يارب يااااااارب تكون فترة وتعدي ويرجع كل شي تمام
ياخاله اخاف اقول لها كذا تعتمد وما عاد ترجع او يشوفون انو عادي فخلاص وشو له يرجعون اذا كان عادي عندنا
يا عمو انا ما رحت هذاني معهم وبعدين لا تنسى ترا لو علي ما وافقت هما اللي
نشبوا لي الا اوافق هما اللي ما يبوني مو انا

زهره ..
انا مراتى سابتلى البيت كتير وانا كمان سبت البيت .. مافكرناش فى عيالنا ساعتها..
ساعة الغضب الانسان بيفقد القدره على التفكير السليم ..
بعد كده الانسان بيشعر انه مايقدرش يعيش من غير نصه التانى ..
مش علشان بيحبه لا سمح الله .. لكن دى عشرة عمر ودم امتزج بينهم ورابط انتوا اوله واخره ..
سيبيهم شويه يرتاحوا من بعض وبعدين ترتاح منك ومن لماضتك
حاترجع يازهره بس ماتستعجليش عليها ..

ابتكلم معك عامي اريح لك
انتي كتبتي الموضوع عشان ملفات سلبية مكركبه بعقلك وجيتي ترتبينها
يعني انت عارفه ان الموضوع بياخذ مجراه سواء رجعوا او _لا لاسمح الله _
طيب وانت وش دورك؟
انت تاخذين دور الابنة فقط يعني انتي ينخاف عليك مايخافون عليك(هذا ااشعور الي بتولدينه عندهم)
تعيشين اليوم كما كل يوم وممكن تدعين اصدقائك لك والاقرباء والاهل وتخلين اخوك يعزمكم كلكم عندهم
يعني استمتعي نطي اعملي بالبيت باربكيو
هنا انت
1_ ماتتعرضين لضغوط التفكير لما لا قدرة لك على تغييره
2_ ومن جهة اخرى تحركين مشاعر الوالدين بالافعال التي اشرت اليها دون اضافة حرف واحد
3_لايدب الرعب على افراد الاسرة
4_تقربي اواصر المحبة
5_ييشعر الوالدين بمدى فداحة الخطا لانهم بهذا يفاضلون بين قيمة الخلاف امام قيمة الاسرة التي بنوها كل هذه السنين
(كلهاوقت وبتضحكون على بعض ههههه)

__________________
الحمد لله..اللهم صل على محمد و ال محمد

التفريغ المنهجي

هذاني سكت وبأسكت ما بأقول ولا شي
مع اني مو مقتنعه وسكوتي ما بيجيب نتيجه لاني اعرف اهلي زين
طول ما انا ساكته بيظل الوضع مثل ماهو لازم اسوي انتفاضه عشان يصير اللي ابي
ومع ذالك بجرررب اطلع منها واسكت
بس اني أمثل انو عادي واطلع واروح واجي هاذي اللي ما اعرف اسويها
يكفي إني بأنطم
اعرف ان اللي مكتوب بيصير سواء رضيت او ما رضيت
وهذا اللي قاهرني انو ما بيدي شي ولا راح اغير شي
اي يا عمو دايم يتهاوشون وتروح ماما وترجع هاذي الحركه عادي مو هامتني متعوده عليها
بس هالمره غير زادت بالحيل >_<
واتوقع انها خلاص ما عاد وراها رجعه كل المؤشرات تدل على كذا
الله يعين بس

بروح بعد شوي عند ماما
ويمكن أنام عندها
لأني طفششت اخوي ما يبي يذاكر
والشغاله التافهه راحت ماما من هنا وقامت تستدلخ من هنا
سبحان الله فجأة ما صارت تعرف تسوي شي
رفعت ضغطي وربي شكلي بطلع حرتي فيها
من غير شي ودي اكفخ احد

مساؤكِ بشرى فرح تغمر قلبكِ أختي الصغيرة ..
بالعكس تحدثي مع ماما وأظهري كل مشاعركِ إتجاه غيابها في البيت حتى تحن ..وأنا متأكدة لن تأتي زهرة وإلا بيد الماما ..
ومتأملة بأسلوبكِ ..
لاتصمتين ..من حقكِ أن تُعبري عن كل مشاعركِ ..
وخذي معاكِ عشاء تلطيف للأجواء أو أي شيء تحبه ..
وبشرينا يازهرتي ..
الله يجبر قلبكِ بكل ماتُحبين ..

ووين أبوكي ؟
خليها الشغالة لا تشتغل أحسن ... الرجال يفكر حاله اذا جاب الشغالة يعني خلاص زوجته مالها دور .. غابت وللا حضرت واحد والشغالة موجوده تسوي كل حاجة.... خليه يحس بأهمية أمك

روحي عند أمك وريحي ..

__________________

رحت لها مثل ما قلت عادي جداً ولاااا كأن شي صآر
ما تكلمت ولا فتحت الموضوع نهآئي
بعدين جتني ماما تقول أختگ تقول إنگ ما تكلمين أبوك ولا تردين عليه
قلت لها أيه ما أكلمه وهزئتني ليييين قلت بس
لازم أتهزء كل يوم اتهزء ندمت إني رحت عندها
ليتني أنثبرت بالبيت گان أزين
وش دخلك بينا أيه صح وش دخلني أجل تصافو وحدكم دام وش دخلني
والله مالي شغل بأحد يبوني بس أتدخل بمزاجهم في اللي يبون
هو يبيني أطبخ له عشان ما يحب الشغاله تطبخ والله ما اطبخ ذا اللي نآقص
وهي تبيني أنتبه لأخوي وأذاكر له والله ما أذاكر له
دام مالي دخل يصير بكل شي مالي دخل مو بشي أيه وشي لا
يبوني أسولف معهم وأرد طيب بس تنفيذ طلبات مافيه
علي بنفسي وخلاص
أصلاً الشرهه مو بعليهم على اللي تحبهم
خلوهم كذا أحسن بالطقاق
لو ما يتصالحون طول عمرهم
ما بأموت قهر ولا بتوقف الدنيا
الأنانيه حلوه بعض الأوقات اااه ي تسبدي والثانيه ذي رايحه تعلم وش سويت وش ما سويت
مسويه نفسها عاقله مع نفسگ انتي وعقلك
والله ما عاد اكلمهم كلهم اللي يبيني يجي يكلمني هو مو انا اراكض وراهم
رفعو ضغطي ما بيشيبني غيرهم
عائله كلها نكد نفسيات

انتي مو دايمه لهم ... كم شهر وللا كم سنة وبتتزوجي ... لازم يرتبوا أمورهم ويوزعوا مسؤولياتهم بينهم هم وما يعتمدوا عليكي .

لكن انتبهي حبيبتي من الغلط .. وتحمليهم ولا تغلطي على حد منهم .

__________________

ما بأغلط عليهم حدي ما ارد إذا كلموني هذا اكبر شي ممكن اسويه
وبعدين حتى لو صار وغلطت عليهم ما بيخلونها لي بيعلقوني مع قفاي