المشاركة الأصلية كتبت بواسطة -الشفاء- مشكلتي زوجتي .. هذي مشكلتنم تتزوجون بنات عارفين كيف تربيتهم .. دلع و رفاهيه ووو .. و تبغون تجبرونهم على حياتكم و تغيير اطباعهم .. او الطلاق ...؟!! وهذا ظلم لهم والله ظلم كبيييير .. بسبب اختياركم الخاطي من البداية .. و اللي كانت ضحيته انتم و بنات الناس و الاطفال ... المفروض البنت ما تقبل بواحد الا بينهم تكافؤ من جميع النواحي او من اغلب النواحي وخاصة الحياة الاجتماعية و الفكرية ... و لا تتزوج وهي صغيرة .. يجي الواحد يخطب بنت مراهقة بحجج انه يربيها او اي سبب ثاني .. و تبدا دوامة المشاكل وعدم الاستقرار .. و تنظلم البنت و تحمل لقب مطلقة وهي صغيرة و تبقي تجربة مرة .. و السبب برضوه الاختيار الخاطي .. - و نقطة ثانية .. اغلب البنات الان يحملون فكرة ان الزوج اذا اكرمتيه أهانك .. و اذا حبيتيه زيادة و تعلقتي فيه تلاعب فيك .. و العكس صحيح و صراحة انتم تأكدوا هذي النظرية .. فكل زوجة حنونة خدومة تلقي انواع الإهمال من زوجها و الادهي ان البعض يتزوج عليها و العكس الزوجة المهمله و الأنانية تلقي زوجها يدور رضاها بكل طريقة حتي زواج ما يبغي يتزوج عليها و يرضي منها بأقل القليل .. و أكيد الأخوات هنا شافوا المجتمع النسائي حولنا كيف ..؟' و هو اكبر دليل علي صحة هذي النظرية .. أكيد كلكم تتذكرون قصة عضوه هنا كيف تعشق زوجها و تخدمة و مريحته و راح تزوج عليها بنت عمه و انهارت نفسيا .. و الكل يقول لها معه حق و ما غلط ؟!! لدرجة قفلوا موضوعها و لا عدنا نعرف ايش أخبارها .. لكن لو زوجة مهمله الكل يدرو لها حلول .. ! الرجال بمجتمعنا ما يستحقوا احترام و لا حب .. العلاقة اعطي ما عليك و خذ مالك فقط .. و الأصح اهمل في ما عليك .. *

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

بصرااحه موضوعك بيطلع المستخبي ههههههه على قولتهم

طيب

شوف طال عمرك أنت تدري من أول مافي أحد يشتكي من زوجته والله أقصد من سنة جدي وجدك

تخيل أي وحده مااتطيع زوجها على طول يطق عليها الثانيه ولا طلقها ماافي أروح أشتكي عليها عند أهلها ولا

أصبر لا مافي هذي الكلام وانا أعرف ناس كثير من جمعتنا وحتى جدتي تقول هذى الكلام

بس تقول الجيل هذى من الشباب عندكم قلوب رهيفه على طول تحبون حررريمكم

ماتقدرون تقسون عليهم هههههههههههه هنا صدقت

شوف طال عمرك والله العظيم أنا وأنت السبب في الي يحصل لنا من الزوجه والله حتى مع عيالك

مايحترمونك إلا إذا شديت عليهم والله مستحيل تصير طيب مع عيالك وملبي جميع طلباتهم وتبي يحترمونك

مستحيل الاقليل منهم

الان الزوجه تبي منها شي . لاااازم تعلمها من النظره أنت وش تبي

متى يجي هذى الكلاام إنها تفهم منك من أول نظره هذى بعد تعليمك لها لااازم تكون حازم في كل إمورك

ترى الرجل الضعيف مايمشي مع الحريم والله العظيم اقولها

ترى عالم الحرمه عالم غررريب ولا يرضيها شي أبد إذا صرت قاااسي معها وحازم رايح ـاخذ حقك منها

وبكل سهوله وإذا قلت يااارجل أبي أخاف الله فيها وبصير طيب قسم بالله رايح تجيك الامراض وتصير رجال

