مبتعثة حبيبتي

والله اول الايام كنت وايد اتضايق بس كنت ادعي وايد لما حملت قمت استخدم كيد النسا شلون بنتك ما تتربى بين امها وابوها ... يكفي بناتك منحرمين من امهم بعد تبي تعيد التجربة

طبعا غير الكلام الحلو وغير المدح


وطبعا الصببببببر اللي ماله حدود

والحمدلله مع الدعاء والصبر ربي يسير اموري

__________________
لا اله الا انت سبحانك اني كنت من الظالمين

أكثر شي يحب الريال هي كلمة الشكر يعنى اشكريه كثير ليش انتم اكثر اهل النار لأنكم تكفرون العشير وتجحدون كل شي سواه وصدقيني اذا الحجي يسعده قولي له بس بحدود الريال مايحب
اللي تلزق فيه على طول يعنى كل يوم بتقولين أحبك ومدري وش الريال يحب المراه الثجيلة والعاجل صدقيني بعض الابتسام والنظرة الخجولة والدلع يكفي وبيحسج فاهمه الحياه
الله يجملج بعين ريلج دايم يارب

__________________

من ناحية الشكر اشكر وايد

في حديث سمعته ان لا تدخل الجنة من لا تشكر زوجها وهي لا تستغني عنه

الشكر مو مقصرة فيه

وعبارات الثناء ويا حبي وقلبي وفديتك الخ مو مقصرة فيها


بس انا سؤال اذا قالي تحبيني شنو ارد عليه

__________________
لا اله الا انت سبحانك اني كنت من الظالمين

يعنى انتي بس وش تقولين اذا قالج تحبيني قولي أحبك
وانتهينا اعرف لج حريم اذا سأله ريلها تحبيني تقول ايه
وأموت فيك وهي من جنبها ماتحب ولا تواطنه بعيشة الله
الريال مو داري بللي بقلبج اجذبي وانتي تقولين احبه خلاص عبري عن حبهاااا
لج

__________________

لا يحتاج لتفكير حبيبتي

نعم قولي أحبك وبكل مشاعرك

شعوره بمحبتك يولد ليده مشاعر حب أكبر لك

وشعوره بنفورك يبعده عنك

اوكي خلاص اذا سألني مرة ثانية باجاوبه



انزين دام احنا في موضوع الحب

لما سألني ذيج المرة وما جاوبته

قالي موهبة خلنتكلم عن الحب

انصدمت وتعجبت ما عرفت شنو ارد عليه

سويت نفسي ما سمعت ولاهية مع البنت

الصراحة مواضيع ولا مرة يفتحها معاي



اصلا قبل لمن كنت اساله : تحبني ؟؟؟ يجاوبني وعينه مو معاي ويقولي اي من ورا خشمه

ما ادري شلون اجاوبه اذا سألني


الحمدلله والشكر احس نفسي كأني توني مخطوبة وخجلانة من خطيبها هههههههههههههههههه

__________________
لا اله الا انت سبحانك اني كنت من الظالمين

موهبة ..انتي من نوع الناس اللي تظهر انفعالاتهم على وجههم غصب عنهم وللا تقدري تخبي انفعالاتك ؟؟

__________________

اي تظهر بشكل كبير
حتى نبرة صوتي تتغير

__________________
لا اله الا انت سبحانك اني كنت من الظالمين

موهبه هذي نتيجه صبرج
جيبي اطفال اكثر ولد او بنت وكثري ذريتك

مثل حلاتي أكون مفكره نفسي ان اللي معي ما عرف اللي بداخلي لأني ما تكلمت بينما هو كاشفني ... لما كبروا عيالي صاروا يصارحوني ..يقولون لي ترى ماما كان باين بوجهك الزعل مثلا وأنا
معقووووووووول ..

فلما تشاغلتي ببنتكم هو شايف وجهك وسامع صوتك وأكيد لاحظ رجفة التوتر ووجهك صار بندوره

يعني هو عارف ومتأكد من حبك له وبالتالي لو يبي يغتر كان اغتر وخلص ... لكن الواحد يحتاج يسمعها صريحة ويحتاج يتكلم ويناقش بالحب مع حبيبه .. لو ما تكلمنا عن الحب مع الحبيب مع من نقدر نتكلم فيه يا موهبه يا حبيبتي
واضح ان زوجك رومانسي عاطفي لكن ظروفه الاجتماعية ومحيطه يجبره يتصرف بطريقة معينة معاكسه لطبيعته الحقيقية فيحتاج فسحة حرية يتكلم فيها براحته وعلى طبيعته ويمكن طليقته عرفت النقطة هذي وكانت مدخلها لقلبه .
ناقشيه بالحب يا موهبه وافتحي قلبك له وخلي البساط أحمدي بدون حسابات ... اعتبريها مساحة حرية لك أنتي كمان ... فترة من الزمن مقتطعة من الحياة المليانه تكلف وحسابات لكل كلمة نقولها وأثرها .. فترة زمنية نرتاح فيها من كل الحسابات ونكون على السجية واللي بالقلب يطلع بدون حساب .

موفقه حبيبتي والحمد لله ربي يحميكم من العين والحسد .

__________________