كنت اتابع القصة والاحداث ضاق صدري حيييل ، لييه كيذا متى متى احنا ياعالم نفييق متى !! كل ماتذكرتكم دعيت لكم ، كنت احاتي ردة فعلهم ، تمنيت انهم مايعرفون بس الحمدلله على كل حال ، وربي رحمت أكثر ناس والدينك اهتمامهم وحرصهم وجعوووني ، الله يسامح أختك ويحفظنا من الفتن ، مدري وش أقول حل أحس الحلول تمثيل مايركب الواقع ... بس ربي يحلها وربي ارحم وألطف .

خلي أختك تتوب وتندم على فعلها وتلتجئ لله ..

ياربي الحمدلله ، بس الطفل هو صدق صغير بس لا كبر هو مولود على الاسلام ليش يتدين المسيح من حقه يعيش على الإسلام ...


مدري أي حل ممكن اضيفه بس ماقول إلا الله يلهمكم الصواب والرشد في الأمر والرضا ..


اسأل الله لكم الراحة والطمأنينة ..



لـ نطمئن .

يا أختي سافروا بالطفل لأي دوله اسلاميه مش لازم ترجعون به للسعوديه أهم شي ما يتربى بأمريكا ويخسر دينه كافي خسر أهله المهم يتربى في دار اسلامي وبلد اسلامي

__________________
وهل من مصير اخر ؟

الشاب يتقدم للبنت يستر عليها

ويتزوجون وفترة ويطلقها بكيفه وخلاص

والطفل يرجع لدار الرعاية وتنتهي قصته خلاص مستحيل تقولوا للناس انه ولدهم
هالولد مو موجود وقصته بينكم وبين اهل الشاب

وكلن يروح لسبيله


اصلا وجود الطفل وصمة عار كيف يقبل ابوك تربيته سواء في امريكا او هنا كفاية غلطتها

الولد تنسونه لدار الرعاية بالسعودية


تمنيت ما بلغتو الولد واهله بالولاده الى ان تاتو الى السعودية وهم من البداية متهربين
دخلو الشرطة او الهئية طبعا سري هالموضوع
يجرونه هو واهله وانسبو اب هالولد غصبا عنه اتوقع الاب يدخل الاحداث او بتسجل عليه سابقة
ليه اختك واهلك يتحملون النتيجة وهو لا
اختك لا تبدي تعلقها بالطفل لان علاقة محرمة مصيره بيكون لدار حتى لو جلس فترة
الله يكون بعونها وعونكم


اطرقوا ابواب السفارة من ناحية البلد كيف تدخلونه قولوا مخطوبين بدون عقد وحملت منه وانكر الابن وش الحل

سأبقى دائما داعيا لصاحبة الموضوع وأهللها بالستر وتفريج الكروب..

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

لا يا جروح البنت لا تدمر مستقبلها ولا فيه صعوبة في انها تبدا من جديد وتتزوج وكان شي ما صار !!
بتقولين كيف ابقول لك
يتركون الولد وبعد ما تتعافى تسوي عملية ترقيع ويندفن كل هاللي صار في مكانه بامريكا ويرجعون السعودية ويبدءون من جديد وكان ما صار شي !! وخاصة ماحد يدري عن السالفة لانها صارت بعيد عن الديرة!!
هذي الحقيقة وهذا البشر ، والحياة والناس والدنيا !!
ما هم احسن من الولد واهله اللي قفلوا كل شي وكلها كم شهر وبتنطوي السالفة
اقول لك هالشي من نظرة للدنيا واهلها بس مو معناته اني اءويد هالشي او ارفضه
انا بشر مثلهم واللي هم فيه شي ما تنفع معاه المثالية ،
ما ينفع الا ان الناس تدوس وتحط كل شي تحت رجولها وتكمل المشوار لاجل تنجى و.......... تعيش!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

تقدر تسوي ترقيع وتسوي تجميل لبطنها
بس ماتقدر تخفي حقيقة حملها و ولادتها
لما تمرض وتدخل المستشفى اول شي يسألونهم وش العمليات اللي سوتها ، هل سبق لها الحمل او لا ؟
وكلها تأثر ع تشخيص الأمراض المسألة مو ترقيع وتنحل مشكلتها اكبر هذي حملت و ولدت
هذا غير ذنب الغش اللي راح يكسبونه في زواجها

اختي صاحبه الموضوع فكرت في حل ثاني بس يمكن يكون اصعب من حل دخول الطفل للسعوديه
طلعوا للطفل جواز امريكي وتبنوه من امريكا وجيبوه ع انه طفل تبنيتوه من امريكا امه سعودية و صديقتك و ماتت وماعنده احد هذي الكذبه بيصدقها المجتمع طالما المباحث متعاونه معكم كلموهم يساعدونكم في استخراج جواز واسم له

حرام عليكم حرام حرام !!!!!
اللي يقولو خليها تترك الولد وترقع ومادري شو ... لو كان هالطفل ابن اي وحدة فيكم هل رح تقدري تتخلي عنه??? ليش الطفل يتحمل ذنب غلطة امه وابوه ... و يعيش مشرد ولقيط وبلا اقارب وكمان يتربى مسيحي !!! عشان امه تنستر? هل باعتقادكم ربنا بيسامحها اذا عملت هيك? ختى لو رقعت نفسهل واتزوجت وولدت غيرو من زوجها هل بتعتقدو رح تتوفق بحياتها الجديدة بعد ما ظلمت روح بريئة ورمتها في بيوت الرعاية? بتفكرو حياة الاطفال في بيوت الرعاية الامريكية مثالية? معظمهم لما يكبرو بيودوهم على بيوت بديلة foster care والطفل بيعيش مشرد ونهايتو مخدرات وانتحار وجريمة... اذا صار هيك مين اللي بيتحمل ذنبو? مش كفاية انها امو وابوه حكمو عليه يكون بالحرام لا وكمان يحكمو عليه بالدمار لبقية خياته?? وين حق الظفل البريء ووش ذنبه?
اختي صاحبة المشكلة اختك لازم تحط مصلحة الطفل فوق مصلحتها ومصلحة. الجميع لانو اكثر انسان رح يكون مظلوم بحال اتخلت عنه.. واكيد لازم تتعلق فيه لا تحرموه من امه.. الحل الامثل في نظري انو اخوانك يعرفو بالموضوع وهي تبقى في امريكا طالما عرضو عليها انهم يوفرولها مع ابنها الحياة الكريمة .. تعيش مع ابنها بامريكا بعلم اخوانك لسبب التستر عليها في السعودية .. خليها تقعد فترة هناك وقولو لاقاربكم انها بتدرس هناك وبعد فترة قولو انها تزوجت وبعد فترة اطول قولو انها رزقت بطفل .. وخلص الموضوع... الطفل مصلحتو يكون مع امو ولازم تتحمل مسوولية انها حملت فيه مش تتخلى عنه وترميه ... لا تصلحو الغلط بغلط والظلم بالظلم ... والله يكون بعونكم

خواتي موضوع التبني والطفل بجنسية امريكية نقدر نقول عنه امر شببه مستحيل هذولا يا حبهم لهالامور ! وبتشوفوهم حتى بالاخبار يدوروا قصص مثل هالقصه ويبنوا عليها تحليلات عن الدول العربية وخصوصا الخليجية ! على
اساس انهم اصحاب الرحمة واحنا اصحاب العقول المتخلفة هذا واقع للاسف ...

احسن حل هي جلوسها مع طفلها والحصول على الجنسية والعمل هناك ايضا والدها يعمل لطفلها جواز سعودي باسمه لحتى ينتمي لبلده غصبن عنهم ويكون انسان مسلم ،، حتى وان كان من الحرام يظل طفل برئ وان شاء الله يكون ابن صالح بار بوالدته لان ماتدري شنو مخبي لها الزمن ... الوالد يحتاج لاقناع بهالفكرة لانها الافضل حتى من ناحية الفضيحة ويكون الاقناع من قبل اخوتك الرجال لان حاليا هوولايشوفكم ولا يسمعكم هو مجبر على وضعه ووضع الصدمة ويحتاج لوقت بالتفكيرر .. الله يعينكم ودعائي لهالطفل بتربى بحضن امه او على الاقل بحضن اسرة مسلمة ومن بلده عشان ما يبكي دممم لما يكبرر لان ماله ذنب بكل اللي صاار ،،

مهب بسهوله تتبنى الطفل امريكيا هناك طابور مقدمين يبغو طفل
الله يعين هالمشكله محيره الله كريم يحلها ويدبرهم لاحسن تدبير

الله يفرج عنكم ويستر عليكم

وتلقون الحل السليم