رحت زيارة عند اهلي ومن هناك طلعنا انا وأختي واخويه اللي بـ الابتدائي نتمشى تقريبا من الساعة 4 العصر ورجعنا 11 الليل رحنا السوق بعدين رحنا المطعم وآخر شيء رحنا محل قريب من عندنا نلف ونشوف ايش عندهم واشترينا اشياء وطلعنا ..

وزوجي اتصل ع جوال ماما كذا مره يبغاني ،وهي قالت له اني مو في البيت وهوه زعل وقال لما تجي خليها تتصل عليا ولما اتصلت عليه قعد يصرخ ويغلط ويقول انتي داشرة وايش عندك بالشوارع لآخر الليل و ليش ماخذين اخوكم الصغير هاه علميني ايش عندكم ؟ وقال انو اهلي مو عارفين يضبطوني انا وأختي وأول ماقال كذا قفلت الخط ع وجهو ؟؟؟؟ قلة حياء الا اهلي خط احمر ما ارضى احد يتكلم فيهم
والمشكلة يتصل ع جوال ماما مو ع جوالي ولما قفلت الخط بوجهو صار يتصل وماما تقول ردي عليه مانبغى مشاكل مع زوجك وقلت لها مابغى أرد عليه وزعلت عليا وصارت تغلط بدل ماتوقف معايا فـ اضطريت اني أرد وقعد يخاصم ويبربر لين شبع بعدين قفل الخط 😹😹
بس كلمة داشرة دي صراحه مقدر أعديها ؟ ايش قالوا له لما يتكلم عليا كدا ويغلط في تربيتي ؟ حسسني اني روحت أرقص بالشارع ولا اعاكس الشباب مو رايحة أتمشى ؟ قال ايش !!
ايش عندك علميني ؟ ايش المقصد من أنكم تاخذوا اخوكم الصغير ؟؟! وإني دااااشرة ؟؟؟
ايش اسوي عشان اادبه ع دي الكلمة واخليه يعرف حدوده معايا ؟؟؟؟؟


حلت الرد 30
http://66n.com/forums/showpost.php?p...9&postcount=30