السلام عليكم ورحمة الله وبركاته...
ياجماعه اخبركم عن اخر التطورات بالنسبه لموضوعي ومعليش تأخرت عليكم........
كل الي سار بإختصار ان الرجال ما إتصل الى الآن على الوالد... هالتصرف اشوفه طبيعي بالنسباله من خلال الي كونته عنه بشخصيته هو ولد معتمد على نفسه بشكل كامل ابوه مطلق امه و مهاجر من فتره طوليه جدا من هم صغار ربوه خواله كلهم في بيت جدهم الى ان كمل دراسته الجامعيه بعدها اشتغل بوظيفه كويسه مع انها غير تخصصه عشان تخصصه بغير المنطقه الي هو وامه فيها والحمدالله توفق وترقى بعمله.... بعد ماتوفت امه كان بالبيت لحاله حاولو معه خواله يزوجونه من بناتهم لاكن هو رفض ولما شاف ان هالشي يضايقم قاعد بالبيت لوحده وبما انه يشتغل نقل الى منطقه قريبه جدا من مدينتهم وفضل يكون بشقه اجار لوحده ولا إن احد يفرض عليه زواج قريباته من خواله لدرجة مايبيهم يعرفون انه قاعد يخطب حاليا الى قبل العقد بشوي عشان مايجرحهم(انا فسرت رفضه لبنات قرايبه عزة نفس عشان مايبي يحمل نفسه جميل خواله اكثر من كذا لان لو تزوج منهم رح يطر يسايرهم بالي يبيه والي ما يبيه) مع ان سكنه بشقه عوايل سارله حوالي 3 سنينولا اعترضو عليه اهل البيت انه عزوبي على حسب ما سألو اهلي ووصلهم بسبب ماشافو منه مشاكل بالسكن لوحده لاشلل ولا جمعات شباب ولا أي شي مشبوه ... كمان لما اخته طمنته ان القلق والخوف الي شافه مني مجرد حيا بنات ما اقنعه وحب يتأكد ان محد ممكن يأثر على موافقتي (فسرته كمان يبي وحده راضيه فيه لشخصه بإقتناع مو بضغط من احد ولا يرضى بهالشي لنفسه).. لدرجة انه حلٌف اخته بسؤالي شخصيا وهي مقتنعه بشكل تام انه حيا وبس توضحلي انه له رأيه بإلي يقنعه مو تابع لاخته بكل شي كنت خايفه انه من النوع الي يستشيرها بكل شي.. فكان مني اني اخلي امي تطمنها بس بدون الرد بالموافقه حصلت المفاجئه بانها طالبه الرد الفوري ولما شافت اسلوبي المتردد معها مو نفس اسلوب امي المقتنع حسيت لما تفاجأت بسبب انها اقتنعت بشكوك اخوها الي ما أيدتها بالبدايه.. ثاني يوم طبعا زي ماقتلكم اتصلت عليهابظهر الجمعه ابلغها موافقتي قالتلي خلاص رح ابلغه وباقي هو يدق على ابوكي ويتفاهم معه طبعا هنا انتهى دورها خلاص .. اهلي توقعو اتصاله بنفس اليوم وهذا انا كنت مستبعدته تماما لاني حسيت هالشخص ممكن يفسر بشكل اني مجبوره على هالإتصال بما انها بنفسها ألحت على المهله اسبوع كيف ثاني يوم ترد على طول بالموافقه قبل حتى 24 ساعه قد تكون ترقيعا منها لأن اهلها عاتبوها على الي سار البارحه بالمكالمه .. انا شخصيا ابرر عدم اتصاله بحاجتين:
الأولى... بإنه ما عمل اعتبار لموافقتي لثاني يوم فقرر تكملة الاسبوع إلي طلبته قبل مايكلم الوالد والبدء بالامور الأخرى..
الثانيه... قد يكونو بعد طلبي للمهله قررو بالإجماع الغاء الموضوع من اوله بما انهم التمسو عدم ارتياحي من خلال المكالمه يمكن كان اسلوبي يوحي بهذا زي ماقالتلي امي لاكن فاجأتهم بإتصالي وموافقتي قبل ان ينفذو ما اتفقوا .. فألغيت خطوتهم بدون ما أدري وينتظرون الفرصه المناسبه لتبليغنا................ هذا تفسيري والله اعلم .
