السلام عليكم

نعم منزل اهلها يبعد تقريباً نفس المسافة حتى بيت اهلها مو قريب من دوامها بعيد

يعني لو تحسبها بعقلها نفس الغربله مستمره حتى لو حصل لا سمح الله الطلاق المشكله مستمره معاها

بس انتقلت من بيت زوجها الى الدوام

تصير من بيت اهلها الى الدوام

مسألة بقائها عند اهلها صعبه عليها وهي عارفة ان نظامها بيتلخبط لما تروح لهم انا لما اسافر ماتروح تنام عندهم وعندها دوام لان اهلها ماعندهم سواق وخواتها يوديهم ابوهم الصبح والظهر يرجعهم واحد من اخوانها

فلازمها سواق يودي العيال للمدارس ويوديها للدوام ويرجع يتغدى والظهر يرجعهم لو عند اهلها بتتورط بين مدارس العيال ودوامها

وسبق جربت مانفع نهائياً زحمة الرياض والتأخير عليهم فهي مقتنعه ان افضل حل اقعد ببيت زوجي

قلت لها روحي لاهلك تقول مانيب رايحه الا كاني مطلقة لا وبعد ما تنتهي العدة بعد

ابو حكيم الله يجزاك خير انا شلت فكرة الطلاق من راسي حالياً

انصحني كيف انسف فكرة الانتقال جنب دوامها من راسها مابي امسحها او انسيها ابي انسفها نسف خلاص تنساها

هل تشوف شخصيتي ضعيفه معاها ياخي كثيرين يقولون لي

نعم اجعلها تبقى في بيت أهلها فترة كما قال ابو حكيم طالما أن سلوكياتها بهذه الحدة وتدرج في الحلول وابتعد عن الطلاق

السلام عليكم

كما ذكرت للأخ ابو حكيم ترفض الذهاب لأهلها وتريد البقاء ببيتها حتى لو طلقت تقول سأبقى الى ان تنتهي العدة

تقترحون اكلم ابوها

ابوها رجل طيب لكن لو مثلاً ذكرنا له موضوع انها خرجت دون اذن

يسألها اخرجتي بدون اذن زوجك تقول نعم يقول خطأ مايجوز تطلعين دون علمه بهدوء وبرود

ثم تقوله بس كلمته واتس اب ولا رد لانه حاظرني او اتصلت مارد علي يلتفت علي ليه مارديت عليها

هي غلطانه وانت غلطان معقوله يعني ؟؟؟ اللي اعرفه ان لو مارديت مفروض ذوقاً ماتطلع سواء برسائل او اتصال او اي وسيلة كانت

هالردود تجنني وانت تكون متوقع ان ردة الفعل تكون ولو مارد عليك حرام عليك تطلعين دون اذنه تلعنك الملائكة وعيب عليك مو كذا ربيتك هذا المتوقع ممكن من محيطي فاهمين علي

الا كانه يقول هالكلام بعد ما اطلع من مجلسه فهذا كلام ثاني لكن انا علي من الظاهر

جا ببالي اطنش واخليها تصيح وتنوح من الطريق والدوام واقولها قريب بس باقي شوي وشوي بعدها شوي الى ما تخلص 5 سنين

-




ابي أعرف وظيفة زوجتك بعيدة يعني خارج عن منطقتكم الي ساكنين فيها
والا بعيدة بس في نفس المنطقه

__________________
استغفر الله وأتوب إليه

كلامك الطيب لولدك له اثر ايجابي اكيد ان شاء الله .. لو هي ماتأثرت علي الاقل الولد يحس بالمشاعر الطيبة بين الابوين .. لان اكثر مايتعب الابناء .. شجار الوالدين ..

بصراحة اخي اشوف مشاكلكم ماتستاهل الطلاق وتفكيك اسرة .. يبيلها بس تفاهم .. انت ترخي شوي وهي ترخي .. تحاولون تتكيفون مع الوظيفة وبعدها عن المسكن .. مع الوقت تتعود .. لو تدري انا مكان عملي يبعد عن بيتي بالسيارة ساعة كاملة .. وانا اسوق .. يعني ساعة الصبح وساعة الظهر احس اني بتكسر .. لكن مع ذلك لا انوي ترك وظيفتي.. وزوجي تقبل رجوعي متأخرا مع انه يرجع قبلي .. لكن هذا باب رزق وماودنا نسده . . احتجنا الي تنسيق وتنظيم حياتنا من جديد وسارت امورنا رغم التعب والصعوبات وبعض التقصير .. لابد من التغاضي احيانا ..
وانت حاول تخغف من العصبية والحدة في الكلام .. وشيل الحظر عن الواتس ..

