انا معاك بكلامك .. بعضهم يشوفني سلبي وبعضهم يشوفني طيب وما احب المشاكل ..

لكن انا مو راضي بفكرة الطلاق عشان الهرب من كلامهم او نظراتهم انا افكر بالطلاق لاني اعطيت بنتهم كل الي اقدر عليه وما نفع معاها بشي .. حتى عمتي لما تطلب مني مشوار و اروح لها اشوف سياراتهم كلها موجوده وما اقول شي بالعكس ما قد رفضت لها طلب وما احب ارفضه لها .. وبالاخير يمنعوني وقت المشكله من اني اشوف بنتي شهرين كامله !!

ليش يا اخي ؟!! ليتهم على الاقل سالوني على طول صدقوا كلامها مع انهم ما اشافوا مني شي غلط طول 7 سنوات ..

لكن قول لي كيف اغير شخصيتي ؟

هذا طبع فيني ما احب المشاكل .. والي يقول عني شي او يغلط علي احب اخذ حقي بيوم الحساب واستفيد منه هذه فلسفتي في الحياه .. لكن بجد تعبت كل ما افتكيت من واحد يطلع لي واحد ثاني واحصل سكين بالظهر جديد ..

اخوي وليد لاتظن ان زوجتك او اللي حولك يشوفونك طيب هم يشوفونك ضعيف وشتان بين الضعف والطيبه
يااخي حتى بالدين ( المؤمن القوي خيرٌ وأحب إلى الله من المؤمن الضعيف )
لازم تتعلم انك ماتجامل على حساب نفسك
لازم تعطي نفسك حقها من الكرامه والرفعه لانها تستحق ذلك
يااخي المجامله او الصبر لكسب الاجر له اوقات فـ اذا كان الصبر او المجامله تضرك فـ ماتسمى طيبه تسمى ضعف
ولازم تفكر بغيرك اللي راح يتضرر من ضعفك مثل بنتك واهلك
فـ لازم تعيد ترتيب حياتك من اول
ارجع بيتك اذا الى الحين مابعته وحل مشاكلك مع اخوانك
اعطي زوجتك مصروف يتناسب مع راتبك فـ مثلا راتبك 7000 فـ المفروض مايتعدى الف باي حال من الاحوال
اما مشكلتك الاخيره فـ لازم تضع حد ولاتقول اخذ حقي في الاخره لان هالموضوع مايخصك لحالك يخص حتى اولادك واهلك وهالسمعه اللي لو انتشرت راح تضر بالجميع
واللي اشوفه انك تكون حازم مع زوجتك وتخليها تثبت براءتك قدام اهلها وانها كذبت عليهم ولاتتواصل انت مع اهلها ابدا خليها تطلعك من هالكذبه مثل ماورطتك انت لان مهما حاولت فـ ماراح يصدقونك وخصوصاً انك ماحاولت تدافع عن نفسك وقتها واكتفيت بالسكوت واللي اثبت صحت كلامها

مو هي عارفه وشايفه اسلوب كلامي معاها متغير حتى اكلمها من غير نفس وربي ..

وسع صدرك .. واعلم انه الشيطان يريد ان يفرقكم ..

لكن فعلا مثل ما قال اخوي الوحيد. واجهه ..

لا تراكم بقلبك ..

وفيه شيء فعلا نتركه ليوم القيامه ذخيره لنا ..

لكن في بعض الاحيان يجب ان نقاتل حتى نأخذ حقنا او نثبت براءتنا

انا ارى ان الموضوع موضوع شرف .. يجب ان نقاتل ونواجهه حتى ندافع عنه

لكن فكره الطلااااق انسااها .. الغيها

واكثر من دعاء الهم والحزن . واستعذ دوما من الشيطان الرجيم

__________________
أعلل النفس بالآمال ارقبها .. ما أضيق العيش لولا فسحة الأمل

والله العظيم اني طابع ادعيه وهي جنبي بالمكتب .. وكل شوي اقرا منها .. والمشكله مو قادر اوصل لاخوها ولا هو راضي يسمع مني .. ولا هي راضيه تقول الحق ..