شكاي عند كل واحد ولاعاد ترتاح في بيتك ولا تحصل الاحترام لا من الصغير ولا من الكبير في بيتك

إمسك العصى من النص لاتظلم ولاتظُلم أبد

وقسم بالله العظيم أغلب الزوجات الان مااايمشن معك الا بلعين الحمراء والله وقليل الي تمشي معك بطيب

أعلمك بقصه صارت مع ولد عمي

هذى طال عمرك ولد عمي تزوج بنت عمي ممرضه في المستشفى العسكري في الرياض والرجل دوامه في

سلاح الحدود في الشرقيه طبعا شرطو عليه من البدايه ان البنت تبقى في الرياض بحكم وظيفتها قال طيب

المهم جاب منها ثلاثه عيال والرجل كل خميس وجمعه وهو في الرياض في الاخير تعب من الخطوط

كلم زوجته بطيب قال لها أنا تركتك عند أهلك ماشاء الله 6سنوات والان والله إني تعبت من الخطوط بدبر لكي

واسطه وأنقلك معي لشرقيه قالت والله لو تحلم ماني ناقله لشرقيه أنا شارطه عليك وبعدين كل صديقاتي هنا

ماأقدر أفرط فيهن قال طيب إنتي المسئيه لنفسك راح الرجل وخطب من جمعتنا من جده وتزوج يوم الجمعه الماضيه

قسم بالله العظيم زوجته الاولى قالت ياافلان تكفى خلاااص أنا ابروح معك لشرقيه خلاااص أهم شي ماتبعد عني

طيب ليش ماقلتي هذى الكلام من البدايه

شفت كيف الحريم مايجن الا بلعين الحمراء طبعا مو كلهن الا الاغلب كذى

بصرااحه مخلوق عجيب

ماااتعرف كيف تكسب زوجها مااااتعرف والله

وصدقني والله العظيم مااتذووق طعم الراحه في بيتك وإنت رجل تحمل القلب الطيب

مستحيل

تدري متى تركب القلب الطيب بعد ماتملك البيت والزوجه والعيال


خليك مثلك مثل الحاكم في بداية يذبح ويفجر علشان يملك الحكم

وبعدها خلاااص يكون طيب جداً ههههههههههه

المشاركة الأصلية كتبت بواسطة مشكلتي زوجتي خلاصته انك ماتخليها تعرف لك سكة او تمسك معك سالفة لتعيش هي في دوامة التفكير وتنشغل عنك وبك.. يعني تحفز فيها جانب الغيرة وكأنك ماتدري.. واتركها تغلي وتنشغل عنك.. *

المشاركة الأصلية كتبت بواسطة وابل الندى اهم شي مايكون دايم حتى ماتصير لها امراض (كالقولون والضغط والسكر) تكفي مره وحده كل ثلاثه شهور

المشاركة الأصلية كتبت بواسطة -الشفاء- ياسيدة .. كل شي نقدر مثل ما قلتي .. لكن لكل شي سبب ...! يعني مو واحد يذبح نفسه و يقول قدر .. لا سا سيدة ياخذ بالأسباب و بعدها اذا حصل خلاف مراده يقول قدر .. و شوفي حلول الاخوان هنا أتمني توصل لك فكرتي .. سبحان الله اللي يعطون حلول ظالمة تلقينهم دائماً غارقين بالمشاكل مع زوجاتهم و لا هم عارفين يحلوها ..؟!!! شوفي الاخ اللي وافق على شرط زوجته و بعدها اخل فيه و ظلمها بعد ما ورطها بالعيال و مسوي فيها رجال ..!! مثله مثل كثييييير يوافقون علي الشروط و بعدها يلفون و يدورون عشان يخالفونها و هذا حرام .. و اللي يكذب علي زوجته بحجة انه ذكي ..!! ما عرف ان الشخصيات مو مثل بعض .. بعض الزوجات اذا راوغ معها زوجها راح تكون اكثر مراوغة منه و راح تلعب ببيته لعب ...! و بعضهم تفقد الأمان و تبتعد عاطفيا و تسعي جاهده لتامين نفسها باي طريقة ..! و غيرها من النتائج ... أتمني و صل لك مقصدي سيدة .. و شاكرة لك رحابة صدرك ..