حسبنا الله ونعم الوكيل في هكذا رجال

__________________
استغفر الله واتوب إليه

السلام عليكم ورحمة الله
اختي بشرينا عنك كيف وضعك الآن
افكر فيك
ربي يفرج همك
رددي هذا الدعا داااااائما
((ربّنا هب لنا من أزواجنا وذريّاتنا قرة أعين واجعلنا للمتقين إماما))

الله يفرجها لك وينك يافايض طمنينا عنك

اهلللين خواتي الى الآن ماصار شي جديد ابوي كلم عمي اللي يدرس برا وعمي قاله سامح خواتك وخلهم يدخلون بيتك قال ابوي بيدخلون ماعندي مانع يدخلون لكن لساني مايجي على لسانهم وقاله عمي رجع بنتك لزوجها لاتطلقها منه عشان اطفالها قاله ابوي محد له شغل ببنتي غيري مالها رجعه له قاله عمي بس بنتك تبيه قال ابوي تبيه وربي يعوضها هذا مو كفو لها قال عمي براحتك اهم شي سامح خواتك قال ابوي ماني مسامحهم لادنيا ولا اخره لو انه صحيح بناي تعرف شباب كان سترو عليها مافضحوها وقالو لرجالها لكن خواتي يبون بنتي يذلها رجالها ويدعس عليها مثل الجززما له وابوي قالي صدقيني يابنتي لارجعتيرله انتي خسرانه لانه ماراح يحترمك واحد يقدس كلام خواته وخالاته لو تحلفين له من هنا لبكره وتعطينه عيونك ناراح يصدقك وبيشوفك باقل بمستوى وانا ما ارضاها لك وقالي لاتحسبين اني مبسوط بطلاقك ولاحتى سعيد بهالقرار لا انا متضايق عشانك اطلقك منه واضمن لك عيشة الكرامه ولا ارجعك له وتعيشين ذل وقال ريي بيعرضك احسن منه وقالي يابوك اليوم انا عايش والناس تحترمك بكرا الله ياخذ امانته اول ناس تدوس عليك هم وزوجك معهم ،، قال العيار اللي مايصيب يدوش ،، ورجالك العيار صابه بالعربي مو واثق فيك مصدق فيك كيف بتعيشين معه خساره تضيعين سنينك وشبابك معه بكره يزين وضعه يحر قلبك بزوجه ثانيه وان سالتيه شالسبب يقول ماكنت مرتاح معك ولا واثق فيك ،، انا صراحه فكرت بكلام ابوي طول هالفتره واقتنعت بالطلاق والله ياناس من دعاءي احس طاح غلاه لان ادعي ربي مايخلي احد بقلبي سواه سبحان الله اول اصحى وانا ابكي مشتاقه له وانام وانا ابكي مشتاقه له الحين لا،، عادي احسه ماكنه ماخذ من وقتي نفس اول،، امس ابوي راح لجدتي بالمستشفى تعبانه منومه لقا ام زوجي عندها عمتي دخل ابوي وقفت بتسلم عليه ابوي طنشها ماسلم عليها عطاها ظهره وسلم على جدتي وقام يسال جدتي شفيك يمه ليه تنومتي وش جاك ردت عمتي عليه تتلقف قالت بروده ابوي طنشها ماكنها موجوده وبعدها شوي دخلو اخواني وامي على جدتي بالمستشفى يسلمون عليها وقفت عمتي لامي سلما امي عليها بس ماسالتها شلونك ولاهي سالت امي شلونك،، اما اخواني دخلو ووقفت هي لهم سلمو عليها قالت لهم هلا هلا يابوي فزت فيهم اخواني سلمو ولاقالو لها شلونك هي قالت شلونكم اخواني ماردو قاطعوها وقالو لجدتي ماتشوفين شر وطلعو ،، شوي دخلو باقي عماتي وابوي وامي جالسين عند جدتي بس مايكلمون عمتي ماكنها موجوده دخلو عماتي لا امي ولا ابوي وقفو يسلمون يوم اجتمعو كل عماتي وعماني طلعو امي وابوي وقالو لجدتي نجيك وقت ثاني،، ابوي مجروح منهم يقول لو صدق يبوني كان حتى وانا صاد عنهم المفروض يمسكوني ويسلمون علي غصب لو اني ادفهم لاني الكبير لكن هم شافو ابوي صد صدو عنه،، هذا كل اللي صار ،، اما زوجي انا اقتنعت بفكرة الطلاق لانه هو يدري اني اتابعه بتويتر وعلمت ابوي جلس يكتب عن الثقه ان الواحد المفروض مايثق باحد مره وحده عشان ماينصدم وكاتب كل بنا لها ماضي لو كان نظره بس المفروض مكانها الحفره ماتحتاج احد يطبطب عليها يقصدني ان اهلي يطبطبون علي صدق انجرحت من كلامه بس مابيدي شي لو احلف له لو اسوي ايش ما اسوي مو مصدقني لكن ربي بياخذ بحقي من خواته وعماتي وابيكم تدعون لي ولا انا خلاص اتخذت قراري اتطلق واتعب ومصير الايام تنسيني احسن من ابقا معه واتعب عمري ونفسي وبالنهايه مايبين بعينه شي ويتزوج علي او يطلقني ،، اقتنعت بالطلاق والعوض على ربي وواثقه بربي ماراح ينساني وبياخذ حقي منهم ،،، واشكركم خواتي من كل قلبي والله لقيت فيكم نعم الاخوه وانكم خايفين علي وانكم تحاتوني وانا صح كنت ارفع ضغطكم واسوي عكس ماتنصحوني لكن الحين خلاص فهمت كلامكم واستوعبته وان شاء الله ماراح اسوي عكس رايكم وراي ابوي لان انتم افهم مني ولا انا كان عاميني غلاه،، والخين طاح غلاه من قلبي ولله الحمد ،، اللهم استودعتك قلبي فلا تجعل به سواك،،

