انتم خلوتها توصل لهذه الدرجه وخلوتها تتقرب لزوجك كيف بالله شغاله تكلم زوجك بالجوال وتتواصل معه كيف سمحتي كذا من بدايه كيف تطلع مع زوجك لحاله وكيف تخليها ماتلبس حجابها قدّامه هذه الأسباب غلط من بدايه خلتها تدلع تشوف الامر عادي لدرجه تغلط عليك قدام زوجك لنها عارفه مابيسوي شي انا لو مكان زوجك وربي اهانه نسبه لي شغاله تهين زوجتي قدامي لا وفي بيتي اقلها مفروض يسفرها تحملي غلطتك من بدايه سامحها لهم يتواصلون مع بعض الطبيعي. بينهم كلام واشياء لانعلمها و الطبيعي منها تعطيه كذا كلمة حب الدليل لما قالت له مشتاق لك قالت كذا الا انها متعوده عليه من اول تقله ذَا الكلام مستغرب على زوجك ليه زعلان لنه صارخ عليها مفروض يزعل من نفسه لنه حرمته انهانت من شغاله قدّامه اقلها كف ويسفرها الدلع الزايد والوثوق انه زوجك مايسوي شي وصلها لهذه المرحله من بدايه انتي تاركه كل شي وهذه تراكمات لين تطور الموضوع اتصال و خلوه وكلام حب لين يوصل امممم الله يستر بس

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

و ليش ما يكون صراخ زوجك على الشغالة بس كذا عشان يرضيكي

و بعدين يروح يراضيها بكلمتين ؟

روان لا تنكري و تكابري انه هجرك لزوجك الفترة الطويلة هذيك هي الي فتحت المجال لها انها تلاقي فرصتها

واحد يقرب لبنات عمي من جهة امهم .. تزوج شغالة امه من 20 سنة اندونيسية و انا كنت لسى صغيرة و افتكرها جات الحرمة تسلم على امي و اخواتي و معاها ولدها و ماكنت افهم احسبها شغالة

بعد ما سلمت و جلست و قامت
ام زوجها قالت انها مرت ولدها و هذا ولدهم و ام الزوج تمدح فيها انها احسن من كل حريم اولادها تخدمها و تهتم فيها

مافي شي بعيد

.
.

و الله اني كنت في بريطانيا مع شغالتي الاندونيسية و قابلت وحدة فلبينية هناك بالمطار و ماكانت فيه طاولة نجلس فيها عشان نأكل و نادتنا الفلبينية نجلس معاها

المهم صارت تسال بالانجليزي شغالتي اساله و انا مشغولة مع ولدي و اسمع لهم مرات و عرفت هي انه نحن من السعودية و شغالتي كانت هناك و جات معايا

تسال شغالتي ما لقيتي لك ( بوي فرند سعودي !؟ )
تقول لشغالتي نحن نروح هناك نشتغل عشان نلاقي بوي فرند سعودي و عنده فلوس يصرف علينا

لأنهم ما يفهموا على لغة بعض
صاروا يهرجوا بالانجليزي قدامي و تحسب اني مشغولة مع ولدي وقتها

و طبعا شغالتي قالت لها لا .. انا اتزوج إندونيسي

الفلبينية قالت لها ( دوري بوي فرند سعودي .. عندهم فلوس كثير )

نيت مان اظن انا من فكرته لم تصل خاني التعبير ربما
انا متبعة مشكلتها من بدايتها ولم اقل تتهاوش بطريقة سوقية لان احتقر من يفعل ذلك
زوجها سبب البلا اعلم
لكن تكلمت عن الموقف في وقته لما تكون حاضرة وهي تتميع امامها
لو نهرتها من البداية لعملت لها الف حساب

لاتنسي اختي تحرصين على قراءة سورة البقرة وادعية تستودعين فيها نفسك وزوجك واولادك من هذه الشيطانة تراها الحين في قمة حقدهاومو بعيد تحاول تنتقم منك لانه مافيه دين يردعها

