آنه مع مسز داني و لماذا نتزوج...

راح اقول لج شغلة ، تدرين إن السياقة تستهلك أعصاب السائق ؟!
آنه بيتنا في محافظة و أهلي في محافظة أخرى
بين المحافظتين في وقت الإزدحام العادي نصف ساعة
ووقت الإزدحام الشديد جداً ساعة
ووقت اللي الشارع ماشي بدون زحمة آخذ لي في الطريق ثلث ساعة
تمام ؟

تدرين هالثلث ساعة إلى ساعة شكثر تستهلك أعصابي ؟!!!
😅😆 اعصب لدرجة ودي انزل من السيارة اكفخ اللي جدامي..
بسبب رعونة البعض في السياقة و بسبب الإزدحامات
وبسبب اللي ما اعرف شلون اخذوا الليسن وهم ما يعرفون يسوقون...

فما بالج بـ 4 ساعات .. مع ذلك حلو انه يوديج كل اسبوع بطيب نفس
لكن اشماله النوم بعيد عنه ...
هو طول الاسبوع يشتغل عالأقل في الويك اند يبيج معاه..
روحي بيت اهلج بس ما له داعي تباتين
ما عليه لو بالشهر مرة مثلاً
بس كل أسبوع تباتين هناك احس وايد..

__________________

حاجة الناس إليكم من نعم الله عليكم ، فـ لا تملوا النِعم ☁✨

وبالنسبة حق إن ما يبي اخوج يحضنج..
هالشيء اللي عجزت افهمه بصراحة!!!
لأن زوجي أيضاً نفس الشيء بس مع خوالي
ما يبيهم حتى يمزحون معاي باليد ..
ما ادري شلون يفكرون!

__________________

حاجة الناس إليكم من نعم الله عليكم ، فـ لا تملوا النِعم ☁✨

احيانا يا مسز مايداوم العصر .. ونطلع فيها ونغير جو .. وكل شي عادي .. مبسوطين .. بس يصحى الخميس ويبدا شغل النكد .. مع ان يكون الاربعا طلعنا مع بعض !
ان شاء الله حخليها مرتين او مره .. انا ماكنت اقوله اني انبسطت .. كنت اقوله يومي بدونك مالو طعم .. يقول لي كذابه شوفي ابتسامتك من اذن للاذن .. أقوله هذا لإني شفتك يعني تبيني اكشر بوجهك ؟
مع انه منكد علي طول هاليومين وانا استقبلته بابتسامه مو بنكد ..

.. طيب انا ايش اسوي .. كيف برضيه .. حقترح عليه بالشهر مره وامري للله .. شكراا لك ..

يا اخي انا ماكنت كذا .. بس هو جبرني على هاد الشي .. لان طقيت ومليت من هالموال اسبوعيا ..
فكرة اروح لهم شهريا عجبتني .. عشان بس ارتاح من مواله .. ويكون الموال مره بالشهر .. لاني ادري ماحيبطل نكد الا اذا قطعت أخواني ..
شنو المنطق بنظرك؟

__________________
-

فأجبر خَاطري .. بفيّض نعَمك ❤ ....

يااه يازين من زمان عنك 🌹🌹🌹

شوفي يمكن صحيح كلامكم عالسواقه .. ماكنت افكر بهاد الشي يكون متعب لهم .. والحين تفهمت الامر ..
بس النوم صدقنيني يمكن 5 مرات او 6 مو اكثر .. اصلا حتى لو مانمت ورحت رجعت .. يكون هاد مواله مايتغير ..
اذا أسبوع مارحت .. واخوي يكلمه يقوله ليش ماجات .. يقوله وش تبي فيها خلها تحلل ايجار البيت تقعد فيها 😅 .. او يقولهم ماتملون منها ؟ انا انا مليت منها كيف انتو ؟
وبخصوص السلام .. احسها حاله نفسيه .. صرت اخاف اذا احد من أخواني قرب يسلم او يمزح .. لان ياما صارت مشاكل بسبب هالشي .. والمشكله أخواني مايمزحون الا اذا زوجي موجود ! واذا قلت لهم بطلوا هالمزح يقولوا زوجك نفسيه

__________________
-

فأجبر خَاطري .. بفيّض نعَمك ❤ ....

كيفك سموره

سموره صراحه عاتبه عليك
خبري فيك ذكيه

لاتزيدي النار حطب
طبعا كل التصرف اللي قلتيه يزيد الغيييره
طبعا انتي الطرف المتضرر

قللي الحطب واستمتعي بدفئ النار بدون تحرقك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

اهلين بتوتي 🌹

مو بيدي 😓 .. كنت اعدي هالامور بكلام بمعامله بابتسامه .. وتمشي معي .. وزعله مايدوم يعني ساعه ساعتين بعد رجوعي وبعدين الوضع عادي .. يعني من صبح الخميس الى عصر السبت احنا اعداء وبعدها يطخ 😅.. بس مليت والله من اللي يصير كل اسبوع .. نفسي اروح وانبسط من قلبي وماقعد افكر ببزعله واكل بنفسي ..
الحين قاعده أدق عليه مايرد ومسوي لي حظر

__________________
-

فأجبر خَاطري .. بفيّض نعَمك ❤ ....

