جزاك الله قلبي جعلك تسلمين..

شوفي لي سنين على منتدى بلقيس..
صح عرفت شخصية زوجي ونمطه ووش يحب ووش يكره

بس بصراحة وبدون تجني على الأستاذة ناعمة
قصصها إخراجها حلو..تجي الأمور زي مايخطط له!
ومو كل وحده تطبق اي شي تجني اللي تبي!
المخرج عاوز شي واللمثل له اداء مختلف!

وسبق وجربت وشاركت بدوره بصراحة ابداً مااستفدت
ولا ترد على كل وحده منفردة يعني اقري وامشي
حلفت بعدها أخلي فلوسي لي

صقيني بعض حتى تجارب البنات لمن تقول سويت كذا وكذا وزوجي شكرني وحب هالشي
هذا لأن الزوج تربيته مزاجه أخلاقة تختلف ..مو كل رجل يعطيك نفس ر الفعل!

طولت عليك..

بصراحة وسبق تكلت بالموضوع هذا

أنا أشك إن اللي أنا فيه بسبب مرض روحي
وأحلامي تفسيرها سحر!

صح اشكك وماني متأكدة

مالقيت اي عذر لإنصرافه عن الفراش والمودة إلا ممكن يكون هذا السبب
وعالجت الوضع بقدرتي وبتخفي لأنه يرفض فكرة أن فيه شي ويحط اللوم فيني

ولو صدقته وقلت أنا غلطانة أنا خبلة انا مهملة أنا وأنا...وكل هذا بسببي

أبدا هالشي مايصرفه عني بالشكل هذا ويمر أشهر طويلة مايلمسني فيها!

وش اللي فيه بالضبط الله أعلم!

حقيقة أختي أنا تأقلمت على بعده عني
صح اتألم أوقات أحس بحرمان وجود رجل بحياتي
لكن بديت أعيش حياتي وكأنه مو فيها
أحاول أنساه وأتناساه...

بس مهما كان يحطنا بضغط نفسي كل البيت يخاف منه
حتى أنا اللي كنت أحسبني ياجبل مايهزك ريح
لاحظت إني صرت أخاف منه بشده
أخاف من هواشه وكلامه حتى لو محد غلط
حتى لو غلطان
هو مايحس بغلطه

ماراح أنسى قبل فترة قصيرة

تصرف تصرف هزني وألمني وأتعبني وقهرني بشدة
دعيت ربي من قلبي إن ربي يبلاه بحادث يخسره ولا يجيه شي
أول مره أدعي عليه..

بعد يومين تصرف كمان تصرف جداً وقح ولمن عبرت له إن تصرفه ماله حق فيه
زعل وعصب وسبني وقذفني وكل شي شين سواه

وطلع..

هو شوي وقت حصلته داخل وهو معصب
أكتشفت إنه سوا حادث لأول مرة بحياته
وأنه هو المخطي بالحادث
وكلفه مالا يقل عن 5000

تحسبونه راجع حساباته!
بالعكس دخل يدعي علي ويقول حسبي الله عليك انتي السبب شتتي مخي وتسببت في حادث!

والله إني أي شي يصير لي مو كويس أقول عساني ماأخطيت بحق أحد

وهو جباار!

مثل هالشخص ماتقدرين تجعلين اللي عاشره يرتاح
لان وجوه بحد ذاته قلق نفسي

وهذا سبب موضوعي

ماعاد يهمني إني احبه أو يحبني
ولا يهمني سبب اللي أنا فيه

بس مثل هالشخص وش لي ووش علي معه!
اهل الراي الحكيم وش يشورون علي..

