اختي وسعي صدرك بالاول ولا تفكري بالانفصال

نعم زوجك مخطئ

بالنسبه للافلام لا تبحثي من خلفه ولا تبينن له ذلك

ولكن ادعي له وضعي امامه كتيبات دينيه عن زنا العين وهكذا

كثيرووون يا اختي اصبح هذا الشي لديهم عاده الله يهديهم وباذن الله سيترك هذا الشي

ولكن انتي ماذا ستفعلين ان صارحتيه بيزيد او سيفعل من خلفك فقط تناسي ولا تقهري نفسك الله يهديه ويصلحه



اما البنت التي اضافها قولي له انت ترضئ افعل مثلك اذا قال لا قولي اذا كيف ترضاها علي او قولي هل ترضئ علئ وحده من هلك تتواصل مع غريب وهكذا

وعلئ فكره الفيس بوك والتويتر وغيره للاسف تعارف وخرابيط والاغلب يعاني مثلك

الاهم انك تكسبينه وتستخدمين معاه اساليب مختلفه وجديده


باذن يفيدونك الاعضاء اكثر

الاهم انك اتريحين نفسك. اذا هو ما يفكر في نفسه انت لا تحرقين دمك اكثر فقط لا تنظري الئ ما ينظر انا لو مكانك فعلت هالشي ولا اوجع قلبي


الله يوفقك

اختي الدانه جزاك الله خير
وبارك الله فيك
اوكي ما اشوف ايش يطالع من وراي لكن لما تفتحي الكمبيوتر وتلقي المواقع في وجهك كيف تكون ردة فعلك والله لازم ينحرق دمك
والاخت امل ان شاء الله تعذرني لاني ماني بناقصه وجع قلب
بس اتمنى يفيدوني الاعضاء
والله اني انتظرهم بفارغ الصبر
وياريت تبلغوهم اذا ما عندكم مانع حد يسويلي معروف
ويبلغهم ارجوكم

اخت هايدي اعتذر ان قسوت
اسأل الله ان يصلح زوجج ويبدل حاله الى احسن حال

آمين وجزاك الله خير
وانا اعتذر بس والله ماني ناقصه وجع قلب

ورمضان كريم

اختي هايدي افهم من كلامك ان عادي عنده ينكشف امره او انتي اتشوفين


طيب قولي له شفت كذا وكذا ليش حاطهم امامي بالكمبيوتر

يا اخي انا اخاف الله بسببك شفت بالغلط وووو


كيف يرضيئ انك اتعرفين وتسكتين وضحي لي جزاك الله خير


مستغربه من زوجك

ما عرف يا اختي
هو الجهاز في خلل
ممكن فيه جني ماني عارفه بالضبط عموما في مرات لما تفتحي الكمبيوتر
وتفتحي الصفحات يطلعلك اخر شي شفتيه قبل لا تسكري الكمبيوتر
بشرط ان ايكون مغلق مؤقت
وليس اطفاء كامل شت داون
لا هنا يمحي كل شي
للان صارتلي 3 مرات
ومنها عرفت ان زوجي يشوف مواقع
وصراحة في بعض المرات افتح ايميله
والاقيهم باعثينه كلام وي مس يو
وير ار يو
ومن هالكلام
وحطين رابط
ان شاء الله وضح اللبس ,,,,,,,,,,,,,,,,,,,,,,,,,,,,,,,,

... الله يوفقك حبيبتي والله دعيت لك ولزوجك وسبحان الله ماقدرت أتعدى موضوعك
حسيتك بحاجة مسانده ... أهم شي انتي لاتحسي ان اللي يسويه من تقصيرك أبدا
هذا من تقصيره بالصلاة والشيطان فرحان فيه ويكيد له لابد يحصن نفسه بالصلاة
خليك حازمه وحسب رأيي المتواضع وتجربتي ماأحب أكتشف غلط واسكت عليه
خاصة اذا صار كبير صحيح ارتب الكلام والطرح لكن لازم أصارح زوجي اني
عرفت هالشي وماارضاه أبدا .. وأواجهه هل يرضى أسوي نفس الشيء ؟؟ ولو
اكتشف لاسمح الله بيرضى ؟؟ أقترح وأنتي أدرى بزوجك واللي يناسبه ... تختاري
ليله من ليالي هالشهر الفضيل وتخبريه انك تبغين تجلسين معاه جلسة خاصة وخبريه
انك ضروري تحضر ... وفهميه بنغمه تهديد انك عارفه كثير من اللي يصير حولك
لكن الأهم ان الله سبحانه مطلع عليه .. وأكبر سبب تخليه وتساهله عن الصلوات
واذا كان رب البيت بالدف ضاربا ..... فشيمة أهل البيت الرقص
وكلميه بفطرة الأبوه هل ترضى أحد يسوي مع بنتك اللي تسويه مع بنات الناس؟
بس لعب ومن خلف الشات ...العرض دقة بدقه ... وأخاف ع عرضي وأنا أعطيك
فرصه تفكر باللي قلت لك ... أنت الحمد لله متزوج وعندك حلالك تطلب اللي تبغاه
وهاني بين ايديك هيت لك ... حافظ ع صلاتك وع زوجتك اللي بين ايديك
وربي قادر ينتزع هالنعم من بين ايديك لأنك تركت الحلال ورحت تتخيل خيال
وثقتي فيك قويه وبنتظر ردك .. تلغي كل الخرابيط وتمسح قدامي كل المحظورات
والله فوقك قبل لاأكون ...
يارب يسخره لك ويهديه للحرص ع الصلاة وأصدقاء السوء
..............................................
والله يعين الجميع هالتويتر والتعارف والفيس بوك أشغلتنا وصارت الا من رحم
الله وسيلة مغازل وقلة حيا الله يحفظنا والمسلمين كلنا نعاني مو بس أنتي

