السلام عليكم ورحمة الله وبركاته وبعد ..
أتمنى إنك تكون بخير وصحة وعافية .. حقيقة في البداية أود أهنيك على طيب قلبك .. وحسن نيتك .. بصراحة تُحسد على هالأخلاق العالية ما شاء الله عليك .. أخوي الكريم .. موضوعك شدني وبقوة .. لدرجة خلّاني أسجل في هذا المنتدى .. وحبيت أساهم في حل مشكلتك .. لعلى وعسى أفيدك بشيء .. حالتك الي تمر فيها حاليا ً .. مرت علي من قبل .. وكانت مشابهة لك بالضبط .. الرجال أهو الي كان شاري .. والمرأة أهي الي بايعة .. والسبب أهلها .. ونوعا ً ما كانت تحب الفلوووس .. المهم ما علينآ ... أني قرأت قصتك كامل .. وحابة أعلق على نقاط معينة .. من ناحيتك تجاههآ .. أشوف إنك مو مقصر معاها ماديا ً .. بس معنويا ً ما عندي فكرة .. إذا تتكرم وتخبرني وايد زين .. لأن البنت تتأثر من هالناحية .. وأشوف إنك شاريها .. وميت فيهآ .. والدليل محاولاتك .. ورسائلك .. وإصرارك على إنك تردها .. وطرق إرضائك ليهآ .. ومن ناحيتها .. ألي أحسه .. ( لربما ) أحفي إحتمالات وايد الإحتمال الأول إنها بنت مالقت ذاك الإهتمام لما كانت عند أهلها ولقته عندك .. ولما شافتك تهتم فيها .. حبت تشوف مدى إهتمامك وحبك ليها .. يعني بما معنى تتغلى .. وهالسوالف .. لدرجة إنها تخليك جسد بلا روح .. وخصوصا ً أهي تدري إنك تحبها .. أو إنها لقت إهتمام زيادة عن اللزوم عند أهلها .. ولما تزوجتك صار الإهتمام فيها أقل .. فلجذي تتابع أهلها عشان تلاقي هالإهتمام .. بطرق أدت إلى هدم حياتها بدون ما تدري .. خصوصا ً إنها عايشة في منطقة مو منطقتها .. وبعيدة عنهم .. وفي إحتمال يقول إسمح لي يعني .. إن زوجتك في بالها أحد غيرك .. وعاطتنه ذاك الإهتمام .. ولربما أهو الي يحرضها عليك .. وإهي تتدعي عند أهلها وأهم بكونها يحبونها .. شيء أكيد بيوقفون بجنبها .. وأني أتوقع لجذي إهي قاعدة تستغلك .. وإلا إنها مريضة نفسيا ً .. يعني عندها وساوس وهالشغلات .. وأني ما أعتقد هالشيء .. بالنسبة لأبوها وأمها .. المسألة غامضة .. يعني عندنا الرجال أهو الي يمشي كلمته بالبيت .. ولو من اليوم أبوها يبي يرجعها يرجعها .. بس شكل أهو راضي بالي قاعد يصير .. أو راضخ لزوجته .. الي قاعده أحسه .. إنهم طمعانين في فلوووسك .. وأنت شكلك كريم .. يعني أنت تقول ف بداية زواجك كنت تعطي اخوها حق يدرس ومادري شنو .. وكنت تراضيها بالذهب والفلوس .. وتدلعها .. فتعودوا على هالشغلة .. ولو بتحاول تغيرها الحين .. بيرفضون .. وأنت تقول مشتري فيلا .. شيء طبيعي بيطمعون فيها .. إذا أهم من هالنوع .. عندي سؤال :إخوآنها أكبر منها أو أصغر .. أنت حاولت تكلم أحد إخوانها .. أو لا ؟ بالنسبة للرسائل .. ما أعتقد إنها بتفيد .. خصوصا ً الي حوالينها ألحين أكيد يشوشونها .. أني عندي كلام طويييييييييل جدا ً وياك .. لي رجعة .. بس ألي أبغي أوصله لك .. لا تطلقها .. لا تعطيها مبتغاها .. وإذا أنت ناوي تروح تزور بنتك بحجة إنها مريضة والله يواليها العافية إن شاء الله وتقوم بالسلامة .. أتمنى إنك تحمل باقة ورد وتروح لزوجتك وتقابلها شخصيا ً وتصر على موقفك هالمرة .. وبقوة .. ولا تلين أبد .. وإنفرد بها في مكان وكلمها وجها لوجه .. ولا تحاول تكلمها فون أو مسجات .. ما بيفيد .. أحسن شيء وجها ً لوجه .. جرب تكلمها في بيتهم .. وإذا سنحت لك الفرصة تطلع معاها وايد زين .. صارحها .. شوف وش في خاطرها .. إسترجع ذكرياتك .. ( المشاكل السابقة ) .. شوف من شنو كانت تشتكي منك .. مثلا ً من الناحية العاطفية .. غير إنها قالت عنك إنك إنسان مو إجتماعي .. كلمها بثقة .. بحيث إنك تبين لها إنك تغيرت .. وإنك هالمرة جاد في الي قاعد يصير .. عشان تحدد موقفك وياها .. وجرب قد ما تقدر إنك تطول وياها الجلسة .. وطلع كل الي في قلبك .. ولا تلين وايد .. يعني شد وارخي شوي .. استميلها من كل النواحي .. عشان تبرئ ذمتك .. مع إنك مو مسوي شيء ومهما كان ذكرها إن الدنيا نفسها مو خالية من الزين والشين .. وإن محد كامل .. الكامل الله سبحانه وتعالى .. ما بالك بزوجين متزوجين من ست سنين بس .. قول لها إن الحياة الزوجية مثل فصول السنة .. فصل حار وفصل بارد .. فصل جاف .. وفصل في أمطار ورياح وكذآ .. وبعد عندي نقطة .. أبيك تراجع إحساسك .. يعني تحس إنها إذا رجعت لك بعد كل الي صار .. بترجع معاها مثل قبل .. أو إنك بتتغير عليها بكونها جرحتك .. وخصوصا ً سالفة الطلاق والمحاكم .. سؤال آخر : هل تتوقع إن موضوع أسفارك ودراستك وإنشغالك المستمر هو السبب الرئيسي لهالمشكلة ؟ أتمنى تخبرنا عن تفاصيل حياتك أكثر .. وتطمنا على أبنائك .. وحالتك النفسية والجسدية .. والي الله كاتبنه بصير .. لا مفر منه .. عندي إحساس إنكم بتردون لبعض .. " تفائلوا بالخير تجدوه " بـــرب |
لا يا اختي هذا الاحتمال 0% لأن لو كانت تفكر بالشكل هذا ما قاتلت بكل قوة من اجل الحصول على ابناءها وطلبت الحضانة لانها ببساطة سوف تفقد الاطفال لو تزوجت0
|
هذا هو السبب الوحيد الذي يجعلك لا تشك أنها راغبة في غيرك ؟ عفوا أنا لا أضع هذا الاحتمال أبدا ولكني مستغربة من منطقك , فانت لو واااثق فيها سواء أخذت أولادك ولا رمتهم فأنت ليس عندك أدنى شك فيها أنها تتلاعب من وراءك صحيح ! ولا دخل لموضوع الأولاد بشرف المرأة أبدا ... وكثير مطلقات ولكن من طلقهن لا يجرؤووون لحظة على أن يشكوا في أخلاقهن حتى بعد الطلاق ... فهل فعلا أن السبب الوحيد الذي يجعلك لا تشك فيها هو أنها قاتلت لأجل أولادها ؟ اتمنى أن أجد اجابة |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|