لاحول ولا قوة إلا بالله

إنما الصبر عند الصدمة الأولى

اللهم أجعلنا من الصابرين

نصيحة يا أختي

توقفي عن الكتابة

فمنذ مشكلتك الأولى إلى الآن وأنتِ في حالة جزع

وتذكري قول الله تعالى ( ما يلفظ من قول إلا لديه رقيب عتيد ) .

أعانك الله

أعرف وحده حملت وهي تاخذ المانع لانها ماكانت تدري انها حامل ..ولا تضرر

ورد ..ألمك من ألمنـا لأنك أخت عزيزه علينـا ..
لكن تعرفين وش معنى الرضا والتسليـم للقدر ..خيرا ام شر ..

يعنـي قوة الأيمـان اللي كل مؤمن يتسـارع لها ..

وكلـي أمرك للي يعلم بكل حزن داخلك .. وبيده فرحك وسعادتك ..

دائمـا نزعل من أشياء بعدين نقول سبحان الله أثرها خيـره لنـا ..

أنتي أم حنـوووووون ومستحيل يهون عليك تنزلينه ..

لعلا في تنوير هذا الطفل لدنيـاااك ..

السعـادة الدائمـه لكي ..

.. ..

سهـل الله أمرك وبدل همك .. براحة البال ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

اللهم يامقلب القلوب ثبت قلوبنا ؛؛ ربي أسألك قلبا نقيا صفيا.
أكثري من الدعاء. '"
انتبهي لاتكتبين شيء فيه اعتراض على حكم ‏?‏?‏?اللـَّــ???
كل هذا على شأن زوج والله ماحد يستحق الدنيا فناء.فكري زين أرجوك.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

مع احترامي للجميع ..
خلوا الاخت تفضفض عن نفسها و هذا من ابسط حقوقها
ليش نهاجم كل كلام ما يوافق اعتقادنا ؟!!!!!
ديكتاتورية فضيعة عند البعض ...

انتم فأهمين خطا هذا مو اعتراض و اغلب كلامها تحمد فيه الله
لكن هذا تفرررريغ شحنات سلبيه و انفعال و لو بقي مكتوم
بتنفجر في لحظة ما و بشكل اكبر من كذا ...

ليش الأحكام دائماً ما نطبقها الا عند الناس اللي تعجز عنها
النصيحة تحتاج وقت مناسب عشان تجد إذن واعية ..
يعني ما نشوف الغيبة و النميمة و الكذب هذي مو كلها أقوال
مخالفة و محرمة ...!!
بس ركزنا على الاخت المكروبة فرج الله كربتها ..

اختي ورد ..
عندي قاعدة اتبعها شخصيا ..
اسمعي الاراء لكن لا تتبعي الا ما تعتقدي انتي صحته
لا ما يعتقد الاخرين انه صحيح ...
لو صبرتي و ضحيتي و بداخلك اعتقاد ان الطلاق هو الحل
راح تعيشي حياتك بتعاسه و كبت ..
نفذي اللي تشوفيه صحيح و عبري عن انفعالاتك باي شكل
يريحك اختي ..
فربنا ارحم من عبيده ....
و لو الحساب بيد الناس كان كلنا دخلنا النار ...
و الكتابة هي من أنفع الطرق لتفريغ الألم النفسي ...

ليش يااختي تقولين مصيبه حرام عليك هذي نعمه لو ربي مارزقك هذا الحمل معناه بنتك بتبقى وحيده لااخ تعتمد عليه ولااخت شقيتها تواسيها وتوقف معها وتحبها في المستقبل

..نصيحه مني لاتنزلين الجنين...جيبي لبنتك اخت او اخ شقيق من امها وابوها....مو شرط ترجعين لزوجك اذا انتي ماتبينه خليك مثل ماانتي..انتي الي حامل وانتي الي راح تربينه وانتي الي بتاكلينه وتلبسينه لوحدك حتى لو كنتي عند زوجك يعني مثل بعض وجود زوجك مثل عدمه..خصوصا انه معدد..هذي الحقيقه ماابي اضحك عليك

لو نزلتيه بتيقى بنتك وحيده وانتي عارفه ان الاخوان من الاب الغير اشقاء او من الام فقط مستحيل يكونوا مثل الاخ الشقيق ..واغلب الاحيان ويمكن دائما مايعترفون في بعض ويحقدون على بعض..هذا الواقع والحقيقه..

لاتحرمين بنتك نعمة الاخت او الاخ ااحقيقي...ربيهم مع بعض..حملك هذا لايعني انك ترجعين لزوجك غصب..انتي حره في قراراتك.....تذكري ان كثير اطفال انولودوا وطلعوا لهذي الدنيا ايتام بدون اباء يموت الاب والام حامل ومع ذلك عايشين وماضرهم شي...

احمدي ربك على هذي النعمه...والله انك مستفيده وبنتك بعد مستفيده من هذي النعمه الي رزقك الله اياها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

هذا الكلام الي كنت ابغى اوضحه...كلام جدا صحيح...اساسا بنتك تربطك في طليقك يعني انتي مربوطه فيه من قبل لا يجي هذا الطفل..وياليت تبعدين عنك هذي الافكار حرام عليك الاطفال مالهم ذنب وان شاء الله ماراح يضرهم ولاينقص عليهم شي..

طفل واحد ولا طفلين ماراح يغير شي ابدا....في حياتك اذا على النفقه..ابوهم موجود وراح ينفق عليهم ويصرفهم..واجب عليه ابلطيب بالقوه راح ينفق عليهم..

