حبيبتي حطمووك ..

بعد التحيه .. اسال الله العلي العظيم ان يفرج همك ويبدل حالك الى سعاده ابديه

شوفي انتي مجتمعه عليك من خطيبك وتصرفآته وكلآمه الي قاعد يقوله عنك
وبين اهلك واقاربك الي يعرفون عنه ولا احد نصحك ماترتبطين فيه ..


:

بقولك شي

قولي اللهم لك الحمد حتى ترضى ولك الحمد اذا رضيت ولك الحمد بعد الرضى ..
اطلبي الله وألحـي في الدعاء ان الله يعجل بخلآصك وطلآقك منه ان كان فيه خيره لك

الان اتركووه ولآ تتصلون فيه ابد لاهو ولآ امه عندهـ خبر برغبتك في الانفصال
وانتو لآتتركون له فرصه يمسك عليكم شي يخليكم على كيفه وتحت امره
مع الوقت هو من نفسه بيرجع وبيظطر لزيارتك والا السؤال عنك بعد مايهجدون شياطينه
وقتها تخبرينه برغبتك بالانفصال عنه
وتوضحين له اسبابك وكل العوارض الصحيه والنفسيه الي طرأت عليك بعد الارتباط به

وهو راح ينسحب من نفسه ولو لزم الامر خلي احد من اهللك يتواصل مع رجل كبير من اسرته
لـ انهاء الموضوع ..

تنفصلون الان افضل من الانفصال ويكون بينكم اطفال ويتشتتون بينك وبينه وتصيرين انتي الضحيه
من ورى هالارتباط الي يبدو لي من بدايته لايوجد بينكم اتفاق ولا تقدير ولا حتى موده


اتمنى لك حياه سعيده والله دعيت لك من قلب الان
عسسى الله يستجيب لي

وطمنينا ياروحي عليك


:
اختك تناهيد

__________________
سبحان الله وبحمده

اختي الحبيبة حطموك ياقلبي معليش ودي أناديك بدنيا الفرح ...
حبيبتي أخواتي سيدة الموقف وتناهيد ماقصروا ماشاء الله ..
فعلا حاولي جاهدة أنتي وأخوانك الله يحفظهم ,,, بكيفه لايرد ورى الشمس بعشر ...
كلموا أبوه إذا كان موجود .. أو إذا عنده أخ كبير ..
أرسلوا له مسج حازم وجاد إنك تبغين ورقتك خلي أخوانك يآخذون موقف صارم منه ويواجهونه ...
لازم تستعجلين عشان ترتاحين وتفتكين من هالهم ...
والمعذرة لو أزعجتك باستهبالي والضحك بس ودي نضحك وتضحكين معنا وننسى الهم شوي ...
ماراح أنسآك من دعواتي طمنيني عليك تكفين !!

__________________
الدراسة مقبلة دعواتكم

الله يوفقكم
ابوه متوفي وعنده اخو اكبر منه بس حالته قشرى يعني منفصل عن اهله نهائي وما بينهم تواصل الا بالمناسبات
يعني ما منه اي فايده واخواني ماهم معطينه وجهه وارسلو له مسجات قويه بس مررره اهبل بالفطره ويزيد يستهبل وانا ما ابي اطوول على هالوضع نفسيتي تعبت ومليت
من هالسالفه ما في غيرها كل شوي جايبين سيرة الموضوع وعمي جا وكمان مافي فايده
والمشكله ان امه اخت ابوي من الرضاعه صح ان علاقتنا فيهم شبه مقطوعه بس على الاقل كان قدر ان فيه شي اسمه قرابه
ياااااالله اكرهه كره لو بيدي اخليه يموت

الله يعينك والله حاسه فيك ... عليك بسهام الليل فإنها لاتخطئ ..
سهام الليل لاتخطئ ولكن لها أمد وللأمد إنقضاء ..
هذي بلوى من الله وإن شاء الله مأجورة ياقلبي ...

تصبري واستغفري إن الله مع الصابرين ...

__________________
الدراسة مقبلة دعواتكم

اثبتي والصبري

أن بعد العسر يسر

__________________
يارب أحفظ لي طفلتي ولا تبتليني بفقدها

اختصار الموضوع
*ملكت والله ما كتب نصيب بينا واللحين ابي الانفصال وهو قاعد يماطل ويقول بجي وما يجي وبالاخير اخواني يدقون عليه ما يرد
ويرسلون له مسجات كمان ما يرد
*انا مقهوره من اللي حولي وانصدمت منهم لانهم كانوا عارفين انه ماهو قد زواج وتعامله زفت ومن البدايه قلت لا وهم اللي اقنعوني
*النتيجه نفسيتي زي الزفت لا وبكل قوت وجهه يقولون الله يعوضك بعد اللي شفته مستحييييييل اكررها
تعببببببت نفسييييا ودي انام واصحى احصل ذا كله حلم

