الله يجزاكم خير
............

سبحان الله عندهم فلتين من أرقى الفلل وبأرقى الأحياء وسيارات وجميعهم نساء ورجال وعددهم كثير موظفين بوظائف مرموقة ماشاء الله .. الله يوسع عليهم ويزيدهم
مع ذلك طمعانين ب 800 ريال من راتب والدي - رحمه الله وطيب الله ثراه - والراتب قليل جدا وضعيف جدا !!
واحنا سيارة لا نملك !! ولا مصدر دخل !!

اترك التعليق لكم ..

طيب وضح لنا
كم عمرك ؟ ومستواك الدراسي ؟

ليش ما ادور على وظيفة ؟؟

حااول تنسااهم وتنسى افعالهم و ركز مع امك وخواتك
لهم رب يحاسبهم
انت حاول تشوف لك شغله وربي بيرزقكم

بس لازم تهتم بنفسيتك وتحاول تتناساهم .. اعتبرهم ماتوا او ما عندك اهل
وابدا حياتك من الصفر ... وباذن الله يجي اليوم اللي هم يجون لك

استمر بالدعاء .. الله يكون بعونكم

وصلت رسالة من عمي تنافي ديننا الحنيف والأعراف والتقاليد والقيم والإنسانية
الرسالة تقول :
ابي حقي من بيت أبوي
وفيها سب وشتم لوالدتي الكريمة -حفظها الله-
وتهديد بأنه ماراح يتركنا نتهنى بحياتنا
وإلخ من الكلام الباطل

اللي ماقرأ الموضوع بالكامل : البيت والأرض بإسم والدي وماحطوا فيه ولا ريال واحد بدون مبالغة فعلاً حق وحقيق ماحطوا ولا ريال واحد ولا مسمار واحد وهذا واضح من الصكوك ومن كلام والدي -رحمه الله وطيّب الله ثراه-
بالإضافة أنهم لم يصلوا والدي عندما كان حي (صلة رحم) وكان يوقف معهم بكل صغيرة وكبيرة وكثير ما مرض منهم نساء ورجال كان والدي يتكفل بكل شيئ ويوقف معهم للرمق الأخير عندما يتشافون إلى درجة عنده استعداد والدي للتبرع لهم بأعضاء جسده
لكن هم مافكروه فيه ، مرات يجيهم يطلب السيارة لمشوار أسري ضروري ويرفضون مايجون يسلمون عليه اهملوه إلى أن تسببوا في احتضاره ولم يزوروه أيضاً بالمستشفى بالأيام الأخيرة وتركوني أنا صاحب الإمكانيات الضعيفة وصغر سني لا سيارة ولا مال أجري ورا موضوع أبوي ماخليت شيئ إلا سويته إلى أن استشهد رحمه الله رحمة واسعة وأدخله الفردوس بلا حساب آمين

( كنت أزور والدي بالعناية المركزة ويذبحني منظر المرضى الآخرين متمجعين عنده الجماعة كلهم وأنا لحالي ! )
لكن الله عليم بصير بكل هذا

أما والدتي فلها الفردوس الأعلى من الجنة نظراً لصبرها على أذيتهم طول هذي السنين
رغم أخطاءهم المستمرة والقوية والتي لا تغفر إلا إننا لا يوجد منا أي ردة فعل
حتى نستر عليهم لا نخبر الناس بحركاتهم
مع ذلك مستمرين بالأذية وبدون سبب !

أنا صراحة كنت اسمع قصص وأقرى بالنت وكلنا نقرى بس زي ذولي أنا ماشفت للأمانة
واحمدوا ربكم على النعمة اللي أنتم فيها إذا عندكم أعمام كويسين قولوا الحمدلله


اترك لكم ع التعليق ع الرسالة ... !
والمرسل عمي من جوال زوجته إلى جوال أمي .. !

مع إنه لا يوجد تفاعل بس بعلمكم بآخر المستجدات
تواصل شيخ (كاتب عدل) مع عمي وكلم عمي بخصوص المماطلة بالتوكيل وأمور الراتب
والأيتام ذابحهم الجوع وإلخ

شوفوا تمثيلية ومسرحية ودراما وكذب عمي واترك لكم التعليق
عمي قال للشيخ أول شيئ عطاه مقدمة إنه مريض وكذا (كذب) عشان يكسب استعطاف الشيخ
ثم بدأ قال للشيخ والله أمي قالت لي إن مالها شيئ من راتبهم وإن لها شيئ فهي متنازلة وأصلاً مالها شيئ
أما بالنسبة لولد أخوي فهو دايم مقفل جواله < كذب من العيار الثقيل
لكن نبي حق أمي من البيت عشان تبني مسجد لأخوي < هم ما اهتموا بأخوهم وقت يحتضر بالمستشفى حتى زيارة مازاروه .. ولم يهتموا بموضوع سداد دينه حتى يرتاح ف قبره .. بيبنون له مسجد ؟ هههههه استغفر الله العظيم !

واتفق الشيخ قال خلاص أنت تجيني ولد أخوك يجيني بالمكتب ونتفاهم ..

تعليقي على الموقف : إذا إنت داري إن مالها شيئ ليش ماقلت لي الكلام هذا يوم أكلمكم يومياً واشكيلكم حالنا ب وقف الراتب ؟؟؟؟
وليش ماسويتو لي وكالة دام مالها شيئ من الراتب بخصوص الراتب عشان يمشي وعشان يسقط قرض والدي رحمه الله ويرتاح بسداد دينه ؟؟؟؟؟؟؟
واحنا بمدينة وانتم بمدينة ولا عندنا ولا ريال ولا عندنا حتى سيارة وانتم على علم بذلك ليش المماطلة وتقفيل الجوال وماقلت لي الكلام هذا الي قلته للشيخ
وبدم بارد بعد محاولات وكلام طويل بيني وبينك تقولي تعال سافرلنا ونزل اوراقك رغم ان شرحت مرة ومرتين لا يوجد سيارة ولا مال !!!!
أحب أنبهكم على شيئ يا إخوان ..( أنا لاحظت إنهم يخافون من الناس أكثر من خوفهم من الله .. ويقدسون المديح من الناس أكثر من ذكر الله لهم عند الملائكة !! )