اخيرااقتنعتي ان زوجك مافيه خيرالله يحفظ لك الوالدويعوضك ربي ابن الحلال اللي يستاهلك

هذولا أوادم ؟ قسم بالله يا صحت صياح مره مقهورة و ردودك قهرتني أكثر ودي أمسكك و اهزك بس الحمدلله إنك غيرتي رايك و شفتي الصح

كفو والله عليك اللحين افتخري بنفسك و افرحي و هو باللي ما يرده إن شاء الله غير مأسووووووف عليه لا هو ولا أهله .. كل هاللي صار لك بأجره و الله أرحم بك من أمك .. ما تدرين يمكن الله يرفعك بصبرك منازل بالجنة ..

و أبوك يا جعل أبوك للجنة ..وشو الرجال كلهم عند أبوك ؟ هذاك اللي ما يتسمى ما يجي ظفره!! الله يعطيه لين يرضيه .. و يمتع عمره بالصحة و العافية .. و الله لو هذا أبوي والله لأبوس رجليه .. و لأحطه بعيوني و لأعيش حياتي و أنسى عشانه و عشان ما يتكدر ..

الله يعوضك يارب و يهدي بالك .. و يبلغك بعيالك و يفرحك فيهم

الله بنصرك عليهم وياخذ حقك منهم عاجلاً ليس آجلاً ويكتب لك اللي فبه الخيره لك ولعيالك ورددي اللهم آجرني بمصيبتي واخلفني خيراً منها

أخيراً جاء اليوم إلي أشوفك فيه كاتبه رد عقلاني يثأر لكرامتك ويحسسنا أنك بدأتي تصحي من غفوتك
وتري بعين واعية فداحة فعل هذا الزوج

خليك مع والدك وأمشي بمشورته ورأيه فوالدك رجل حكيم جداً وذو بصيرة وينظر للبعيد

الله يخليه لك ويسخرك له ويهديك للصواب

و الله العظيم إنه أبوك ( سيــــــــــــــــــــــــد الرجــــــــــــــــــــــال )
و مرررررررررررررررررررررررة يحق لك تفتخري به ..

فخليك فخر لأبوك ، و لا تكسري كلمته ..

.
.

أبوك ماشاء الله تبارك الله ،، رجال عن مليون رجال ..
حبيته و الله

و صدقيني ، هو عارف إيش بيسوي ..
و هو اللي بيرد لك كرامتك و هم كلهم بيكسرهم و يكسر راسهم

بس انت خليك مع أبوك و أمشي مع كلامه

ما حبيت أقرأ موضوعك و ما أدعيلك
يا رب فرج همك و يبعد عنك الظلام و أولاد الحرام
و يهدي زوجك و يرده لك ردا جميلا
عليك بالإستغفار و الدعاء و قيام الليل
و إن شاء الله ما يخيبك