اخوي تزوج قبل ست شهور، ولما ملّك أخوي، قال لأبوها وين تبون نحط الزواج بأي قاعة، قال مهنى قاعات، يالله جهز نفسك بعد شهر وناد أبوك وأخوانك، وأنا بنادي أخواني وعيالي، ونذبح لنا ذبيحة، والحمدلله.

طبعاً أخوي أنصدم بالبداية ولا قال شي، لأنه متوقع زواج كبير، المهم تواصل مع البنت، وأيضاً هي مؤيدة لفكرة أبوها، واللحين متزوجين.


الفكرة تعتمد على العائلة اللي أنت خاطب منها، ومدى تقبلهم، يمكن نقاش ذلك معهم، وبالتوفيق لك يااارب.

__________________
ياصبحِ لاتِقبل !!
عط الليل من وقتك..

فرق بين أن تكون مبادرة تخفيض تكاليف الزواج من أهل البنت .. وبين أن تكون بطلب من الشاب الخاطب.

وحتى عندما يبادر أهل البنت بهذا فيفترض ألا يكون إلا مع خاطب يعرفونه جيداً ويدركون أنه يستحق.



لكن يدق باب الناس ويخطب بنتهم ويقول والله ما عندي استعداد أدفع إلا خمسين!!!!

ويا ليته حتى مبلغ مقنع ومنطقي!

__________________


اللهم طِيبَ الأثر .. وحُسْنَ الرحيل.

لو سمحتي يا ام سلطان ركزي
الخمسين مو لها ! الخمسين ترى فيها الاثاث بعد اللي هو له اصلاً
وفيه بعد شهر العسل اللي هو بيسافره
وفيها خرفان العرس اللي بيجيبها
يعني هي صافي اللي لها يمكن رُبع هالخمسين بس

السؤال المحيّر فعلاً .. ليه شخصنة الدين على حسب المواقف اللي بتخدمني انا بس ؟
ليه في المهور والزواج وحقوق البنت وفرحتها لازم هي واهلها يقدمون التنازلات لأن هذا في الدين والشرع و و و !
لكن في الامور اللي تخصه هو لايمكن تتقدم هالتنازلات ! مثل ما المهور الميسره مطلب ترى اظفر بذات الدين مطلب ! ماعمري شفت واحد يفكر يخطب وهدفه فقط ذات الدين ! وين التنازلات روح اظفر بذات الدين وطالبهم بالمهور الميسره !
وانا اشوف اكثر ما في البيوت ما اعرسن الا الملتزمات ..

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

فاهمة فديتج .. وعشان جذي قلت إن المبلغ مب منطقي!


وصراحة ما قدرت أحسب الصافي لها .. لأني أساساً ما قدرت أحسب كيف ممكن يقسّم الخمسين على كل البنود اللي ذكرها!!

__________________


اللهم طِيبَ الأثر .. وحُسْنَ الرحيل.

قلتى اللى بنفسي الله يسعدك ..
يبغون وحده على مواصفاتهم و صفات مميزه و بسعر رخيص ..!
اللى يبغى مهور ميسره فيه و كثييير جدا لكن للجاد
مو للى يتخير و يتنقى ..

كان مهري 30 الف رغم ان مهور خواتي50 الف
ولم نشرط حتى حفلة زواج وهو بادر بها وشاركناه النصف
وماكتب بيننا نصيب

ماعلينا الفكرة اذا اهل البنت راضين يتعاونون يتنازلون براحتهم
اما انه يحط في باله زواج يكلفه فقط50 الف هذي بخل
وبصراحة ليش يتزوج وهو زعلان وماله نفس زواج؟؟
وماله نفس تكاليفه

يمكن الرجل أمكانياته ماتساعد، ترى زواج بخمسين ألف مع مهر مع مع يعتبر مكلف للغاية على شاب، وتقولون ليه الشباب مايتزوجون وليه البنات ماتزوجن!
ترى فيه دول كثير أسلامية المهر فقط ذهب ، أو مبلغ رمزي أو غير ذلك
مو منطق الرجل يتقطع علشان يدبر فلوس للزواج
الزواج الميسر خير وبركة
أنا لا أتحدث عن نفسي فقد أدفع مبلغ كبيراً
لكن أتكلم بشكل عام
المبالغ التي تدفع سواء في الزوجة كمهر أو قصور الزوجات أو شهر العسل أو تأتثيث الشقة أو غيرها قاتلة على كاهل الشاب العزوبي وتجعله يعيش في دوامة من القروض ويؤثر ذلك على حياته الزوجية، وفوق هذا إذا كانت الزوجة ماتستاهل ولا تعرف إلا أكل الشبس وشرب الببسي البارد!

ترى هذي مأساة لا أحد يدركها تواجه الشاب وتمنع من الزواج
عقبات خلفها عقبات

أعتقد لو بحث راح يحصل، هناك من يريد فقط رجل بمعنى الكلمة لبنتهم، وباقي الأشياء تهون.
لو كنت مكانه ركزت على الأشياء الأساسية وهي تجهيز الشقة بشكل لائق
البحث عن مصادر تمويل تقطي قيمة المهر الذي يحدد بالاتفاق مع العائلة وعلى هذا الاساس يناقش أبو البنت وكيف أنه يرغب بأن يكون المهر قليلاً، وأعتقد أن عشرين ألف أمر معقول ومقنع.
شهر العسل لايلزم أن يكون في المالديف، من الممكن أن يكون في أي مكان حسب الاستطاعة.
والأهم البنت تكون واعية وعاقلة ، وماتناظر لفلانة وعلانة وزواجهاشهر عسلها ومادري أيش

__________________
ياصبحِ لاتِقبل !!
عط الليل من وقتك..

حفلة الزواج كثير مايسوون او شيء بسيط جدا ام واخوات العريس واهل العروس فقط .

مشكورين جزاكم الله خير كل من رد وردت
باذن الله بحصل مرادي
بالنسبة للخمسين الف انا اشوف انها مناسب للمهر واثات بيت من غرفتين كافية وانا حاسبها لكن المشكلة من العرس اذا قدرت الغيه يوفر علي جامد
والا يقول بخل ترى والله مو بخل بس ما احب ابدأ حياتي بقرض لا ابدا ابغى تمشي حياتي ميسرة واكون مرتاح مو اجلس اسدد في القروض
ومين ما يبغى الستر والراحة

ممكن تفصل لنا كيف حسبتها. ارجووووك

__________________