ما أحد راح يشور عليك بالإنفصال علشان الأولاد بينكم

أدري هو ماهمه وأسلوب الإسقاط اللي يسويه ماأحد يتحمله

لكن ربي بيعينك وبينصرك ولو بعد حين مالك إلا الصبر أي حل غيره مو في صالح عيالك

وإناِ باين عليك عيالك بالدرجة الأولى عندك الله يخليهم لك ويكبرون وتشوفين برهم فيك

إدعي ربك كثيير يصبرك ويرزقك السكينة والطمأنينة

ويارب يكون في عونك ويعوض صبرك الجنة

انصحك بالاستخارة
بطلب الطلاق
لماذا نعذب انفسنا بهذه الطريقة البشعه ونلغي كل متع الحياة وكان الحياة فقط رجل

الله يكون بعونك

سبحان الله ان مرت المرأة بحالة نفسية تعد ناشز و تضرب و تهجر

مع العم انه يستطيع ان يجد بعني يتزوج غيرها

اما المرأة فما لها الا الصبر ثم الصبر يالله عسى ان يخفف عنا مولانا ذنوبنا

اختي اجتهدي في سورة البقرة ،،، اخلقي لنفسك اجواء ممتعة مع اولادك و اقهري بانك سعيدة حتى و هو مش معاك

لا تبيني حزنك لا تناقشيه فقط اضحكي و عيشي اجواءك..

صدقيني طال الوقت او قصر سيشعر هو بالحزن لسبب او اخر و هنا سيتسأل ما سر سعادتك

سيفكر فيك،،، ربما سيتقرب منك ليعرف ليستكشف و هنا دورك بالاهتمام بنفسك و اولادك و سيضعف و يأتيك عله يتذوق سر السعادة التي انتي بها...
كان الله بعونك

أختي آنا مو عارفة كل مشاكلك مع زوجك بس بصراحة اشعر ان مشاكلكم كلها تراكمات من الماضي وهي اللي خلت كل واحد ينفر من الثاني ويمكن بعد عصبيتك وعنادك زادت الأمر سوء حاولي تتنازلين وكوني بشوشة وطيبة
والكلمة الطيبة ما أسهل منها تقرب القلوب وتذوب الثلج حتى لو كانت مجاملة مافيها شي الله يفرج عليكم ويقربكم من بعض ويسخره لك آمييييييين *

ياختي ابعدي الحياء عنك واقبلي لزوجك بكل جوارحك وروحك استعدي هدوء قلبك ونزيفه فزوجك لايعلم مابداخلك اذا لم تُصوري داخلك الى النور والحقيقة عامليه باحساسك ولطفك وبحنانك ولاتخجلي فالزوج يحب المدح كما تحب الزوجه الغزل ..
ابعدي عصبيتك ومشاغلك عن شخصيتك ودعي روحك هي التي تحدثه .. فانتي تحبيه وتخافي عليه اظهريها له هو يحتاج لكل الحنان والعاطفة الي بداخلك ..
ولكن بالمعقول ..
"اسعد قلبك ونور حياتك "

__________________

التكلف دائما صعب وثقيل على النفس وبالتالي صعب الاستمرار فيه .

تحتاجي أن يكون التغيير بشخصيتك واللي وجدتي تجاوب له من زوجك ولو بسيط .. هذا التغيير يلزم أن يكون نظام حياة جديدة وقناعة بمبادئ معينة .. أما انك تجبري نفسك على الهدوء إجبار .. وأن تنظري للأمور بانك تعالجي فيه فما راح تقدري تستمري .

سالفة البنت انه كانت غير متوافقة مع زوجها ولا هي قدرت تتأقلم معاه ولا هو قدر يتأقلم معاها وكل واحد ينظر لأخطاء الاخر ويوزنها ويحاول اصلاح الوضع بتغيير الطرف الثاني وإجباره على التأقلم .. وكانت النتيجة أنه زوجها تركهم وسافر لبلد اخر وتزوج من أخرى هناك .. ولو أن ظروفها سنحت لربما هي سبقته بهذه الخطوة .

__________________

اختي جمانه
والله كانك تتكلمي عن حالتي وعن حياتي مع زوجتي من فتره قريبه
وانشاء الله بعطيكي الحل الي غير حياتي من تحت لفوق
قريبا جدا انشاء الله