الحب يكبر جزاك الله خير يا اختي
والحمد لله اني بديت القى ولو بريق امل في موضوعي

من ناحية الافلام من فتره ماشفت شي
لكن
اخر مره واقولها صراحة تعمدت التجسس
وفتحت ايميله لقيتهم يراسلونه ومتواصلين معه
ويقولوله نفتقدك وووو
يعني هو ممكن ممكن قاطع علاقته بيهم
بس كيف اضمن هالشي
اكذب عليك لو قتلك اتعامل معاه عادي
لاني في بعض الاحيان احس تجاهه بكره موطبيعي ويقولي اشفيك
ليش متغيره
ومستحيل اقوله انا تجسست عليك وعرفت ان لك .................
لان ردة فعله
وهنا مربط الفرس اوكي
ردة فعله انه يحرمني من الكمبيوتر
ويقطع النت
وممكن يزيد اكثر لان خلاص يعرف ان صورته مهزوزه عندي
فأتوقع يوصل لمرحله الا مبالاة او العناد

واذا عالنصح زوجي ما يحب تعامل الاستاذه والصرامه
يعني اذا ما كنتي حنونه ودوده مستحيل يسمع كلامك

والشي اللي يقهرني
اني حاسه ان الود بدا ينفذ مخزونه عندي بسبب نقص الحب احسه خلاص
لاخاف ربه وبعدها لا راعى كرامتي ولا مشاعري
والادهى انه يكلم وحده عالفيس
ولازم اجي افرح معه
يعني اصفقله واقوله برافو عليك

من ناحيه البنت اللي ضافها الحمد لله مسح اسمها من الفيس
لكن حسيته ندم انه قالي عليها
وبعد ما قتله ان ماترضاها لاختك او بنتك قالي
انا ماسريت شي غلط
ولا تغاري البنت سمره وانتي احلى منها وفيك وفيها


جزاك الله خير على تعاونك وحرصك

حبيبتي , انتى اكيد مازلتي تحبينه , ولاكن مشاعرك مجروحه تجاهه , - ضعي في اعتبارك , انها فتره وبأذن الله تعدي - ,
أختي ليش ماتحاولين تجذبين زوجك لك ؟ انا ماأقول لك انك مقصره ؟ بس يمكن هو محتاج منك شوي جرعات اهتمام
بحكم انك عندك طفلين ويمكن أنشغلتي عنه شويه , حطي في بالك معلومه , ان زوجك طفلك الكبير , ويحتاج عنايه عشان مايبتعد عنك , نصيحه اخيره , اكثري من الدعاء وقولي - اللهم سخر زوجي لي وأشغله في طاعتك - اكثري منها بدل التفكير في أمر الطلاق - , أخيتي , لماذا تتجسسين على زوجك ؟ قولي لي ؟ ماذا جنيتي غير الحزن والهم , اتبعي امر الله بعدم التجسس , وزوجك في النهايه سوف يحاسبه الله وليس انتي , اخيتي : اسأل الله ان يفرج همك ويسخر زوجك لك ويعد عنك كل هم وضيق , اللهم امين

__________________

جزاك الله خير يا فجر الاعياد وتأكدي اني اعامل زوجي مثل طفلي الكبير
وهو يحبني
لكن ماني عارفه ايش اقول شيطان +ضعف ايمان

وعن التجسس عارفه واستفدت من كل المشاكل اللي قريتها بهاالخصوص
ولله الحمد
لكن بيني وبين نفسي ماني بقاده اسامحه على اللي سواه فيني
صعب انسى
وحتى لو نسيت نسيان مؤقت ويرجع الكره من جديد
لا ويزيد اكثر وقت المشاكل
انا في الفتره الاخيره صايره قاسيه عليه وعصبيه وماني حامله منه اي شي
يعني ابسط اخطاءه ما اقدر اسمامحه عليها
وشي ثاني الحبسه اللي حابسها لي
تزيد همي
وقتلك بطبعي اجتماعيه لكن هو ما يحبني اتواصل مع الناس وماني بعارفه السبب ايش بالضبط
الله اعلم ؟

__________________