عشان كذا انا ابغى اعرف ايش اسوي عشان اخذ حقي ؟؟

هذى فيها تشويه لسمعتك وزوجتك هي السبب كيف تطلع اسرار بيتها وتتهم زوجها وتشوه سمعته
قدم بلاغ ضد اخو زوجتك ووضح اتهاماته وزوجتك لاتتواصل معاها حاليا حتى تحل موضوع التشويه

بعدين يااخوي ليش ال5000الاف ماادخرتها
وانت عارف ضروفك
المفروض انت فاتح احساب مااحد يدري عنه وكل شهر حط فيه مبلغ وقدره
مو تعطي زوجتك كل راتبك وتقعد صفر
لاانت اللي امنت مستقبلك ولااللي استاجرت بيت واثثته

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

مع هذا الرد انتبه لنفسك وأمن مستقبلك ومستقبل بنتك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

يا اختي انا ما ابغى مشاكل معاهم خصوصا ان بيننا بنت .. ومستحيل اقدم بلاغ وشرطه .. انا الحمد لله متوكل على ربي انه راح يبين الحق .. وصدقيني راح يبان .. لكن شايف الموضوع استغفر الله العظيم طول .. وماصار شي .. عشان كذا كل يوم عن يوم اتعب زياده .. وكل الي ابغاه ينحل الموضوع بيني وبينهم .. لكن هم مو راضيين حتى اكمهم !!

ومن ناحية مصروفها لما كنت اعطيها الـ 5000 كنت اعطيها بطيب خاطر وعشان ما احب اظلمها .. وحاب اشوف زوجتي احسن الناس .. والماده بالاول والاخير ما تهمني .. ارضى القليل الاهم عندي أهلي وبس ..

ايش هالضعف اللي فيك
انا وانا بنت لو فيه احد حاول يمس كرامتي وسمعتي امسح فيه الارض

بكرا لبنتك كبرت وش بيقولو عنها ابوها كان ......
وسكوتك اكد للجميع انه السالفه صح



يعني عشان ماتضلمها تعطيها راتبك
طيب ويش الثمره اللي شفتها
هل قدرة واحترمتك وحافظة على بيتك وسمعتك
هذى الضعف بيعينه يااخي قوم وانهض واخذ حقك بنتك وخل بنتك بكرا تفتخر فيك وتسند ضهرها عليك

اعتذر اذا قسيت عليك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

طيب يا اخي ممكن تخبرنا شلون راح تنحل هالمشكلة لوحدها ؟؟ الله جعل القذف والاتهام بُهتاناً من اكبر الجرائم وأعطانا توصيات للتعامل معها فلازم تتوكل على الله طبعا لكن تعمل الي عليك.. للزم تطلع شوية من عالمك المثالي وتتعامل كما ينبغي، انت امام اتهام خطير وللأسف هو من طرف زوجتك! وكما ترى الكل مصدقين.. هل تعتقد ان اخوانها بيصدقونك ويكذبون اختهم؟؟ لازم تتصرف باي طريقة كانت وتخلي زوجتك تتراجع عن اتهامها،،

انت بافكارك المثالية وفطرتك الطيبة ترى نفسك حليم ومتسامح وتقدم تضحيات و و و لكن في المجتمع ومع من يتعامل معك ابتداءاً من زوجتك، تعتبر انسان ساذج/سلبي/مستسلم.. اسمع كلام اخي الوحيد وغير من نفسك شوية الزمن مايبغاله استسلام بحجة التسامح والطيبة والا بتتعب..


الله يعينك بصراحة زوجتك خربتها زيادة ليش الوحدة تطلع امور خاصة جدا لاهلها شو بتستفيد

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم