لا تلوميني اختي الفاضله ماني على وضعي الله يكون بالعون.
الله يوفقك بالدنيا والأخرة يا رب.

فيك تطلب منها تطبخ اي شئ لك
و اذا ردت بنفس الرد اسالها التالي
و لما نصير ببيت واحد هل رح تتعلمي من شاني او ما استاهل
تتعلمي الطبخ لاجل زوجك

ااذا الرد واحد فالبنت بايعه مو شارية
حابة تظهر انها قوية و انها لا تتنازل
و الكرة بملعبك انت
داخل و عارف طينة اللي تعيش معها
و هذه منافع الملكة التعارف و اكتشاف الاخر اذا يناسبنا ام لا

يعطيك العافية على ردك

انت الصادق هاذي منافع الملكة بعض الناس ما يشوف زوجتة الا وقت الزواج بعد الملكة في النهاية حالة طلاق لأسف الملكة تعني الكثير بالنسبة للتعارف والأنسجام بين الطرفين.

ان شاءالله تتسهل في الأيام القادمة

هي قالت لك ماتعرف تطبخ عشان

ماتطالبها بعدين بالطبخ الصراحه

أشوفها متمرده البنت بداية الزواج

تكون مندفعه للزوج وتلبي كل طلباته

وتسمع كلامه لكن زوجتك العكس شوف

أنت وش تبي إذا بتتعايش معها بإسلوبها

هذا لأنها واضح إنها مو ناويه تتغير

أو شوف الي يصلح لك .

__________________
الحمدلله حمدا جزيلا ...

شاكر لك على ردك

لأسف ولا مرة استجابت لي بنفس طيبة

ما نقول الحمدالله على كل حال هذا قضاء الله وقدرة
ناس تدور الستر والأمان ..... وناس تدور لذة الحياة وشهوات وفي نهاية تندم اذا طاف القطار وتقول يا ليت اليوم يرجع لو دقيقة وش سويت في نفسي.

الله يوفق الجميع بما يحبة ويرضاة

اخي الكريم اسال الله لك التوفيق

بالنسبة للطبخ وغيره لا تاخذ كلام البنت محمل الجد هذا من باب الدلع زوجتي نفس الكلام وبعد الزواج من احسن ما يكون في هالمجال .

لا تركز على القشور ركز على اللب الدين الاخلاق الاحترام التفكير

لا تقدم على الزواج قبل الاقتناع 100% حتى لاتندم

فنبة التغير بعد الزواج لاتتعدى 3%

اقعد معاها وفهمها كل نقاطك ، تخوفاتك ، واسمع لها ... قولي انا احب كذا وكذا وكذا ، وبعد الزواج فكرتي بتكون بكذا يعني عطها نظؤة مستقبلية لحياتكم شلون بتكون من ناحية العمل ، الحياة الزوجية ، السفرات ...

شوف ردها وردة فعلها وهل هل مستعدة للتغير من اجل حياتكم المستقبليه ؟ ..

مشكلة اذا فيه بعض البنات يكون مضغوط عليهم للزواج فتشوفها تعمل عكس صفاتها فقط ( عشان تطيح من عين خطيبها باالتالي ينسحب هو بنفسه من نفسه ! ) شفت هالنماذج وللاسف ما ندمت ! ما ندمت الا لما تدبست بانسان لا اخلاق لا دين ... تاكد من هالجانب ، ولاتستعجل ... ا

اشهر نصيحة منتشرة عندنا احنا يالبنات هي : لايدوي زوجك انك طباخة
ليه مدري ..
فيمكن هي جالسة تطبق هالنصيحة بحذافيرها

السلام عليكم اخوي
وفقك الله واختار لك الخيره الطيبه الاعضاء طبعا ماقصرو ..
انت جاي مندفع وتتكلم بغضب واندفاع ولكن خذ نفس عميييييق شهيق مع الانف واخرج الهواء كله من الفم ثلاث مرات نتخلص شوي من الضغوط .. الان نتكلم سيرس اخوي انتا طرحت كم اشكال مضايقك وهذا لابد ان يحدث حيث ان التوافق 100٪‏ هذا لا يحصل ابد
ابيك تحدد نقاط غضبك من زوجتك بوضوح وتراجعها بذهنك هل تستحق كل هذا الزعل والخوف والتوجس من المستقبل ؟ لا طبعا اهداء وناخذ الامور برويه
اولا طلعتها الاسبوعيه لخالاتها وعماتها اشوف انه من صلة الرحم عن نفسي اذا ماشفت خالاتي اسبوعيا اموت ههه لازم نجتمع وزوجي قبل كان رافض ومع العشره صار هو يقترح علي هاه اوديك الامر عادي صلة رحم وانتا اذا تأكدت خلو هالجمعات من المفاسد والاختلاط عادي مافيها شيء وتقدر تكلم زوجتك انو مو كل اسبوع انك انتا تبيها عندك وماتقدر تستغني عنها يوم .. كلام لطيف وهي بتروح فيها مو كلش لازم نظهره بالجد والقوه في الف طريقه وطريقه لايصال مانريد بشكل محبب مقبول للنفس
الامر الاخر الحفلات اعرف ايش نوعها قبل اصدار الحكم اذا لابأس بها ف حلو كنها زياره عاديه صح
الامر الاخر الوظيفه هي اشترطتها اخي الكريم اكيد لك رأي فيها ولكن خلك لين بالبدايه وهي ماراح تعمل الا اللي يرضيك من ناخية الاختلاط فهمها انه مرفرض رفض تام وبس لاني اغار عليك يا زوجتي الحبيبه
لا تخبيء مشاعرك الجميله وتظهر الاخرى عديمة الجمال
الغطاء ايضا ناقشها بحزم تتغطي يعني تتغطي ... وبس
الطبخ انا تزوجت بالجامعه ماعرف اسلق بيضه بدعم من زوجي الحبيب وبرغبه مني لاسعاده لاني احبه يمكن الان اسدح مفطح من السناعه ههه وعلى فكره قلت لزوجي ماعرف اطبخ قال نتعلم انا واياك خلاني اتحمس اتعلم على انه اقشر عقب الزواج ههعهه وطلع كله كلام هههه
ونصائح الصديقات كووم ثاني لا تطبخين والله ان يكرفك لا تبين حبك له خلك ثقيله لا تعطينه وجه وكلها دافع الغيره وتاكلها العروس كلها وكلنا وقعنا فيها وطاحت بروسنا بس بعدين تتضح الصوره وانو زوجي يستحق والصديقات محد بنافعني ونصير فل الفل ...
فممكن زوجتك معبى رأسها
المطلوب منك الان انك تجلس معاها جلسة مصارحه
تحضر بدون هدايا ولا شيء تكون صريح وجاد
تقرل ي فلانه انا ابغاك وانتي عاجبتني ودخلتي قلبي ولكن بخاطري امور نتفق عليها عشان تمشي الحياه بين محاسنها اول وقد ايش انتا سعيد ب ارتباطك فيها وعقب اسرد عتابك كاااامل وقولها عن حاجتك العاطفيه واسألها اذا ترغب فيك زي ماترغب انتا فيها لان اذا مالها خاطر فيك فكأنك تنفخ في قربه مشقوقه فهمها على كل شيء وان شالله تنحل اموركم ولازم تحكي معاها عشان يتضح كل شيء حلك الوحيد هو مصارحتها

بالنسبه لامها واضح انها شاريتك وهذي علامه حسنه اذا الام تبي لبنتها الستر فراح تسنعها وتعدلها ومافي بنت وراها ام صالحه الا وتتعدل غصب اما اللي امها متكبره ومتسلطه هذي اللي مافيها رجاء

__________________
أستغفر الله العظيم واتوب اليه

سالفة إنهم كذبوا عليك من البداية هذي تكفي تعطيك مؤشر بعدم الارتياح ..

كل شيء ولا الكذب !!

__________________