لالا مانبي الموضوع يعدي نبي نحله
طريقتك مافادة معناها موهي الطريقه اللي تناسب زوجك
زوجك يبغا مدح ولما تكوني عند اهلك ارسليله كذا مسج مدح فيه
وتفنني بالكلام ومدح رجولته
واياااااااااااااك تقربي من اللي يثير غيرته
من كلام ووصف انك سعيده مع اخوانك
هو يشوف انك تفضلين اخوانك عليه
سموره هذى يدل على انه يحبك ويبي وناستك كلها معه
موتروح لغيره
هذى نمطه ياسموره.
افهميه افهميه
وبتزين حيياتك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ااه يا توتي ذكرتيني فيما مضى بخصوص المدح .. مره كنا معزومين انا وزوجي عند اهلي .. وقبل مانوصل مدحته ومدحت شكله وكل شي .. المهم وصلنا واخوي باستقبالنا .. قلت لاخوي بعفويه حركات طالع وسيم .. مع انه كان عادي بس مدري شلون قلتها .. ومانتبهت زوجي وراي .. حسيت شكله تغير .. حاولت ارقعها بس ماضبطت معي .. والعزومه كانت على اساس نتغدي واقعد عندهم لصباح السبت .. وهاليوم تغدينا ومشينا وقالهم ان عنده مشوار ضروري وصعب يخليني ويروح .. وطقها زعل اسبوع والاسبوع اللي بعده ماخلاني اروح لهم ..

انا والله مو مقصره بمدحه ابد ابد ..يمكن عيبي الوحيد اني اذا دخلت بيت اهلي انسى شي اسمه جوال .. احيانا انسى اطلعه من شنطتي الين تجي امي تقول لي وين جوااك زوجك يدق يقول ليه ماتردين .. وأعتذر له يقول ايه نسيتيني ويقعد يعاتب واقوله اني ناسيته ماطلعته من شنطتي .. بس مافي فايده .. انا امدحه اقوله كلام حلو بس اذا رحت ييت اهلي يمكن انسى شوي .. ان شاء الله اخذ بنصايحكم ..

__________________
-

فأجبر خَاطري .. بفيّض نعَمك ❤ ....

يا سمورة لو تعرضي مشكلتلك على عدة شرائح من المجتمع وعدة الوان من العقلبات انا متأكدة الغالبية تجمع على خطأ روحتك لأهلك كل اسبوع .
الوضع الطبيعي حسب المسافة الي بينكم تروحي مرة كل شهرين وصدقيني مش كثير وهيك بتقترحي على زوجك ينام معكم وتروحوا مع بعض لانه اعملي حساب المسكين كل ويكند بسوق بين ذهاب واياب 16 ساعة هل هذا معقول ؟ هذا سفر والسفر بحتاج تأهب واعصاب وانتباه لانه مسؤوليتكم كلكم هو حاملها وهو سائق والله لو انا محلك ما برضى زوجي يسوق 4 ساعات وبنفس اليوم يرجع نفس المسافة بخاف عليه من التعب والطريق وبعد يومين نفس الموال وبرتاح ٤ ايام وبرجع لنفس الموال ابدئي اقلمي نفسك كل شهر وبعدها طوليها لشهرين وصدقيني مشكلة حب التملك الي عند زوجك بتخف
انت امام مشكلتين مو مشكلة وحدة
افصلي بينهم لانك بتقولي زوجك دائما كان يغار من اخوتك معناته عالجي هذه المشكلة وتكلمي معه وخذي موقف بدون تصعيده للطلاق .
ومن جهة اخرى انت امام مشكلة مع نفسك انت بحاجة تجلسي مع نفسك وتراجعيها
مهما خرجتوا ومهما جلستوا خلال الاسبوع ما هو نفس الشيء
انت قاعدة بتضيعي ايام كثيرة الاحرى تعيشوها كزوجين مع اطفالكم من خروج ونزهات وواجبات اجتماعية واستماع ببيتكم باسترخاء مع بعض(زوجك وصلك رسالة لما قال لاخوك.خليها تحلل احار البيت ) هو مستثقل روحتك لكن قاعد بوفي بوعده الك لانه رجل وعند كلمته ما شاء الله عليه، والمفروض ييجي منك القرار مو على شان غيرته ،لا انما على شان كثير ومبالغ بيها روحاتك لاهلك ،ومرهقة لزوجك وخطر عليه السفر الله يسلمكم .
ونهاية الاسبوع الي الواحد خلالها بكون مسترخي من اعباء العمل بحب يقضيها مع احب الناس لقلبه وانت اخترتي اهلك ولو ما رحتي لاهلك ما كان هو راح وقضى اليومين مع اهله .
راجعي نفسك وصححي قناعاتك بدءا بعدم اخذك بعين الاعتبار تعب زوجك ساعات وساعات على مقود السيارة وانت شايفتيها مسافة قليلة او مو كثيرة و نهاية باعتبار سويعات بين شفتين عمل كافية للتواصل مع زوجك ولممارىسة حياة زوجية كاملة بجميع مفاهيمها .

كله كوم و الاخوان اللي يبررون بالسياقه كوم ثاني ! ترا 4 ساعات مو بعيد كلها من الدمام للرياض مثلا ، وبعدين على كلام سموره انه حتى قبل لاتروح ينكد عليها يعني مو سبب السياقه ابدا ،!
حاولي تصلحين امور بيتك وتكونين حازمه معه لانه دامكم عيال عم صعب الطلاق ولا له داعي ..