السلام عليكم و رحمة الله و بركاته

مافي شوفة شرعية لأن البنت غيرت رأيها تبغى تكمل الجامعة

مافي نصيب و اسأل الله ان يوفقها و يوفق جميع المسلمين

و جزاكم الله خير على النصائح و ما قصرتم ابداً

ودمتم بود

بنات هالزمن اخذين الزواج خذني جيتك مثل شربة المويه

صار لي خمس سنين افحط مو لاقي بنت الحلال ومضيع عمري من بيت الى بيت دار دار والله العالم

يعني اتخيل امها تقول حياكم الله تعالوا شوفوها وبعدها لما اجهز نفسي ابشوفها يغيرون رأيهم و هذي ولا المره العاشرة

على فكرة اهلي دخلوا اكثر من 25 بيت70% منهم يتصنعون الاعذار

اعتقد حأترك الغرب و اتوجه للشرق يمدحون الرياض و حأشغل الرادار هناك والله الموفق

أجل عندنا بالرياض " مو الكل " ... طب وتخير ...
والله مانرد الرجال إلا اذا فيه عيب ...
غررررررررريبة كل اللي أعرفهم من أقاربنا ... وحتى معاي بالعمل.... مايرفضون آبدا .... إلا بسبب قوي في الرجال نفسه ...
وغالبا ياحياتي احنا .... يجي الرفض من العريس أو أهله ... الله يعوضنا بالأفضل ان شاء الله

حياك الله بالرياض وقرى الرياض .. أقصد غالبية سكان الرياض من أهل قرى الرياض اللي حول الرياض ..." كم مرة كتبت الرياض " ؟؟؟؟؟؟؟
وابشر باللي يرحبون فيك .... وأنت بعد خفف شروطك .. كان عندك شروط
والله يكتب لك الخير حيث كان

على عيني و راسي يا غداً افضل والله ما قصرت و بيض الله وجهك ويا رب فالك الجنة

راح اكون ادق في السبب اللي خلى البنت تغير رايها

اخوها مبتعث و هي تبغى تبتعث و تروح تدرس معاه علشان كذا

لا و ابشرك بعدها بأقل من يوم دلتني صديقة اختي اللي بالرياض على وحدة كلمنا امها امس و ردت امها اليوم انه البنت كمان تبغى تكمل دراستها الجامعية مع اني متأكد انه مو هذا السبب الرئيسي اكيد في شيء ولله الحمد مافي شيء يعيبني

بالنسبة للشروط عندي اهم شرطين: انها تصلي يعني مو شرط ملتزمة و الشرط الثاني تكون متفرغة يعني ما تشتغل ولا تدرس والحمد لله انا موظف و تاجر.

يا اخي تعبت خمس سنين افحط جاني اكتئاب ههههههههههه

الله يعوضك اخوي ... أستغرب بصراحة حنا نشتكي من هروب الشباب بعضهم مو الكل ..
ومن تلاعب بعضهم بمشاعرنا ومآخذين بعضهم العرس مزحة أو لعبة !!!
وانت تشتكي من بعض البنات !!
يالله لطفك وعفوك !!

__________________
الدراسة مقبلة دعواتكم

عذرا أخوي ... على مشاركاتي الكثيرة ،،،،، في موضوعك

حبيبي اول شي بنصحك اذا كانت صغيره يعني فيه فرق كبير في السن اتمنى تسألها اساله عن مستقبلكم سوا عشان ماتتوهق زي نصف الاعضاء في المنتدى

ومن ناحية الحيا انت قبل ماتروح لهم وقف عند المرايه وشخص واذا خلصت قل في نفسك انا رجل وماراح استحي ثلاث مرات
وبعدها خل تفكيرك انها هي المفروض اللي تستحي وانك انت اللي راح تقود الحوار اذا جلست معها
ولاتنسا ان الشوفه الشرعيه مهمه لتحديد مصير الزواج يعني لازم تجلس قريب منها وتتمقل فيها من فوق لتحت ومن حقك تسالها اي سوال ومن رايي انك تحضر الاسئله اللي تبي تسالها يعني متى تبغى الزواج يكون
هل فيه عندها اساله لك
ولاتجيب موضوع الحمل والولاده ولا موضوع الاهل

والله يوفقك وترا الموضوع ماهوب صعب لهذيك الدرجه بس انت قل لنفسك انك ماراح تستحي وانك راح تقود الحوار وتعوذ من الشيطان وانت داخل وسم بالله وادخل برجلك اليمين وسلم ولاتضحك واجد خاصه اذا سنونك مكسره ولاتكشر يعني خلك على طبيعتك ولاتتصنع عشان ماتتوهق بعدين و
لاتحسسها انك ماتستحي قدام البنات ولاتصير خجول مثل البنات
والله يوفقك ويجعلها من نصيبك اذا كان لك فيها خير ويبعدك عنها اذا فيها لك شر

ربي يبارلك عادي لاتتور وانشا الله خير حط في بالك انه عادي بصير عادي هي شوفه مو حرب

الرجاء اغلاق الموضوع لأنه انتهى

و اشكر الجميع على ردودهم و ما قصرتم

و دمتم بود