هذا المفروض ..
لازم تتعامل معاه بسياسة وحكمة ..
مثلا قدامه تسوي اللي يبيه ومن وراه اللي هي ترتاح له ..
وغالبا الزوج مرة مرتين بيطلب منها الشي وبيسكت ...
مثلا الطبخ في قدر الضغط بعدين بروحه بينسى وماعاد يدقق .. لكن لما يشوف الزوجة تعاند وترفض بيبقى في باله وبيعاندها اكثر وبيصر كل يوم تطبخ فيه .
العناد مايفيد مع الزوج ..

اتفق مع البنات اللي يقولوا عطيه جوه ..اتوقع زوجك كبير في العمر بما ان ولده اللي يجيبك ويوديك .
ياأختي سايريه وسايسيه يعني اذا طلب منك شي قولي حاضر في البدايه ولكن بعدين كل شوي طلعي عذر.
اتمنى ترجعي لبيتك لأن فترة البعد اذا طالت تقسي قلب الزوج على زوجته ..

نفسيتي مو تمام ابدا

امي نسيت كل شي جيت بسببه
الضرب
تدخله بكل صغيره وكبيره
أسلوبه معايا

وجالسه تعايرني
بإنه ان تطلّقت محد راح يتزوجني
وانه خلي اهتمامك ببنتك ينفعك
وانه انا البنت اللي لسانها طويل وترادد وما تبغى احد يقولها لا ..

على فكره
هو شايف اني جدا مهتمه ببنتي
لكن التدخل طبع فيه
يعني حتى ان خرب شي ببيت امي وهو ماله علاقه ما يرتاح الا اذا تصلح .. عاد اما يرسل عامل او يوصي امي ويقولها حلول.. يتدخل بأثاث شقة اخويا .. يتدخل بقياس لبناته هو يقدم لهم ..
مرا قلت بنت اختي ماعندها شريحه تقول لامها تبغى رقم علشان الواتس
راح جاب لها شريحه ..
لما جات الوظائف على جدارة ..جلس وربي فوق الساعتين يختار قرى .. ويشوف المسافات على الخريطه .. ويشرف الخطوط بكم التذاكر وكم رحله بالإجازات ..
هو مرا نظامي زائد انه حريص لدرجة اكبر من طاقتي ..
هو مو فاضي ابدا وعنده التزامات سوآء عندي او عند زوجته واولاده وأمه ودوامه بس هو كذا ..

انا مرتبه ومهتمه ببيتي وبنتي ونفسي الحمدلله .. وحتى لما اقوله انت ما تثق فيني . يقول أزعل لما تقولي كذا .. كيف ما اثق فيك وانتي ملكة بيتك .. لكن هذا من باب النصح والتوجيه ..

هذا كله كلام لكن انا احس انه ما يثق فيني

عمره داخل بالسته والاربعين وانا اثنين وثلاثين ..
يعني ماني طفله علشان يعاملني كذا ..
ولا جاهله..

الان احاول اني أحسن مزاجي وما أزعل سوآء بسببه او بسبب امي او بسبب بعض الكلام اللي القاه هنا

مدري اذا جا ومصيره يجي ورحت معاه كيف بتعامل معاه؟
ان تعاملت كويس ورجعت افضل من اول اكيد بيقول بنفسه هه الضرب جاب نتيجه !!!
وان كنت ع الصامت وتعاملت بحدود هذي المعامله تتعبني اكثر من انها تتعبه!!
كيف اتعامل بالله ؟
كمان هو انسان ما يحب العتب يعتبره جدل ويعتبر الحوار جدل ويعتبر الكلام العادي رفعة صوت ...

يقول لي تغيرتي بعد ما ولدتي.. قلت له انت اللي تغيرت بعد ماجبت البنت ..!!


ياناس والله العظيم اقسم بالله بتغير بتغير بتغير بس ماني عارفه اتغير

أصير بارده !!!!!
كيف كيف بس !!!

أصير مطيعه بدون اي نقاش ؟؟؟
أين السبيل لهذا الشي بالله !!!!!


ليه ليه ليه انا بس اللي اقدم تنازلات ...


