الوضوح يجعل من حولك يحترمونك.. شغل اللف والدوران ماينفع.. وبعدين افرض انها ما اقتنعت ورفضت وتعللت بعدم وضوحك من البداية وكبرت المشكلة وحصل طلاق؟؟ مالعمل حينها ؟!

اتذكر رجل فاضل ملتزم لله دره خطب وكان واضح جداً حتى في أموره المالية.. وقالها بصريح العبارة أنا رجل لا أستطيع تحمل تكاليف باهضة .. عندي مهر متواضع وحفل زفاف متواضع.. ولا أريد أن أشق على نفسي ولا أشق عليكم .. رضيو به وزوجوه وكانو نعم الأسرة وابنتهم نعم الابنة والزوجة.. الخلاصة: الصدق منجاة وشرطك مباح وخوفك غير مبرر له أبداً ...

طيب لو هم ماتكلموا عن موضوع الوظيفة وحصل الزواج بدون شروط مني او منها.. وش رايك؟هل اتكلم بموضوع الوظيفة؟

لا أخي ما يصح ..
دام إنت في بالك إنك ماترضى أبدا أبدا إن زوجتك تتوظف ..
فلازم تكون واضح من البداية ..
ولا تعشمها وتقول لها لو احتجت مساعدتك في المصرف وغيره بسمح لك تشتغلين..
ولا تعشم نفسك إنك بتفهمها وتقنعها بعد الزواج وإنها من حبها وعشقها راح تقتنع ..
شكلك ماقريت المشاكل في المنتدى إن الزوجة تصر على الوظيفة بعد الزواج وحتى مع وجود الشرط في العقد ..
من البداية ابحث عن واحدة لا تطمح بالوظيفة وبين لها رفضك التام ..

بالنسبة للعصبية .. شكلها عصبيتك زايدة عن حدها لدرجة إنك تخاف إن هالنقطة تاثر في قبولك كخاطب .. أقول الله يعين اللي بتاخذها .. من الحين حاول تهذب نفسك وتسيطر على عصبيتك .. وإلا صعب تتوفق في حياتك وتعيش مرتاح ..

طيب ليش الحريم صارت تبي الوظيفة ولاتبي تتفرغ للبيت رغم ان الرجل امره الله بالصرف عليها
لذلك لماذا تخالف الشرع وتتوظف.. الله سبحانه حرم على نفسه الظلم اذا اشتغلت انا واشتغلت هي راح اصرف عليها وفلوس تكنزها لمن لو افترضنا جدلا انها توظفت..وانا هنا لااقصد اني ابي من اموالها شي لاسمح الله..لكن استغرب الشرط هذا..بالنسبه للعصبيه شكلك فهمتيني غلط انا مو للدرجه هذي عصبي لكني شخص لست ببارد واهلي اذا بغوا شغله تخلص وصوني عليها لني انجزها بسرعه.. ليست عصبيه بل اكثر الى رجل احب كل شي يكون صحيح ولا احب الدخول في التوافه ابدا..ممكن تقولين دقه قديمه..حسب راي بعض الناس والبعض الاخر يراها عصبيه

وحياك اخي الكريم
المسألة ليست لائق وغير لائق .. الموضوع ان أمر مثل الوظيفة تكون واضح فيه من البداية
لانك لو ما تكلمت وقلت رغبتك هذه ... احتمال كبير انهم يسبقونك ويشرطون هذا الشرط في العقد
وتحصل كثير ترى ... وصارت عُرف عند أغلب الناس تجنبا للمشاكل مستقبلا يكتبون شروطهم في العقد
يعني مو حلوة اذا جاء الشيخ يسأل عند كتابة العقد هل بينكم شروط يفاجئونك أو تفاجئهم بشروط
ما خبرتهم بها مسبقا ..
او ما تتكلم وبعدين تقولها ..يمكن ماتتقبل هذا الاسلوب وتقول انت ماوضحت هذا الامر
خلك واضح وصريح اريح لجميع الاطراف .
موفق ان شاء الله

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

المشكلة اخوي مو انك ماتبيها تتوظف..

المشكلة انك ماراح "تسمح لها" تتوظف الا اذا كان موضوع وظيفتها يخدم مصالحك

مثل ما انت تبي.. بنت الناس بعد تبي

مافي شي اسمه تفرغ تام للبيت

حتى لو ماكانت تشتغل.. في اهتمامات وهوايات وعلاقات اجتماعية

عقد الزواج شراكة وليس تمليك

السلام عليكم اخس الفاضل

كنت سألتني على العصبية

هدي ما اراها خصلة بعد اللي تفضلت فيه

العصبية و الهواش شينين و هدول الصفات تذهب الوقار

فحاول تهدي من حدة طبعك

في ناس يخوفوا من كثر دذوؤهم و اللين ما كان في شئ الا زانه

و بعدين العصبية بتبين ضعف الشخصية عند صاحبها فمن الاحسن انك تحاول تروض نفسك

موفق اخي

تقصد دقه قديمه

ام دقه صارمه ومشدده

ارى في كلماتك صلابة الرأي وقصر النظر

وطلباتك متضاربه مع بعض

هونها وتهون

لا تضيق عليك الحياه

وعيشها صح بفكر واعي وناضج

اختصر عليك المشوار وحدد اكثر

يا ابيض او اسود ولا تخلط بينهما فتصبح رمادي


كان الله في العون

__________________
وهل من مصير اخر ؟

مين قال تخلف؟

الفرق ان هالاوروبيات اللي تتكلم عنهم اختاروه ما اجبروا عليه..

والامريكيات لهن نصف املاك الزوج وقت الطلاق.. مو تصير حرفيا بالشارع اذا تطلقت مثل عندنا

مصالحها واحتياجاتها هي اللي تحددها مو انت ولا اهلها..

المهم في الموضوع خلي شرطك تحت الضوء من وقت ماتخطب وقبل العقد.. لو ماتكلمت عن هالموضوع قد تكون خلقت مشكلة حتى قبل زواجك

شرطك مباح والخداع لايجوز

والنتيجة شوفهم اغلبهم صديقات وشريكات وينجبون بدون زواج . وكثيير منهم سحبو على صديقاتهم وعيالهم.. فقط لأنو فيه شراكة في المليكات و الحريم هناك يتمنون الزواج من اصدقائهم. لكن رجالهم ما يبون.. والحين كثيير من رجالهم صارو ياخذون الاسيويات لما رأوه منهم من اخلاص وطاعة للزوج .. وكثثير صارو يتزوجون بالصينيات والماليزيات لأن علاقة المرأة بالزوج تقريبا مثل ما هي عندنا.. وليست علاقة مساواة !!