اختي الكريمة اقسم بالله اني ذقت الأمرين من بداية زواجي وصابر والله على ما اقول شهيد ولكن كل تضحياتي تقابل بمزيد من الدلع ومزيد من الطلبات للتوضيح

تزوجتها قالت اهم شئ اذا حصلت وظيفة ماتمانع وشرطتها بعقد النكاح ووافقت

بركز على المشكله واطرافها واترك الامور الهامشية

بعد ماتخرجت من الجامعة بدات المشاكل بوقت فراغها الكبير

قلت نجيب طفل يلهيك ويملى البيت رفضت وقالت ابي دبلوم انجليزي ادرس علشان القى وظيفة اسرع

كانت تداوم صباح فجأه ابوها دبر لها وظيفة ادارية لكن مو بمركز رئيسي كانت قريبه من البيت وظيفة على بند تقريبا ربع ساعة عن المنزل او 20 دقيقة بالكثير

طيب والدبلوم ؟؟ قلت اتركيه خلاص قالت لا ماتركه بحول حصص مسائية

يابنت الحلال حرام عليك مسائي يعني من 4 العصر الى 8 بالليل

شيل وحط معها اتركيه احسن لك لاتتعبين عمرك قالت لا وألف لا احتاج الشهادة علشان لاجا الترسيم يزيد راتبي وكان المتوقع الترسيم يكون بعد سنتين

دخلت ابوها بالسالفة كلمته واجتمعنا تكلمنا وتفاهمنا مايصير ارجع من البيت ما القى زوجتي وطلعت زعلانه من المجلس اكلم ابوها اقوله شوف الاحترام رجال يتفاهمون وتطلع ولاطقت لا لك ولا لي اي احترام

قالي اصبر كلها سنتين وتخلص بغمضة عين وعلشاني لاتخربون حياتكم علشان سنتين قلت طيب

تحملت ارجع من الدوام مو موجوده بالبيت قلت بكيفها هي اللي بتتعب مو انا وكانت تروح بباص للدوام الصباح
وسواق اهلها يرجعها الى ما انحاش سواق اهلها من كثرة المشاوير

كلمتني وقالت احتاجك اوقف معاي طقيت الصدر وقلت ابشري صرت ارجعها بالليل من المعهد

سنتين يا اخوان ويا اخوات وخلصت السنتين وجا ترسيمها

خلك بمكانك رفضت نصحناها وأبت الا بنقل هناك يابنت الحلال بعيد ياعمري بعيد عليك قالت بصره عادي اتحمل

ثم اشتكت ان الباص متعب وانا ماتحمل وانا حامل جبت لها سواق وشرينا سيارة كلها انا متكفل بها

بعدها اشتكت ان السيارة قديمة ومتعبه وتطقطق بالحمل الثاني لأن عيالي الحمدلله جو ورا بعض بينهم سنتين فقط

وشريت سيارة اقساط جديدة وكاله وهي اللي اختارتها وااقرفتنا بصديقاتها الله لايوفق صديقاتها طلعت بتغير السياره مو علشان حمل ولا علشان زفت علشان متفشله من صديقاتها مع ان سيارتها كانت انوفا خاصة بالمشاوير والسواقين الان السواق يسوق احسن من سيارتي

قالت البيت لازمه خدامه توني مستقدم لها من 4 شهور مضت خادمة فلبينيه علشان لارجعت تلقى البيت نظيف وتطبخ براحتها والخدامه تقوم باللازم من شغل البيت

وش تبوني اسوي اكثر من كذا اذبح عمري يعني ؟

اما تقولين لي ابي ننقل جنب دوامي يا نشتري بيت يا تستأجر لنا شف لك حل ماعندي حلول خلاص استهلكتي كل الحلول اللي عندي ونفذت كل طلباتك اول

هذي الاحداث من بداية زواجي بها الى هاللحظة

انا غلطان مفروض من اول قلبت الدنيا وخربتها اقل شئ نفترق دون عيال برقبتي

اشيل هم عيالي لا شافوا العيال مع اهلهم بالالعاب او بالسوق الا هم اقول يارجال اصبر اصلا عادي الحياة ماشية

بس تعبت انا سويت كل اللي اقدر عليه الى هالنقطة وانتهى ....

للمعلومية بعد ماقالها ولدي بابا يقول احبك الحمدلله ارتحت ان ولدي من صوته مرتاح لكن هي ردت وقالت مايهم خلاص قفل

ثم ارسلت رساله تقولي الناس ماهي عند رغباتك وشهواتك وطوعك متى مارضيت قلت احبك مابيها

تحسبني ميت على العلاقة ونهاية الاسبوع بتقرب ابيها اخر اهتماماتي هالشئ الآن

كلامها صراحة يقهر لكن لا تطلق... خلك جاد وحازم قولها مسألة اشتري بيت عن طريق البنك شيليه من بالك وهذا اختيارك وتحملي ولاتخلي لها مجال تفتح النقاش كل ماتجي تفتحه سكتها والا قولها خلاص استأجري لنفسك بيت جنب دوامك وانا بأتزوج واجيب لي حرمة تسكن معي في هذا البيت قولها ماني صغير تمشيني على مزاجك انت اخترتي وانت تتحملي اختيارك ...

المشكلة الاساسية في زوجتك
مو اول مره تسمع كلام الصديقات حتى لو نقلت او قطعت علاقتها مع صديقتها
بتجي وحده ثانية تأثر عليها

بعيدة نفس المنطقة مثلاً : من غرب المنطقة الى شرقها

ينقل للقسم الانسب

__________________

‏
الوعي هو الملاذ ..

أستغفر الله العظيم ؛
( الفردوس غايتي )