صدقتي شيطان في صورة إنسان
اعوذ بالله منها
ابدا لا ترضين بغير تسفيرها
ضحي بكل شيء من أجل تسفيرها فجأة ،ولا تعلم الا قبل موعد السفر بساعتين
صدقيني لن يهدأ لك بال وهي موجودة في. منزل اهل زوجك
وزوجك يزعل مايزعل لا يهمك
اوقفي بوجهه وقولي لو على موتي ماارضى وحده تتدلع قدامك وتقولك لاتتأخر بشتاق لك وانت ولا حركت ساكن وتهزأني بحضرتك ثم تلوم نفسك وهو بنفسه اعترف انها تتغزل فيه
وحصني نفسك وعيالك

ام روان انتي في مشكله كبيره تحتاج حل لا تنزلي للمشاكل الروتينيه بكل بيت بنتك كبت العصير وابوها قال هالكلام هذي مو مشكله وشي تافه لايستحق الوقوف عنده

زوجك الله يصلحه عنده قدره عجيبه على تفريع وتفريخ مشاكل وتشتيتها من لا شيء
ولا أجل البنت لما تكب عصير هل هذه مشكله تستحق تطاول بالألفاظ ونكد ؟! الأطفال يوميا هذا سلوكهم وشي طبيعي بالنسبه لمرحلتهم العمريه
وانتي من جهتك علمي اطفالك ان اللي يوسخ شي ينظفه بنفسه عشان تعلميهم تحمل المسؤوليه وبنفس الوقت بيخف اهمالهم وامتدحي تنظيفهم وجهدهم ولو ما كان تنظيفهم مرضي خلهم بعد ما يناموا عيدي تنظيف اللي وسخوه لكن مش قدامهم .
نرجع لمشاكلك مع زوجك .. أقول لك بصراحه لو استمر حالكم على ما هو عليه انتو متجهين للطلاق لا محاله وكل الحلول الوقتيه من سفرات وطلعات وتعامل مثالي و و و ..... فقط بتأخر الطلاق ولكن ما راح تلغيه
لأن أساس حياتكم من احترام وتقدير وثناء وكلمه طيبه وتعامل جيد وجبر خواطر وتضحيه ... الخ ضعيف جدا وهش ولا يمكن بناء حياة زوجيه سليمه عليه وهذه الأمور أهم من الحب برأيي
انا هنا ما أخطئك لحالك ولا أخطئ زوجك لحاله .. كلكلم شركاء في النجاح والفشل .

الحل يا أختنا الكريمه انك تروحي انتي وزوجك لمركز استشارات أسريه يساعدكم بحل مشاكلكم وخلي زوجك هو اللي يختار المركز بنفسه وهذه نقطه مهمه لان زوجك دائما يشكك بأفعالك ونوايك ولا أستبعد لو اخترتي أنتي المركز يمكن يقول لك .. أيه أكيد تعرفينهم وجبتيني عندهم عشان يلوموني ويغلطوني واكيد انك مرتبه الوضع معهم ويا ليت يكون المستشار رجل فالرجل يقتنع من الرجل أكثر من المرأه
أما أنكم تجلسون انتي وزوجك تحلون مشاكلكم بأنفسكم هذه ما تصلح لكم لأن كل واحد فيكم متوجس من الثاني والثقه بينكم ضعيفه لذلك انتو بحاجة وسيط محايد ياخذ بيدكم ويعطيكم الحلول ويبين لكل واحد منكم ايجابياته اللي يجب التركيز عليها وسلبياته اللي يجب تجنبها .

سألتك سابقا اذا تقدري تجيبي زوجك للمنتدى لكن ما رديتي علي .

