أنا مأجبرته يا أختي ولا أبوي على شيء .. هو إللي رضي بشروط الوالد .. ليش جاي ألحين يتكلم يبي يضغط علي لأن مابقى على الزواج شيء .. تدرين أختي الوالد لو عرف بهالشيء بيكنسل الزواج بكبره ..

وأنا مو عارفه وش السواة .. محتارة وخايفة .. ومو عارفة كيف أتصرف ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يكون بعونج..حبيبتي
اختي انتي متأكدة ان الوالد قد يكنسل الزواج..!
خليه يكلمه يوضح له إنه مديوووون وماقدر يسدد الدين

طيب الدين اللي طالبه كم بالإمية من قيمة المهر..!

المهر كان دين من بنك التسليف .. ويسدده من راتبه .. وألحين حاسب60الف مصاريف زواج .. وماعنده وعلى قولته إذا تدينها بيروح راتبه كله بالتسديد ومابيصفى لنا إلا الشيء اليسير .. ويقول وش أسوي وقتها أصير عايش عالة عليك وتصيرين أنتي تصرفين علي !! وقتها بكره نفسي ومابحس براحة وأعيش بضيق لأني ماعمري مديت يدي لأحد وطول عمري معتمد على نفسي .. ويقول أهلي مابطلب منهم شيء لأنهم لما عرفو شروط الوالد بالخطبة من توفير قاعة وتحمل مصاريف الزواج كلها اعترضو لأن هم في عاداتهم مافي حفلة زواج عندهم يملك الرجال بعشاء بسيط ويأخذ زوجته بس هو قال لأهله مالكم شيء عندي أنا بتحمل كل شيء وماراح أطلب أحد يساعدني ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هو يبي منج 50 ألف..صح
ومهرج 45 ألف..اذا مو غلطانه
ترا ما أعرف بريال..بس فهميني
هو طالب منج أكثر من المهر اللي جابه ولا أنا غلطانه..!

إيه مهري45الف .. ومصاريف الزواج يقول60الف .. بس طلب أسلفه50ألف..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ياعمري..هو طالب أكثر من المهر
والله لو انج اختي بقولج لاتعطينه..وبنصحج وفقا لقناعتي فقط

أعرف وحدة ملكت قريب وطلب زوجها جزء صغير من المهر اللي جابه وعطته بكل صدر رحب
ولكن انتِ زوجج طلب مو بس المهر..أكثر بعد

حبيبتي خبريه ان ابوج ولي أمرج..واذا عنده شي يتفاهم معاهـ
وانتِ اطلعي منها..قولي له هالكلمتين وبس

انتبهي توافقين تعطينه..وخلج قوية وجريئة أكثر منه

اختي ان كان والدك ذو حكمه فاخبريه بالامر فورا
الموضوع ابدا غير قابل للاستفتاء

شوفي هذا الحل
اعطي الفلوس لـ ابوك وهو يعطيه على اساس انها من عنده

اذا عرف انها من والدك راح يجتهد في ترجيعها

طيب لو قلت له بعطيك بس تكتب لي ورقة فيها وتوثقها من المحكمة .. مو عشان الفلوس لا والله بس عشان يحس بالمسؤولية ومايتعود على إنه يطلبني ..

ياجماعة الخير أنا مافكرت في الفلوس ولاهمتني .. وأنا كنت ناوية أساعده أدفع أجار القاعة وأجيب غرفة النوم والمطبخ .. بس الشيء إللي ضايقني إنه تجرأ وطلب مني الفلوس وحنا بأول حياتنا.. صرت أخاف يكون إنسان استغلالي .. وأتعب في حياتي معه .. هذا إللي متعبني ومضايقني ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

يا اختي الغالية..
واضح تحبينه وماتبينه يزعل
طيب اقتراحج حلو ومناسب..قولي له ان الفلوس بعد ما كفت وتسلفتي من أمج

وخليه يوقع لج انه أخذ المبلغ..وتوثيق الايصال من المحكمـــة يحمي حقوقج ومافيه اي احراج أبدا لج
بالعكس راح يشوف انج مو سهله..وذكية

الله يوفقج ويبارك لكم