والله والله والله اني انكسرت .. امي ضدي وهو قلب الخطأ كله عليا ..
بدال ما تقوله امي ما تمد يدك عليها لاي سبب ،.. تقوله اكسر يدها عادي اذا مدتها انا سامحه لك ..


فيني زعل وحزن وضيقه ما يعلم فيها الا ربي

__________________

امك تبغى مصلحتك
ماتبي تكبر راسك عشان ماتخربي بيتك
يمكن شرح لها الموقف كامل وحكمت على كلامه
خاصه انها سمعت من الطرفين
حبيتي
كبري راسك واكسري العناد واخزي الشيطان
الحين اعترفي انتي غلطانه ولا مو غلطانه
لو غلطانه واحد بالميه بالموقف خلاص مالك حق تتكلمي ومشاركه في الخطا
اذا كنتي بريئه ميه بالميه يبقى هو انسان مو طبيعي ومايتعاشر
شاوري عمرك وتلقين الجواب

خلي تهدى النفوس
واقعدي معاه وحطي النقط على الحروف وكل واحد يطلع الي بقلبه

اكيد أمك قالت له هالكلمة بسبب كمية الغضب المتفجرة من كلامه.. ف كأنها تمتص غضبه بهالطريقه ... لانه ان قالت له حدك و ممنوع الضرب و هو يشوفك غلطانه ب ضربه فممكن جدا يكبر موضوعكم و يزيد غضبه أضعاف و ردة فعله تكون سيئة جدا بعدها ...


المهم زوجج هذا طبعه من كلامج .. شخصيتج مالها دخل ابدا ... يعني يحب ينكرف و يخدم و يتعب و لو تفكرين كيف تستغلين هالناحية فيه بترتاحين في وايد أمور ...

بس الصدام المستوي بينج و بينه مخلنه زايد التدقيق و التدخل بطريقه اجبارية و مزعجه.،
مرات هو ما يكون مستوعب حجم انزعاجج و الواقع اللي معيشنج اياه ... بعد ما تتصالحون بفتره يعني .. حاولي تنقلين الواقع ع شكل مشكلة جدية ل وحده تقربلج و بتشوفينه كيف بيجتهد ل وضع الحلول و اقتراحات ل تحسين وضعها و لا بعد يمكن يعتبر اللي تعيشه مش صح و كبير ف حقها .. و بعد ما يستوعب تقدرين تصارحينه انه هذا واقعج اللي هو مب حاس فيه ... الله يعينج

__________________

مرحباً أختي

هل صحيح أنه سحب شعرك خفيف وضربتيه بقوة على كتفه.. ؟؟

سحب شعري مو سحب خفيف ولا سحب قوي ينزع الشعره لكن شدة زعل
ماعمر اخد شددددد شعري الا حضرته


ضربته مع جملة انا محد يمد يده عليا
ثلاثه ضربات بقوتي

يقول لامي ضربتني ضربتين الاولى قويه والثانيه لا

لكن انا ضربته مع انتهاء جملتي

انا راح احاول أتجنب غضبه المرات الجايه
لكن وربي مد يده عليا ما يلوم الا نفسه

الحمدلله اني ضربته ع الأقل اخذت جزء من حقي بدال ما اجي عند اهلي وما القى أنصاف

ولا هو علشان رجال عادي يضرب وانا علشان بنت عادي انضرب !!

__________________

عزيزتي ايعقل انك لم تلاحظي لغاية الآن ان ما بين قوسين أعلاه كان الشرارة التي أججت الخلاف وصعدته للدرجة التي وصلتم لها !!!!

اذا ضربك بدون سبب سوي الي تبينه
لكن اذا شد شعرك لانك استفزيته مع انه خطا لكن بتنحطين بدائره الخطا بعد
اطردي هالافكار السلبيه
وحطي ببالك شلون تبنين بيتك وتحافظين عليه
اهلك شوفه عينك
دايم تقولين اهلي واهلي واهلي
الاهل ماراح يوقفون معك على طول
وزوجك عرف هالنقطه ان اهلك عارفين مصلحتك
فالحل عندك انتي