الله يفتح لك كل ابواب الفرج ويرزقك راحة البال وينور لك طريقك ويقدم لك كل الخير ويصرف عنك وعن اولادك كل شر فعلا انتي مثال المراة والزوجة والام ما شاءالله
احترامي ومودتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يفرج همك ويسدد خطاك ويجعل لك من كل ضيق مخرج

قلبي معك

__________________
"ولعلَّني رغم احتياجيَ انطوي، وألوذُ بالصلوات و الخلواتِ، الناس تهجرني لعيبٍ واحدٍ، والله يقبلني على علاتي!"

كيفك ياروح ؟؟
طمنينا عليك حبيبتي ..

و لا شي ..
اشتقت له ..

غصب عني ..
ما أقدر أكابر أكثر ..

.
.

كان ما ينام إلا لما ( أنيمه أنا ) ؟
كان يقول بس خليكي جنبي ،.

الفترة الأخيرة صحيح تغير ، ما يحط عينه بعيني ..

.
.

لكن ما راح أرجع له ..

.
.

هو بينام في السيارة دحين ، أو في المسجد ..

إيش يضمن له ، إنه يبغاني بس كذا ( عشان فاتحة فندق له ببلاش ؟ )

.
.

خلاص ،.
بكرة يخف الضغط اللي علي من العمل بإذن الله
و يمكن مع الضغط النفسي ، صرت أفكر فيه كثير ..!!!؟

.
.

البعد هذا ..

أنا أيضاً بحاجة لها ، مو بس هو ..

.
.

ماني قادرة أركز ..

.
.

ماعرف لو قلت إيش قالتلي المستشارة ؟

قالت لي :
- ما راح أتعب معاك ، لإنه بداخلك التقدير الذاتي موجود و عالي جدا و الحمد لله ..
فما يحتاج تحاول إنها ترفع نسبة التقدير الذاتي ..

- قالت عندك نسبة ( الذكاء العاطفي ) عالي جدا .. و تتفوقي على زوجك كمان ..

- قالت زوجك مثل اللي فجأة انفجر بيخرج ضغوطات أهله ،،
و توجه للطريق هذاك ، مثل الطفل الي يلعب بلعبة و يرميها .. يلعب لعبة و يرميها ..
و يعمل الشي أو الغلط بالخفاء ( مثل الطفل )

قلت لها ، أنا أبوي مات و أنا صغيرة .. أنا بحاجة لزوج ( راشد مو طفل ) ..
قالت معاك حق .. لكن إنت ( متربعة على عرش قلبه ) ..

كلمت هي المستشار ، و هو دكتور و يشتغل أيضاً بقسم الإصلاح في المحكمة ..
و قال لها إنه خلاص فهم منها حالة زوجي .. و إنه راح يشتغل عليه
و إنه بإستطاعته السيطرة عليه و تغييره بشكل جذري ..

و قالت لي ، هذا المستشار من أفضل المستشارين عندهم و معروف جدا
هي قالت للمستشار إنه زوجي شخص مراوغ و كذاب و مخادع و إنه و إنه

و قالها لا تشيل هم ، و عدت عليهم حالات مثل كذا و نجح بعلاجها بشكل جذري ..

يعني زوجك راح للمستشار على الموعد اللي أخذتيه له ؟؟؟

__________________

انا لما اكون مستقرة نفسيا .. و ماني مضغوطة مثل دحين مع ضغط العمل و البيت
خاصة اليوم ..

و لما اجلس كذا مع نفسي ..

.
.

انا

ما

ابغاه ..

.
.

ماني مستعدة اعيش الحياة السابقة الي عشتها معاه ..

.
.

ممكن اساعده و اسحبه للمستشار فقط ..

كمساعدة انسانية مني ..
لكن مو عشان ابغى ارجع له ..

.
.

عالاقل عشانه ابو اولادي ..
يعني عشان اولادي ؛

اوجهه للمستشار .. ثم خلاص

مشاعري غصب عني ..

لكن ما باعمل شي ..
هي بتحاول تخرجني من الحالة الي انا فيها حاليا

قالتلي انت داخلة مرحلة اكتئاب ..

و بتساعدني اغير الافكار الي براسي ؛ الي تكونت بسببه

لاني مرررررررة نحفت دحين .. و صرت منعزلة عن الكل و اتجنب الحديث مع احد
و اعصب مرات على ولدي ثم امسك حالي و اعصابي ..

قالتلي كلها اعراض اكتئاب و راح انجح بتجاوزها

( لما اكتب هنا .. اشعر اني في حالة توازن )
و ارجع لحالتي الطبيعية و امارس حياتي بطبيعتها ..

لاحظت الان الشي هذا ..

انقطعت يومين و نفسيتي تاثرت ..
و الان بعد اخر رد ..

قمت و رتبت اوراق العمل و صنفتها ؛ و رميت الاوراق القديمة ..
و عبيت البانيو .. و جبت الالعاب و اولادي الان بيتحمموا و يلعبوا ..

و جالسة مع ولدي الصغير ..

و لميت الملابس المتسخة و حطيتها بالغسالة ..

.
.

بعد شوية اخرجهم و البسهم و نتغدى ..
و اكمل شغلي ..

باقي 13 يوم عشان المحكمة ..

.
.

بكرة إن شاء الله ، راح أكون أكثر استقرارا ..
عشان بأرتاح من ضغط العمل بإذن الله ..

أجلس دحين و أكمل شغلي ..