هالموضوع مترددة في كتابته من يومين احيانا اقول ابغى حل واحيانا اقول الوضع عادي انا ابالغ وراح يتغير مع الوقت
اولا راح اتكلم عن شخصيتي انا احب اطلع واسولف واتعرف مو اجتماعية مره بس ما احب الوحدة مرره اتعب

احب الجمعات العائلية مع اهلي عماتي خالاتي احس ارواحنا وشخصياتنا قريبه من بعض

مع زوجي الاحظ سوالفنا قليل وخاصة اذا طلعنا خرجة
علاقتي مع اهله وجماعته حلوة
لي سنه ونص متزوجة ما اعرف جيراني

اكثر زياراتي لاهل زوجي احصل اخواته احيانا هناك او سلفاتي واذا مره كثرة اروح لهم مره بالاسبوع هم كمان بيطلعون يبغوا يجتمعوا مع بعض عندهم اشغال مو حلوة كل يوم والثاني وانا عندهم
جماعته زياراتي لهم قليلة ما اعرف ليش اقول يمكن عندهم اشغال او يحبوا اللي يجيهم عند اهلهم
وجمعة البنات الكبيرة مؤخرا سرت اتعذر منها ما شاءالله ازعاج ما احسني انبسط ما احب الجمعات الكبيرة مره
يعني اغلب وقتي بالبيت على التلفاز او الكمبيوتر وزوجي يحب يطلع كثير
اقوله كلم جارنا قوله الاهل بيزورونكم بيتعرفون على اهلك يقول يمكن ما يبغوا احد يجيهم واعذار ثانيه
اللي بعيدين عن اهلهم كيف متأقلمين نفسي اتعرف على ناس كثير بمنطقة زوجي ازورهم ويزوروني مو شرط من اهله