بصراحه كل تصرفاتك خطأ بخطأ
اولاً مالك علاقه بعلاقته مع اخوك
يروح مايروح هذا شي راجع له ولالك حق تفرضي عليه هالشي
اللي يهمك علاقته معك انتي وبشهادتك انه ماقصر معك

ثانياً اي رجال غيره راح يسوي اللي سواه
وش اللي كل شوي تذكرينه بالسياره وتعايرينه فيها وتاخذين المفتاح!!
انتي المفروض من اول اذا عارفه نفسك انك من النوع المنان اللي ماينسى وش عطى لاتعطين شي احسن من الذله اللي معيشته فيه

وبعدين الرجال يقول لعياله ابي اسفركم يعني وين الاستفزاز في الموضوع ؟

راجعي نفسك يااختي واعرفي اذا استمريتي على هالحال راح يكرهك زوجك ويتركك انتي وسيارتك

المفروض الزوج يحسن علاقته باهل الزوجة و كذلك اهل الزوجة وهذي تقوي اواصر المحبة بين الزوجين

يا مرحبا و يا هلا و الله افتقدناك جدا
والف الف مبروك وصرتي ام
اخبار مفرحة جدا
تدرين انا حزنت معك و المشكلة متشعبة جدا
يبي لكم قراية و رقية واقري البقرة باستمرار اختميها كل يوم
وطنشي و تناسي اللي صار تماما
و تعلمي الصبر الصبر خليك انسانه باااااردة
و لا تهتمي لعلاقة زوجك مع اهلك خلاص
وتعالي قولي لي بعد شهر ونص ايش صار معك ❤❤
الشيء الثاني هو ليه ما عنده فلوس ؟ هل عليه قروض مثلا ! او راتبه جدا ضعيف !

حتى أنا اقول يبي لنا رقية .. تصدقين بعد الزواج صارت أمورنا معتفسة مرة .. قرب الزواج له شهر وحنا من مشكلة في مشكلة ..

أنا تايهة ماأعرف كيف اتصرف .. أطنش واتجاهل بس احس نار بصدري . ادخل غرفتي اخر اليوم واجلس ابكي .. اندب حظي ليش حظي كذا بالرغم من اني طيبة مع الكل ولا عمري أذيت احد وبالعكس وقفت مع الكل اهلي وزوجي وبالنهاية كلن يقول نفسي نفسي .. ليه بس..استغفر الله العظيم

ندمت على هالشي بس بعد ايش .. وصرت ارفض اعطيه شي وصار يزعل ويقلب الدنيا فوقي لانه تعود اني اعطيه..

على فكرة مشكلتي ماهي في السيارة واني امن عليه .. مشكلتي ليه هالتجاهل لي وليه هالمعاملة وليه متحكم ومتسلط وليه اذا رفضت له شي يقلب الدنيا فوق راسي .. طبعا اقصد شي مادي .. ليه يقطعني من اهلي ومايبيني ابرهم واعطيهم .. وربي صرت اخاف اطلب اي شي اخذه معي لهم اذا صرت بزورهم او شي .. ليش هالكره هذا كله لهم .. وليش انا المفروض اقدر اهله واوجبهم .. على فكرة لما تقول مافي شي مستفز في قوله لاولاده بنسافر الديرة لاهله .. لا هو قاصد يستفزني اولا لانه يعرف اني مااحب اروح ديرة اهله .. ثاني شي لانه يبي يوريني انه يحب اهله وانا لا المفروض ماأحب اهلي .. زوجي صاير مزعج جدا بأسلوبه معي ..

متابع وأتذكر مواضيعك السابقه ..
المشكله الرئيسيه بحياتكم بينك وبين زوجك واللي هي سبب كل اشكالاتكم .. تتلخص بمساعدتك الماديه له وشعور زوجك انه بحاجة فلوسك
هذا الشعور يجعل زوجك يشعر "بالضعف المعنوي" لأنه غير قادر على الصرف كما ينبغي لأن الصرف والقوه الماديه تعطي لصاحبها قوه معنويه وسياده وقوامه على من يصرف عليهم, ومن يقول غير ذلك عليه مراجعة نفسه
وطبعا زوجك يعلم ويقر في قرارة نفسه أنه هو المسؤول عن الصرف ولكن ضعف ماديته تجعله يتصرف معك تصرفات توحي بعدم اكتراثه بك أو بالحياة الزوجيه معك عشان ما تظني أنه بحاجتك
وهذا واضح جدا بدليل ان في كل اشكال بينكم يقول لك روحي لأهلك .. يعني بيوصل لك بشكل غير مباشر ان أنا ما تهمني فلوسك ولا انتي تهميني اذا وصلت المسأله للظن إنك الطرف الأقوى بالعلاقه عشان صرفك .

