ملاحظه يجب التنبيه ان الارقام التي توضع هي بحسب معايير المجتمع والطبقه الماديه التي يعيشها الشخص

ملاحظة بسيطة:

طبعا المسألة ما ادري كيف يفهمها البعض..

يوم تجي الواحدة وتطلب مثلا 100 الف..من وين بيوفرها زوجها؟؟؟؟؟اكيد بيتسلف

وبعدها بيعيشون بقية حياتهم على الديون اللي ما بتنتهي

اعرف واحد تزوج باكثر من 100 الف مهر مع تكاليف العرس مع مدري ويش

راتبه 9 الاف وباقي للحين في ديون ماقدر يطلع منها...السالفة هذي لها حوالي 8 سنوات




يعني لو استكثر الواحد 50 الف..فما هو علشان انها ما تسوى المبلغ..


متى تفكر البنت انها بتتزوج اللي تطلب منه 100 الف وان مصيرهم واحد وانه يمكن يتدمر علشان هذه البداية السيئة

اخي بلعوم اسفه على مشاركتي مره اخرى



بس راح اقولك حاجه




مستحيـــــــــــــــــل راح تتفقون على سعر او مبلغ




لان الناس اشكال ومستويات




الغني الي بيعطي زوجته 15 الف راح ينقال عنه بخيل




والي على قد الحال ما راح يقدر على المهر الكبير




عشان كذا المناقشه ما راح تطلع بفايده لان كل واحد بيتكلم عن حالته ووضعه




وما نقدر نقيس انفسنا على غيرنا




اسفه مره اخرى....اختك,,,,,شوقي للحبيب

__________________

غلاء المهور من اسباب تاخير الزواج
لذا من الافضل ان يكون الامر بالمعقول
وهنالك عوامل اخرى مثل العادات والتقاليد لها دور في تحديد المهور

__________________
لكم تحياتي ...أخوكم حجي

الاخت ((شوقي للحبيب))

بالنسبة لمشاركتك اعتز بها..واسعد بكل اضافة للموضوع


وربي مو مسألة بخل ولا شي

ولكن نبغى منطق..شوية تفكير يا ناس

وين بتروح هالـمية الف؟؟؟؟

بتروح في اشياء ما بيستفيدون منها الاثنين

مين اولى بالفلوس: زوج المستقبل ولا الطقاقات؟؟؟؟
ايهم افضل: زواج سعيد ام جمع الناس على وجبة واحدة ينساها كل من حضرها ما عدا الزوج البائس المحمل بالديون؟؟؟


بالمناسبة..انا ضد الاعراس والطقاقات وهالخرابيط

عندك ميزانية 100 الف مثلا وناوي تضيعها..

واللي يرحم والديك لا تضيعها في العرس اللي ما بيضيف لك شي..

سو لك عزيمة في البيت متوسطة الحجم واعزم الاقارب

والباقي خذ لك اجازة ولف العالم كله اصرف لك

50 الف كفايه

رغم اننا مهورنا 100 بالضبط لكني غير مقتنع فيها حتى لو اني قادر على الدفع

__________________
مدري الوفا خصله زرعها الزمن فيك والا الزمن ياخذ خصال الوفا منك

انا عن نفسي يوم اتقدم لي زوجي , والدي ماطلب منهم شي قال لهم هذي بنتكم وانتو وضروفكم
طبعا لان العريس واهله من اصدقاء العائله
فكان المهمر تقريبا 4000$ والمؤخر 400$
وطبعا نقصت اشياء من مستلزمات العرس والدي الله يحفظه ماقصر
والحمد لله عايشين مرتاحين
وزوجي دائمن على لسانه : بس يتحسن حالي بعوضك ولا بخليك محتاجه شي
وانا متاكدة من هذا الشي طبعا ان شاء الله
اما بالنسبه اللي يطلبوا ويتشرطوا مبالغ خياليه
خلي بناتهم مكدسين جنبهم مثل البضاعه البايرة
اقسم بالله ما ارحم الى البنت اللي تتمنى الستر
بس الله يسامح الاهل
اختك ام مجيد

السلام عليكم


الموضوع حلو والردود أحلى


اما انا بالنسبه ليا

الحد الاعلى 50 ألف ريال ولا تزيييييييييييد ريال واحد





ومشكورين

__________________

بمعايير زماننا الحالي..
أعتقد 40 ألف مهر مناسب..
حتى تستطيع العروس تجهيز نفسها للزواج..أو تشترى شيء مفيد...
وحتى لا ترخص في نظر زوجها...
بصراحة بعض من الشباب ما يعجبهم العجب...
إن أهل الفتاة وقفوا جنبه..و خففوا في الطلبات و خفضوا المهر..
استرخص الفتاة و عاملها معاملة سيئة...وكأنها شيء رخيص ألصقه أهلها فيه..
و إن أكثروا في الطلبات و طالبوا بمهور عاليه...تباكوا و ولوا و طالبوا بتخفيض المهر و مراعاة أحوالهم.وسمعت قصة مرة واحد تزوج وطلب أهل العروسة مهر (ريالين فقط) وقالوا حنا نشتري الرجال ....ودارت الأيام وجا زوجها وبياخذها من زواج ....فتأخرت الزوجة شوي عليه ...فطلب زوجها من الحارس ان يقول بالمايكرفون (قل لام ريالين تطلع).....
طبعا الزوجة معروفة بين الناس ومعروفة قصة زواجها وأنواع اللي ضاع وجهها بين المعازيم ...وطلبت من زوجها يوديها بيت أهلها ...ويوم جاء يراضيها قاله أبوها(طلعت منت بكفو..ظنيت انك رجال ) وطلب منه مهر من جديد اذا يبغاها ترجع له ..في حدود ال 100 الف .. لاوفي الاخير طلقها....
*منقول*

__________________
تمـــتعتما يامقلتي بنظرة وأوردتما قـلبي أمـــــــر الموارد
أعيني كفا عن فؤادي فانه من الظلم سعى اثنين في قتل واحد

عليكم السلام....

رايي انه حسب امكانيات الزوج... يقدر يجيب مية الف بها ونعمه ( اذا كان مليونير ) اذا دخله الشهري 1500 ريال مثل كثير من شبابنا هاليومين اعتقد خمسة الاف ريال مهر كفاية ... مع الاستغناء عن الامور الاخرى التي تكلف اضعاف المهر مثل الذهب والشنطة والاقمشة....الخ واذا ما يقدر حتى على الخمسة الاف فيدفع اللي يقدر عليه


على فكرة كنت اقول مثلك .... بدفع اللي اقدر عليه والا اشوف غيرها ... ويم صار الجد .... ما قدرت اتراجع... واتسلفت وللحين اقسط... علما اني لسه ... ما دخلت


ملاحظة اخيرة: في كثير من الاحيان الاهل هم اللي يتدخلوا ويشترطوا والا البنت ودها بالعريس فقط ... وساعات تدخل الغيرة وفلان دفع وفلان ما دفع

لكن الاكيد غلاء التكاليف والمهور .... راح يكسر كثير من الظهور