المهم .. مرالجمعه والسبت مافي اتصال وكنا مقررين السفر نهاية الاسبوع قرر الوالد ان امي تتصل وتبلغها بسفرنا بدري عشان لو فيه شي يكونو عارفين وما يتفاجأون بالسفر ..
يوم الأحد دقت الوالده على اخته مافي احد ودقت نهار الاثنين كمان ما حد لاكن هي اتصلت لما انتبهت لرقمنا عندها وقالتلها امي اننا بنسافر لأهلى عندنا مناسبه ولاده وكذا وإذا في شي كلميني على الموبايل وهي كان ردها عادي جدا تروحو وترجعو بالسلامه والله يوفقكم وإن شاءلله تنبسطو وكذا..انا حسيتها مكالمه عاديه بما انه مالها دور بالموضوع لا بالحل ولا بالربط خلاص .. اما بالنسبه للوالده حست انها مكالمه بارده جدا مو مثل ماكانت متحمسه قبل والي خلى الوالده تشك اكثر ما سألتها متى راجعين فهمت من اسلوبها كأن في شي مخبيتو ما رح تقوله هي.. بدات الوالده تقلب وتحلل اسلوب الولد بشكه اني مغصوبه وانه يحلف اخته وكذا انه واحد دقيييق جدا بحياته لدرجة التحكم وقد توصل الى الشك .. الوالد شاف انه انطوائي تفكيره عملي بحكم طبيعة عمله حق شغل يعني يا أبيض يا أسود مافي حل وسط
وسبحان من يغير ولا يتغير .. انقلبة الآآيات عندهم رأسا على عقب
طلب ابوي يكلمني بخصوص ياخذ رأيي بتصرفه لو اتصل وهو يستبعد هالشي انه رح يأجل الرد يومين مهما كان يوم اتصاله سواء بالفتره المحدده او قبل او بعد ثم يرد عليه بالرفض وخلاص مافي نصيب... ما ناقشته كثير كل الي قلته مااشوف فيها غلط لو اتصل من هنا الى الفتره المحدده .. اما لو طلبنا بالتأجيل هذي مماطله مو حلوه منا بعد الفرصه الي طلبناها خلاص اذا ما اتصل نرد لهم الإسوره الي قدموها على الموافقه ونتهى.. نوعا ما كأنه اخذ برأيي
الوالده الآن وش اقول هي حاقده عليه حي كرهته مدري شافت مساوء الدنيا فيه بعد ما كان الأفضل كأنه الشاطر حسن على غفله.. سارت توصفه بإن ماعنده مسأوليه برده هو المتردد هو إلي دقيق ومن النوع الي يبحث بأدق التفاصيل .. صعب الإقناع والتفاهم ومن هالكلام وبالعكس طالما طلب الي بيرتبط فيها تكون متعلمه دارسه او ممكن تكمل معه مافي اي مشكله معه مطوره لذاتها اشوف غيررأيها..
سارت تقنعني بإني انسى الموضوع بعد ما كانت تقنعني فيه ..
انا بالنسبالي على نفس موقفي...بعد المده المحدده رح ارد بنعم او لا
ان حصل القرار منه بلا ففيه خير وصلاح للجميع.
وإن وافق.. الله ولي التوفيق.
هنا ترجع موافقتي لإقتناع امي وابوي فيه بهالمرحله... والله يعين..
بالحلتين مسلمه أمري وموكلته إلى الله الحمدالله الي مطمني اني حاسه براحه تامه ولله الحمد من عنده مو قلقانه من النتيجه ايش رح تكون مع اني مستعجله عليها اذا تأخرت اكثر من كذا رح تتعبني ابي ارتاح من هالموااال وربي حاسه هالاسبوع طويل بشكل على قلبي... مو راضي يعدي والله يستر
ياإخواني وخواتي الي بيكون عنده تفسير غير تفسيري او تعليق يطرحه بكل صراحه رح اتقبله لأني ما ابي غير الوضوح بهالمسأله..
07-08-2006, 08:34 PM
أسأل الله لكي التوفيق
ضوابط المشاركة
العرض المتطور