__________________

اليوم هو افتعل 3 مشاكل
وما استجبت له
الاولى صراخه علي بتربيه البنت
والثانيه يقول ادق على ابوك مايرد
قلت مدري يمكن مشغول
قال اصلا اهلك مايحترموني
قلت جزاك الله خير
بعد نص ساعه قال اعذريني ماقصدت
قلت حصل خير
المشكله الاخيره رتبت الغرفه
لقيت الدبله بين الملابس
حطيتها قدامه فوق الطاوله
مر وشافها ولبسها
قال كله منك لماقلتي لي خروف
قلت عادي تعودت تفسخها باي خلاف
قال لي: منك يا ام الشر
وطلع وتركني
مارديت عليه
رجع بعد نص ساعه يسولف ويمزح
ماناقشته بشي


مرابط قدامي 24 ساعه
مره يستفز ومره يرمي كلام
ومره يهدي ومره يسولف
وانا معطته اكبر طناش


يحاول يضيع مصيبه امس
وانا ماكلمته بأي شي
انتظر شياطينه تهدأ وبتفاهم معه مضبوط


احد الاعضاء يقول حياتنا لا تطاق
والله انه صادق

احيانا ودي اقول امور و اشياء و لكن اتحفظ بها ، و الله المستعان
عموما كلام الاخ سلطان في الصميم مرة اخرى
ترى يا روان اذا استمر الوضع ، مصير علاقتكم الانفصال يقينا الا ان يشاء الله عكس ذلك...
انا عن نفسي وصلت لمرحلة كنت متفرجة في الايام الاخيرة من حياتي مع ذلك الشخص
كنت اخليه يعمل اللي يبي ، من اهانة و تعدي و اي شي ، و لا يصدر مني اي رد نهائيا ، كنت انفجر في سجادتي اشكي لله .. و اتمنى انك تسوين كذا لانها مصدر عظيم للطاقة و الفرج و الحكمة ...
تعبت من ناحية الضغط تعبت شديد بحيث انه ارتفع بشكل كبير جدا ..بسبب الضعط النفسي
بعض الامور بيننا متشابهة جدااااا ، و لكني اسأل الله لك الفرج ، امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

حبيبتي انا متابعة مواضيعك وعارفة وضعك وكلامي ما اله دخل باستفزاز الخادمة وسلوكها ،فقط وجهة نظر بالنسبة للنظرة الدونية للخدم بشكل عام ومو بس بموضوعك انا وين ما قرات عن الخدم اجد كمية استحقار لهم كبشر تتعارض مع ديننا واخلاقنا كمسلمين واعطاء الخادمة حقها مش بالضرورة يتعارض مع كوننا مجتمعات محافظة يعني ست البيت بامكانها تحدد اللبس الرسمي للخادمة خلال ساعات عملها وبعد ذلك بغرفتها هي حرة واكرر رايي بشكل عام مو عن خادمة حماتك ، لانه موضوع سلوكها واستفزازها هذه مشكلة مختلفة واذا جينا للحق حبيبتي المشكلة تكمن بزوجك للاسف اضافة انه تم زوجك تجد لها المبرر لفسخها الحجاب وما بدي افصل وازيدك هم لكن الله يكون بعونك .
انا ذكرت بردي مرتين انه رأيي بشكل عام وما اله علاقة بمشكلة شغالتك
وانا لما ذكرت اته لها احتياجات بالطبع ما قصدت احتياجات عاطفية مع رجل ومعاذ الله اقصد ذلك انما قصدت موضوع المشغل وفعلا هي حرة بوقت فراغها وخارج اوقات عملها او يوم اجازتها تشتري تروح صالون اكيد حقها وتصرف والا توفر هذه مسؤوليتها تجاه نفسها واذا اصرفت راتبها على حكي فاضي هذه مشكلتها راتبها وحقها و هي حرة بيه وهذا حق .
انا كل الي ذكرته ما اله علاقة باسلوب خادمة ام زوجك انما بنظرة المجتمع بشكل عام للشغالة يعني انت ممكن اتفهم انك زعلانة ومتأثرة من استفزازها لما قلتتي (راحت والا اجت بتظل شغالة ) لكن بنفس الوقت جملتك عكست نظرتك للشغالة وتقليلك من قيمتها مو انت لوحدك انما اعضاء اخرين نفس الشيء وهذا ما اله دخل لا بعادات ولا بمجتمع محافظ انما للاسف لمسلمات بعيده عن ما تعلمناه من دبنا الحنيف تت ارثها الاجيال .
اسفة رظيت من الموبيل وانا نعسانة وتعبانة بعد يوم عمل شاق لذلك المعذرة اذا ردي ملخبط . الله يهدي بالك .