحمده

اليوم يوم فضيل يا احبه
ادعي رب العالمين ان يسخركم لبعض و يصلح حالكم .. ساعه مستجابه استغليها بالدعاء و الاستغفار عسى الله يكفيكم شر الشيطان و يآلف بين قلوبكم

والله زوجي مو مفكر فيني وأبدا ماهو شايفني شيء أبد .. كارهني .. كل ماأبي أقرب منه يسوي اشياء تضايقني .. اخرها طلب مني اخرج الدجاجة من الفريزر .. وسألته برسالة وش تبي أطبخ لك .. مارد علي مطنش .. دخل عندي في الغرفة بيبدل عشان يطلع .. قلت له وش تبي أطبخ لك .. قال مابيك تطبخين شيء .. قلت والدجاجة .. قال أنا اللي ببطبخ ارتاحي .. قلت لا أنا اللي بطبخ أصلا توني نظفت المطبخ وأبيه يظل نظيف .. قال عشان المطبخ يعني .. قلت لا أصلا كذا ولا كذا أنا اللي ببطبخ .. قال ماأبيك تطبخين تفهمين وبدل وطلع وأنا لحالي في البيت لا عرض علي يوديني لأهلي ولا قدرت أطلب منه لأني خايفة من ردة فعله

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

😳😳
لست كغيري
ليش تسأليه اطبخها كيف
سوي كبسة دجاج و خلاص
كأنكم قاعدين بمطعم. الاكل بالطلب و المقدار و المشاورة
انا اطبخ كل يوم و الكل يأكل الموجود. لو زوجي مشتهي شيء مثل ادام لحم. يقول
احيانا مو في باله الطبخة هي كبسة. هي مرقة. المهم وده بلحم
اتوقع زوجك اشتهى طبخ بيت. و ادام دجاج و انتي تصرفي
لا تكوني دقيقة. و غلط تقولي له نظفت المطبخ و انت يا. مهمل بتنظفه. هذا اللي وصل عقله🙈
ترى طريقة كلامك تشبه طريقة كلام الحريم مع بعض. ندقق بالتفصيل

__________________

هو بعض عليه ملامة
الكلمة تطلع بالغصب
كان قال ودي بالآكلة الفلانية

__________________

لا يامسز ماأقدر أسوي شيء من راسي .. ممكن يبي كبسة أو مكرونة أو برغل .. عموما طلع جاب خضار والظاهر يبي ايدام .. دخل المطبخ لحقته قلت له خليني اسويها انا .. قال أنا أبي اسويها بمزاجي وشكله معصب والشر بيطلع من عيونه .. قلت براحتك وطلعت

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ردودك ياختي فوق فوق المثاليه..

اجل رجل تذبل روحه لبعد زوجته العاطفي
ههههههههه اسفه بس ضحكتني الجمله

حبيبتي لست كغيري
ليه انت شايله هم وعايشه وضعية الحزين الزعلان ؟!!
ترى زوجك هو الزعلان وهو المطنقر

وانت لازعلتي ولا يحزنون ..فالله يرضى عليك عيشي حياتك سعيدة وفالتها على الاخر
المفروض رحتي لاهلك هالوكيند وفلتيها وانبسطتي ..
وسويتي نفسك غبيه ومتجاهله وضعية الزعلان اللي عندك واذا رجعتي تعاملي معه طبيعي وامزحي معه واذا مافي اي تجاوب منه خليه مع نفسه ..

تقهريني ياخيه
هذا يزعل ويطنقر من غير سبب وانت اللي اكلتها وشايله همه

يابنت الحلال تعاملي معه عااااااااااااادي عااااااادي
مايبغاك تطبخين براحته
مايبغاك تقعدين جنبه براحته

انت اعرضي عليه وهو براحته بس بلييييز لا تضيقين صدرك

والله لو انا منك بقول ايه فالتها مع اهلي ومنبسطه معهم لاخر مود ، عندك مانع؟!
وعذرا حياتنا ماتمشي على مسطرة وقلم ..عيشي حياتك بعفوية وتكلمي معه بكل اريحيه ..

الله يرضى عليك .. بس ماراح يوديني لأهلي هو قالي ماعاد تروحين لاهلك الا مرة كل شهر .. ولا ودي اروح لهم واغير جو .. وهو على قولتك براحته .. أنا تعبت معه بصراحة .. ومدري على ايش

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وبعدين لما قلت له عن المطبخ اني توي نظفته متعمدة عساه يصير يهتم ويقدر تعبي .. ياأختي أدخل المطبخ بعده الاقيه شيء مو معقول .. وأشياء بسيطة كأنه متعمد .. أقلها قطع والورق مايعرف يرميها في الزبالة الاقيها منتثرة على المغسلة والارضية والدولاب..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..