اختي مس داني ..

النظره الصندوقيه ..يعني يكون مو مركز ..تكون مشتته بين المراه والارفف ..يعني فاك بوهته وقتها ..

النظره الزايغه ..غالبا ترافقها تحريك حواجب .؟؟وابتسامه صفراء ..؟؟
وتمعن من الاعلى للاسفل ..؟؟او نسفة شماغ ويرز كتوفه ..
ويسوي اني جنتل ..
او يركز على العيون ..وغالبا يكون متخذ وضع تكون زوجته مشغوله عنه ..؟؟

__________________

عارفة حبيبتي
..
بس من وجهة نظر الرجال,,ماذا تعني؟
سؤالي المقصد منه ,,,اظهر ان هناك ايضا ,,صندوق الغزل,عند البعض
فليفصحوا عنه..أنه من ضمن الخيارات و الأسباب
و لا يعللوا عدم الفهم , بشرح جانب واحد

...
لأن الشرح كان فقط على اساس ان النظرة خارج الصندوق
وهذا احدى الاحتمالات و ليس كلها..

__________________

هههههه شرحك مضحك توفي
بس من كلام اختنا
اتوقع زوجها ,ينظر بلا مبالاة
لأنه اعترفت بغيرتها الزائدة

__________________

غاليتي عبيق ..

اقل شي مفروض تسوينه لزوجك
اعتذار عميق وصادق وعلى دفعات بعد ..
وباكثر من اسلوب ..

اولا اعتذري منه قدام امك وابوك
وبوسي راسه .. واوعديه قدامهم ان الي صار
ما يتكرر .. وان خاطره عندك اغلى من الدنيا
وما فيها ..

اذا رجعتو بالبيت وانتو بالسيارة امسكي
يده سولفي معه بعفوية وشقاوة باي شي يضحك ..

اذا جيتو بيتكم اطوي فراشه رجعيه الدولاب
رتبي غرفة نومك وبخريها .. والبسي شي مرتب
اذا قدرتي تشترين له هدية تعرفين انها بتعجبه
لا تترددين باسرع وقت اشتريها غلفيها ..
وقدميها له وانتو بغرفة النوم وارجعي اعتذري
وطيبي خاطره بكم كلمة جميلة .. اهم شي توضحين
له انك ندمانة وانك حسيتي غلطتك كبيرة
وتتمنين منه يعطيك فرصة .. وبوسي راسه ويدينه ..

عزيزتي .. احب اقول لك من خبرة
بعض الاغلاط في الحياة ما يكفيها اعتذار عابر
ولا يمحي جرحها اعتذار عابر.. لذلك
لازم لها اعتذارات متكررة وباكثر من صورة
عشان يرجع خاطر الانسان صافي .. وعشان
يبرى جرح كرامته ..

بالنظر لحجم غلطتك .. زوجك ما يرضيه
الاعتذار بحد ذاته قد ما يرضيه انك تقولين
وبشكل صريح انك فعلا غلطتي وانك فعلا ندمانة ..
ضروري توضحين هالشي .. لانك لو ما وضحتيه
ما راح يصفى خاطره عليك ..

اتمنى تجربين اي انا ذكرته .. واذا حابة
تزيدين فهو يستاهل .. وان شالله تتيسر اموركم
وترجعون احباب ..

موفقة ان شالله

__________________



احيانا يجب ان نفقد ذواتنا كاملة لكي نستعيدها كاملة ...

قد يكون رأيك ايضا صحيح
لكن أختي . هي طبعا ما راح تجبر والدها بالغصب يعتذر !
تقول لوالدها أنها أخطأت و تسرعت
و هو يقدر بطريقته يراضيه ,كلام رجال
مش راح يوقف مذلول و يقول : أنا آسف
هناك طرق كثيرة
الأهم الآن ,,هي أن تعتذر بشددددة عن نفسها
,,
شكرا لتنبيهك ,,

__________________

__________________
الحمدلله الذي بنعمته تتم الصالحات

حبيبتي انتي مو غبيه انتي متسرعه لاتلومين نفسك كثير .. نصيحتي لك تتمهلين قبل كلل شي أي تصرف لك مع زوجك فكري قبل ماتسوينه وفكري لبعييييد لاتصيرين مثل الأطفال تفكيرك حالي فقط

بعدين أنتي مو واثقه من نفسك !! إذا بتقوليلي واثقه بقولك ليش هالغيره الزايده؟ كلنا نغار بس مو لها الدرجه اقلب الدنيا فوق راسه لأنه طالع غيريً ! بتقدرين تعميين عيونه عن الحريم ! مسستحيل مثل ما انتي ماتقدرين تغضين البصر عن كل الرجال هو بعد نفس الحاله خصوصا اذا بيئتكم صعبه فيها حريم سفور والاختلاط بكل مكان .. تصرفك لما قفلتي الغرفه غلط غلط وأكبر غلط اذا اساس الحياه الزوجيه الفراش أنتي قفلتي فراشك بوجهه حرمتيه من فرصة الاعتذار اللي غالبا يشوفها الرجل بالفراش وجرحتي كبريائه وبعد متوقعه يطق عليك الباب !!
أنا هنا ما احاول ازيدك ندم واعاتبك ع اللي فات انا ابيك تعرفين تسرعك لوين وداك
وترى الزعل الزايد يملل الزوج انتبببهي منه .. وبالنسبه لتصرف زوجك معك اقدر اقول تصرف ذكي ويدل على شخصيه حكيمه قدر يحسسك بغلطتك .. اللي سويتيه معه مو بسيط عرف يرد اعتباره

ما ادري ايش نظرة زوجك لك اللحين هل انعدمت الثقه او بالعربي طحتي من عينه بس اللي متأكده منه انه فاقدك ولاهو مرتاح ع البعد بينكم َ ... مثل ما الغلطه كبيره لازم الاعتذار يكون كبير مثل ماقالت احدى العضوات خلي ابوك يعتذرله بالأول وبعدها انتي اعتذري بطريقتك الخاصه يعني استخدمي سِحرك وأنوثتك عشان تجذبينه لك ووقتها اعتذريله اعتذار مقنع وأنا متأكده راح يقتنع لأنه واضح من كلامك انه انسان فاهم واذا ماتعرفين تعبرين قدامه اكتبيله برساله كل اللي بخاطرك ..
واعتبري اللي صار درس انتي حاسه بأغلاطك إذا لازم تتغيرين وتطورين نفسك وتثقفينها في التعامل مع الرجل

اتمنالك السعاده انتي وزوجك طمنينا عليك باللي يصير معك 3>*

اختي ترى الي نفس زوجج باله طويله وامثاله قليل يمه لو انا شاكيه طليقي لاهلي واهو مو مسوي شي جان ذبحني اهو بدون سبب طلقني وباعني
ريلج شاريج انتبهي عليه وحطيه بعيونج
روحي له حبي راسه و طيبي خاطره

الله يعين رجلك عليك

انصحك تدلعينه وتقولين له كلام حلو وتعترفين بخطأك وتقولين له أنا أثق فيك وما أسويها مره ثانيه.

الصراحه انتي خليتي حياتكم كلها مشاكل بدون سبب

مشكورين على الردود وادري انكم اتهاوشوني عشان تبون مصلحتي وتبون لي الخير

امس عيوني ورمو من كثر البجي برودة بالتعامل معاي ذبحني وردوده والله عذبتني ياليتة يطقني بس مايرد علي جذي ..... ييتلة لما رجع من الدوام وكنت مضبطة له حمامة وملابسة عشان اهيئ الجو للإعتذار وييتلة وانا وايد خايفة منة وقلتله ابكلمك قلتله انا اسفة على كل اللي صار وقعدت اتكلم وايد واهو بس قاعد يسمع فقلتله ليه ماترد علي ؟؟ قالي قولي كل اللي اللي تبينة دامني هنت عليج ف قلتلة من غير ما احس وانا ماهنت عليك لما اتناظر الحريم؟؟ قالي انتي مو حاسة باللي سويتية معاي؟؟ خلصتي كلامج وإلا لا ؟؟ فيه كلام يجرح زيادة ناسية ماقلتية ؟؟ اهنيه انا بجيت و قلتلة والله ما اقصد جرحك بس انا ماعرفت اتصرف وغلطت .... وقعدت اتكلم معاه واهو ساكت يمة والله سكوتة ذبحني ياليتة يخانقني بس مايسكت .... فقلتلة شنو اللي يرضيك وانا اسوية لك بس ترضى؟؟؟ قالي ارضي الله يرضون عبادة فقلتلة ماعندك حل ثاني ؟؟ قالي الا فيه فقلتلة شنو؟؟ قالي انسي وخلاص

وقالي امس ان راح الديوانية وان الرياييل كلهم قاموا يسلمون علية الا ابوي ماقاملة ومع هذا نزل على خشمة وباسة .... لان ابوي يصير اكبر واحد من عيال عمة ..... وياليتة ماقالي هالشي والله قطعني من البجي وحسسني بالندم ازيادة

والغيرة شي مو بيدي والله العظيم ..... والله شي غصبا عني ماقدر اسيطر على نفسي ولو انتو بمكاني سويتو مثلي .... ريلي اي بنت تشوفة ماتنزل عينها من عندة والله حتى انا لما اقعد معاه من داخلي اذكر الله علية ...... احيان لما اروح معاه ادعي الله ان المكان اللي بنروحلة مافيه حريم واذا فيه يكونون عيايز كبار وشكثر تمنيت امسك كل وحدة اطالعة واذبحها وشكثر تمنيت ان الحريم كلهم يختفون

وبالنسبة حق اعتذار امي وابوي له ..... امي والله ماراح تعتذر لو شنو انا عارفتها بتقول بتصغريني جدامة واهو كبر عيالي او بتقولي اكيد خانقج وهاوشج وانتي ياية تنفذين كلامة اللي قالة لج لانج خفتي منة ...... وابوي اخاف اروحلة ويهاوشني ويقولي ليه ظلمتية وليه خليتوني اهاوشة وبعدين يقلبها علي وعلى امي .... ماعرف اشلون اوصل هالشي حق امي وابوي واخليهم يعتذرون لاني وايد محتاجة هالشي الحين

ساعدوني