ملااحظه

انا صايره غريبه ومقهوره من نفسي
حتى القران اعصب اذا سمعته
وصلاه مالي خلق اصلي
ما احب احد يفتح لي موضوع بالدين وينصحني
اكره نفسي
وزياده على كذا اوقات اشطح مدري وش يصير وكاني بدف امي او اي احد يمشي قدامي ما احس الا على الحظه الاخيره
وقبل امس بغيت اكب القهوه بوجهه اختي فجاه وانا افكر بشي ثاااني يدي انمدت كذا ورجعت كمان باخر لحطه
قرا علي اخوي اكثر من مره بس عادي ما فيني شي
احلامي كلها اسود نمور ثعابين
!!!!
كل ذا مو مهم خايفه من ربي من ناحية الصلاه والقران
وربي اذا قمت ما صليت احس اني مرتاااااحه نفسيا
واسمع اغاني ارتااح
ليييييش اوف طفشت من نفسي
اتمنى اخوي البليغ تكون فهمت علي لاني صدق مشتته مو قادره اركز

لا حول ولا قوة إلا بالله
رؤية هذه الحيوانات وخصوصاً الثعابين تدل على عين والعياذ بالله

أختي لازم اللي يقرأ عليك يكون شخص متدين ومبتعد عن الذنوب قدر المستطاع
عشان تظهر نتيجه لقرائته..

ويبدو لي لها تأثير على عبادتك وعلاقتك بربك

اقتباس:

وربي اذا قمت ما صليت احس اني مرتاااااحه نفسيا واسمع اغاني ارتااح

هذا دليل على أن ما بك ليس طبيعي جداً
عليك بالرقية الشرعية
وقراءة البقرة كل يووووووم
بالإضافة للدعاء
وجاهدي نفسك على العبادة لا تروحين وطي في غمضة عين
وما تشوفين إلا ملك الموت فوق راسك وتطوى صحائفك وينقطع عملك
انتبهي لنفسك
وبن باز أفتى رحمة الله عليه أن من ترك فرض واحد متعمد كفر والعياذ بالله
ودايم أقري عن عقوبة تارك الصلاة عشان تضغطين على نفسك

وبالمناسبة إذا كان ما بك مس أو عين فالشيطان يتأثر من صلاتك وقراءة آية الكرسي والمحافظة على الأذكار والتسبيح والإستغفااار >>>>> تراها تضعفه وبشددددة
أما المعاصي وانكبابك عليها تقوييييييه عليك يا أختي

يعني البداية صعبة أكيد لكن راح يضعف شوي شوي إذا أقبلتي على الله وابتعدتي عن الذنوب
وأفضل الرقية أن ترقي نفسك بنفسك.. أو أحد من أفراد أسرتك متدين قدر المستطاع


ومشكلتك ذي أشوفها أكبر بكثير من مشكلتك مع خطيبك
إلا ما عندك مشكلة مثل هالمصيبة

عسى الله أن يتغمدنا وإياك بواسع رحمته ويشفيك ويشفي كل مبتلى
ويهديك وجميع المسلمين ..

1) فيك علامات ملل، وبعض عوارض لاكتئاب.
2) لديك سيطرة على فكرك من بعض الأفكار السوداوية..ولديك هم وغم كبير..وتريدين الخلاص.
3) لا بد ويجب عليك وجباً الالتزام بالرقية الشرعية يومياً..وسماعها..والنوم على طهارة..والحفاظ على أذكار..هل تعلمين لماذا؟ لأنك تعيشين مرحلة غضب وتوتر شديدة..وعادة الشيطان الرجيم وأعوانه يقتنصون هذه الأوقات في المرء فيضرّونه..لهذا الزمي الرقية الشرعية.
4) دعي أخوانك يتوقفون عن التواصل معه أبداً..وإنما يقومون بإرسال رجل حكيم كبير عاقل من أسرتكم أو أسرته لطلب الانفصال..فإن لم يقبل يذهبون لوالده..فإن لم ينفع فاذهبوا للمحكمة، وانظروا ماذا تقول لكم...ولا تقدمي على الطلاق إلا إذا كان الرجل غير كفؤ مثل أنه لا يصلي، أو سمعته سيئة.
5) أكثري الدعاء، والبكاء أمام يد الله سبحانه كل ليلة، والصدقة.
6) اجبري نفسك جبراً شديداً على الصلاة وأدئها.
7) اجبري نفسك جبراً على الاستغفار.
8) احذري الجلوس لوحدك.
:::
أخوك في الله/ حاتم بن أحمد

موضوع الرقيه
مافي جديد يعني عادي ما اتاثر اللهم ان اطرافي تصير باااااارده
فقط واوقات استهزء بخاطري
الاذكار والاستغفار لي فتره منقطعه عنها بس برجع ان شاء الله
والصلاه والله مو ترك نهائي بس بالقوه
وهالاشياء معي من زماااان بس هالفتره زادت لدرجة حتى لو اني تو نايمه واشتغل قران اقوم ولا اقدر انام لحد ما يقفلونه

وان شاء الله بسؤي اللي قلتوه لي
وخطيبي عمي يقول بيكلمه وما ادري كيف الله يعين

حطموك ياقلبي اسلوبك مو غريب علي على العموم الله يعين