كل المشاكل اللي تصير بينكم ما هي إلا تداعيات للمشكله الرئيسيه اللي وضحتها فوق
انتي من جهتك بسبب فلتات لسانك عن الأمور الماديه وصرفك فيشعر هو بالضعف لما يسمع كلامك فيثور عليك
ثم تصير مشكله كبيره بينكم على سبب تافه ما يستاهل أساسا, والسبب هو التراكمات اللي بنفس كل واحد منكم على الثاني, ولو ما كنتي تصرفي أو لو كان وضعه المادي جيد كان ما صارت من الأساس أغلب أو كل المشاكل اللي صارت بينكم
لا تقول لي زوجي ما يحب اهلي
زوجي ما حضر زواج اخوي
زوجي يبغى ياخذ عيالي لاهله
زوجي يبغى يكشخ ويصير كريم على حسابي
زوجي كل شوي بيطردني من البيت
زوجي يعاملني بقسوه وجفا, زوجي زوجي زوجي ... إلى آخر المشاكل مع زوجك, لا تقولي لي شي من هذا كله .. هذه مثل ما قلت لك كلها تداعيات لمشكلتكم الرئيسيه
انتي في المجمل معدنك طيب وعندك تصرفات كثير حلوه مع زوجك ولكن فلتات لسانك عن الصرف تخرب أغلب الزين اللي تسوينه
وزوجك كذلك في المجمل معدنه طيب وعنده تصرفات كثير حلوه معك ولكن لما يشعر بالضعف المعنوي نتيجة ضعف ماديته بعد ما ترمي لك عليه كلمتين يفلت لسانه بكلام ما له داعي ويتصرف تصرفات تزعل وتخرب الزين اللي يسويه .
أتوقع بإذن الله لو تنحل الأمور الماديه لزوجك ويقوم بواجب الصرف كما يجب بتتحسن أموركم كثير للأفضل
ولو اني اظن أن هالأمر بعيد المنال نوعا ما لأن زوجك عليه قروض كثير .. هذا رأيي والله أعلم .

__________________

السلام عليكم
لا أعلم عن مواضيعك السابقة إلا مشكلة زوجك مع أخيك الأولى .

لكن في هذا الموضوع أرى أن بعض الأعضاء قاسين عليك بردودهم وأن الخطأ بمجمله عليك وهذا خلاف الواقع .

قد يقع عليك خطأ بعدم احتواء الموقف من بدايته لعدم حضوره الزواج درءا للمشاكل لكن زوجك يتحمل جزء كبير من الخطأ

ولست بصدد تعداد اخطاءه بمنته عليك وعدم اهتمامك بمواقفك الإيجابية تجاهه برأيي ( ماسك عليك عدم تحمل اهلك لك ) أو اخوك بغى ينفجع يظن اني بطلقك وهذه تحسب عليه مثلها مثل كلمتك مسكين الي بعض الأعضاء عادينها تحسب عليك

المختصر بالكلام

زوجك لديه إيجابيات ينبغي عليك حصرها والاهتمام بها والتغافل عن ما سواها وأنتي لديك إيجابيات ينبغي عليه أن يعرفها منك مثل موقف العشاء الأخير كان من المفترض أن لا يتجاهل تعبك على الأقل ينهي المشكلة أو يطيب خاطرك بكلمة ولا أعلم لماذا الاستمرار بالزعل
مشكلة زوجك اعتاد على وقفاتك المادية معاه وأن هالشيء واجب عليك شرعا مع أن الشرع يوجبه كزوج أن يكون مسؤول عن البيت وأهله ولا له حق بمالك إلا برضاك .

حياتك معاه محتاجة صبر وتأني مهما بدر منه لا تكثري معه النقاش ولا تخرج مشاكلكم خارج اطار البيت .

وفقك الله لما يحب ويرضى .

تدري ليه مايبي ينهي المشكلة ويظل زعلان يبيني أنا اللي يبادر واراضيه زي كل مرة حتى يملي شروطه علي .. يعني يبيني اجيه واستسمحه واطلب منه المعذرة وهو يشوف نفسه ان هو الصح وتاخذه العزة بالأثم ويبدأ يطلب مني اشياء ماهي مفروض علي اني اسويها ويصير المتحكم فيني .. وهذا اللي مخليني ماأبادر معه لهالحظة مع ان مر على خلافنا ال٣أسابيع وقربت شهر .. زوجي نفسه طويل وماتفرق معه .. بس أنا هالمرة نفسي بيكون أطول رغم اني ماأحب نعيش كذا لكن بتحمل وبصبر وبشوف آخرتها

رسمنا أحلام سوا .. وحلمنا بمستقبل معا .. تعاهدنا على الحب والعطاء .. وأن لايفرقنا إلا الموت .. حرام يضيع كل شي كذا في مهب الريح .. خسارة


أقسم بالله ماعندي مشكلة أفديه بروحي ومالي بس يقدر ويعاملني بإحتواء وحب..

ليش الكل يطالع فلوسك حبيبتي شوفي نفسك وحبيها ودلعيها وعطيها عشان غيرك يحبك ويعطيك ويدلعك
ليش تعطين فلان وعلان ماعندهم راتب انتي اذا عطيتي زوجك ليش يزعل اهلك واذا عطيتي اهلك ليش يزعل زوجك
بس تاكدي بتتعبين عشان ترضين جميع الاطراف وبياخذون وبياخذون ولا يشكرون وهل اذا احتجتي بيعطونك ومتى انتي بتعطين نفسك
انتي للاسف الدجاجه اللي تبيض ذهب للجميع وعلى قدر ماتعطين بيقلون هل من مزيد فلوسك خليها لك انتي من تعب عليها زوجك اذا ماصرف عليك بيدور اللي يصرف عليها لان الرجل بطبيعته يحب انه يكون المتصرف ويعطي المرئه
انتبهي النفسك اختي