...وصدقيني انتي وبنتك راح تستفيدوا كثير من هذا الطفل..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

الله يهديك يااختي ..فيه ام تكره ان طليقها يتواصل مع ابناءه...بالعكس شي طيب انه ابوهم كل مده والثانيه يجي يطل عليهم ويشوفهم...ولاكبروا هو الي يزوجوهم ويوقف معاهم..طفل واحد ولاطفلين بيضلون شايلين نفس الاسم ومااظن ان طليقك بينسى بنته ويلتهي عنها لانها بنت وحده بس هذي اول فرحه في حياته واكيد ماراح ينساها..

وتذكري انه الاب الي مو كفو وماعنده مروه..بيترك اطفاله سواء واحد ولا اثنين ولا عشره وماينفق عليهم ولا يسال فيهم...والاب الي عنده ضمير ويحب عياله ماراح يتركهم حتى لو كان طفل واحد وحتى لو جاب من زوجته الثانيه عشرين طفل ...لاتنظرين للموضوع من هذي الناحيه لان كل اب يختلف عن الثاني

اختي انتي ماتبين زوجك هذا شي خاص فيك...تبين تشيلين من حياتك شيليه ماتبين تغيرين رايك في الطلاق هذا شي راجع لك ..بس مو من حقك تنهينه حتى من حياة طفلتك..
لايكون مانعته انه يشوفها يااختي...مايصير كذا...بنتك راح تحتاج ابوها بعد سنين سند لها لاتحرمينها من زيارته ولاتحقدينها عليه ابدا..بالعكس خليها تحبه

صلي ركعتين واستعيذي من الشيطان وفكري زين..وخلي نظرتك مستقبليه وواقعيه اكثر.ولا تقهرين نفسك وتتتوترين عشان رجال..انتي خلاص عاقبتيه وقهرتيه بطلبك للطلاق وهذا يكفي اخذتي حقك منه وزياده والحين صار عنده حرمه وحده بس وهو قبل مبسوط انه بيصير عنده حرمتين...دامك هدمتي تخطيطه وقهرتيه خلاص ارتاحي ولاتفكرين وتمرضين نفسك عشان رجال..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

فاااااهمتك يا ورد و الله شاهد فاهمه تفكيرك ..
و معاك حق و كل الحق ..
اكبر مصيبة الاخوان من الاب الله لا يكتبهم على بنتك
اليوم و بكره يكون اب مثالي لكن خلي العيال يجبرون
شوي او بعد سنين و يبان الاصل الحقيقي و تطلع الأبوة
على أصولها قمة الظلم و التسلط و الحرمان سوا من الاب
او الاخوان او الزوجة الثانية ..
و خااااصة لو كان زوجك حاقد عليك راح يطلع حقده بأطفالك
منه هذا هو مجتمعنا و لو رحتي لمليون محكمة راح يقول لك
لا هذولا اخوانك و ابوك و انتي بنظر المجتمع راعية مشاكل
و لا تأخذي حق ...
و لا تقولي يا غرور هذا ابوهم ..
تري الرجل غير المرأة و الاب غير الام اذا كره الام و ربي
يكره عيالها مهما كان ... و راح يتعرضون لانواع الظلم
و نفسياتهم مهزوزة و راح يبقون بدرجة ثانية واقل دائماً
من عيال زوجتة الأخري ..
و تزداد المأساة لو كانوا بنات .. الله يصبرك يا ورد و يعوضك
و يريحك من حملك عاجلا غير اجل ..
الاطفال حرااام ننجبهم في اوضاع كذا ..
و هذا اللي مجتمعنا فالح فيه انجاب الاطفال و جمع الحريم
و ممارسة الظلم و التسلط على الابنا و الزوجة المظلومة
واللي غالبا تكون ذات الخلق و الدين ..
لكن الحقيرة و القوية لها العزة و الكرامة ..
و بكرة مو بس زوجك يتسلط علي أطفالك الا حتي زوجته
و أطفالها يكون لهم راي بشان بنتك ...
و أنا اتفق معك ضحية وحده كااااافي ....

يا غرور انتي اللي نظرتك مو واقعية أبدا أبدا
و الظاهر منتي مجربة المعددين عندنا ...؟
و الله ان جاب من زوجتة الثانية عيال ان ينسي بنته و لا
يذكرها الا بالأذية بس ..
و راح يتحكم بمستقبلها و يقهر أمها ...
لا تقولي مو الكل و الله الاغلب كذا و شوفي المشاكل
اغلبها من اب معدد سوا الظلم و الحرمان من النفقة
او الامراض النفسية او تخريب المستقبل او حرمان الورث
و عضل البنات كلهااااا من رجال معددين و إخوان من اب ..
لا سند و لا كلام مثالي ،.
لو همه بنته و عياله ما راح يجري و را مصلحة نفسه ..
لكن الام هي اللي تدفع الثمن دائماً و الابنا منها ..

قصة امرأة ثابت بن قيس رضي الله عنه وعنها
والقصة أخرجها البخاري عن ابن عباس رضي الله عنهما أن امرأة ثابت بن قيس أتت النبي صلى الله عليه وسلم فقالت : يا رسول الله ثابت بن قيس ما أعتب عليه في خلق ولا دين ، ولكني أكره الكفر في الإسلام .
فقال رسول الله صلى الله عليه وسلم : أتردين عليه حديقته ؟
قالت : نعم .
قال رسول الله صلى الله عليه وسلم : اقبل الحديقة ، وطلِّقها تطليقة .
و
في رواية له أنه عليه الصلاة والسلام قال : فَتَرُدِّينَ عَليْهِ حَديقَتَهُ ؟ فقالَتْ : نَعَمْ . فَرُدَّتْ عَليْهِ ، وأمَرَهُ ففارَقَها .

__________________