للاسف تعامل الاعضاء مع الموضوع سيء واحيانا غبي
اجل مظلومه تدعو على من ظلمها ويقولون استغفري ربك !!!
ياحبيبي ابواب السماء مفتوحه تجي تقفلها ....

واللا اللي تقول تطلقي هذا كبير هي لو ما اقتنعت ان الجزئية هذي ماهي اشكاليه بحياتها كان ما تزوجته ,,,
واللي يقول بيني انك ضعيفه !!!
المراه تحتاج لوضع حدود تتفق مع زوجها عليها
منها انها مستعده للتعامل مع اولاده بالتقدير والاحترام لكنها ليست مستعده لتحمل اذاهم
هذا امر الامر الاخر اللي مايحترم زوجة ابوه مايدخل بيتها واذا يبي ابوه يروح يقعد معاه بالمجلس ولا بينك وبينهم لا سلام ولا كلام ,,,
مسالة السكن تتقفل واذا يبي يغير رايه قولي بيت اهلي اصرف لي >> من باب التخويف
زوجك ماينفع معه الا امرين ان تكوني قوية معه وان تلحسي مخه يعني العجايز قدرن يمشن كلامهن وانت بنت ماتقدرين تاثرين على عقله ؟؟؟؟؟؟
اهم شي دائما لاتحسسينه قدام عياله ان الكلمه كلمتك بيني له الاحترام قدام عياله واذا مشوا عطيه القاز ...
والله يوفقك عليك بكثرة الدعاء والطيبه الزايده لاتعطينها للي مايستاهلها ,,,

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

بما أن دعوة الظلوم مستجابه

أيضاً العفو من أفضل الاعمال الصالحه

!!!!!

لاتنظري لجهه وتتركين الأخرى

هذه حياة انسان ماهي لعبه

تخيلي ان اللي سوا حادث ابنك او اخوك

وتعلمين ان زوجت ابوك او ضرتك هي اللي دعت عليه

وش راح يكون ردك في هاللحطه بيكون مخالف تماماً لردك الآن

لو تصل للطلاق لكن لايحدث أي مكروه لأي شخص أفضل

هي تعلم انه كبير سن ولديه ابناء وزوجه والغيره ستلعب دورها والأبناء سيكرهونها

لابد ان تتحمل وتصبر على اختيارها


الله يحفظنا وحبايبنا من كل شر وكل سوء


مانتمنى لاي مسلم او مسلمه ان يصيبه مكروه


شكراً لك

__________________
استغفر الله الذي لا إله إلا هو الحي القيوم وأتوب إليه

طيب هل تتوقعين أن هم ضرو زوجته اللي قبللك مثل ماضروك

وأنتي قلتي أن الكبير محترم جداا وثاني بعد يعني ان شاء الله في أمل أن تكسبيهم

أذا مانفع تكلمي مع الكبير وقولي انا ماجت مني مضره ليش أخوانك يتعاملون كذا

تكلمي معه وشوفي أذا كان الأب مو قادر عليهم

ومن ناحية الأخ ليش كذا

أحيان الضعف وعدم أستخدام القوه تجيب نتيجه أنا اتوقع مراهقين ومصيرهم بكره بيكبرون ويعقلون

ويتزوجون وتنفك من شرهم لكن لابد من سياسة التعامل والصبر

هذا أختيارها ولابد تصبر وتحتسب الأجر في اللي يجيها ولابد يكون عندهاا طولة بال

__________________
live nice

:*

نفس الرأي
وسؤاله في محله
وتعجبه طبيعي جداً

:*

__________________

مع احترامي لكل الأعضاء..

ليس من حقنا أن نسألها هنا لماذا تزوجتي هذا الرجل..

هذا قدر الله..ولو نظرنا إلى زواج النبي صلى الله عليه وسلم بعائشة لكفينا أنفسنا السؤال..

وأعلم أن هناك من سيأتي ليقول هذاك النبي صلى الله عليه وسلم وتلك عائشة..هذا صحيح ولكن فعل النبي صلى الله عليه وسلم أسوة لنا..
فلكل إنسان ضروفه الخاصة فالذي لا نرضاه لأنفسنا ليس بالضرورة ألا يرضاه الآخرون لأنفسهم..
والأخت واضح إنها كانت في وضع مأساوي وأرادت أن تخرج منه ولكن للأسف إلى وضع أسوء منه..
أسأل الله أن يعيضها خيراً..

وبالنسبة للأخت صاحبة الموضوع استوقفتني عبارتك بأنك لا تريدين الخروج والإنسحاب بدون فائدة

ما الفائدة التي تنتظرينها من هذا الزواج؟؟

هل هو الميراث مثلاً؟؟
أو مؤخر صداق؟؟

أرجو التوضيح وفقك الله..

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..

السلام عليكم ورحمة الله وبركاته,,,

__________________

جزاك الله خييير .. كلامك صحيح و فهمت الموضوع و نصائح قيمة وفي مكانها والله ..
ياخوي مسألة زوجي قااادرة عليه ،، لكن عياله من يروح عندهم غيروه و بطريقه غير مباشرة ..
و العجائز على قولتك ،، قوتهم بعيالهم بس ،، و بتقارب السن بينهم ..

أكرر شكري لك ..

ياترى لو كنت مكاني بيكون هذا كلامك ..؟!!!
تكون شخص عايش بحالك ،، كافي خيرك شرك ،، تعامل الجميع بيما يرضي الله اولاً ثم بما يرضي ضميرك
عندك من المشاكل اللي يكفيك ..
و بعد هذا يجي واحد حقيييييييير تااافه ما يسوى ،، وينغض عليك حياتك ..!

و تقول بعدها حراام ،، هذي حياة انسان ما هي لعبة ..
يعني استقراري انا ،، و شرفي اللي تكلم فيه ،، لعبة ؟؟!!
( إن الذين يرمون المحصنات المؤمنات الغافلات لعنوا في الدنيا والآخرة )
و البعض يقولون صحيح ليش اتزوجتيه ؟؟
رجل جاي وخطبني ،، ما كان لي الا الظاهر من دينه و خلقه ،، وافق على كل شروطي
تزوجته ... إيش الغريب في الموضوع ؟؟!
يعني كل وحده تزوجت نجلس نسألها ليش تزوجتي ؟؟!
كل شخص وله ظروف تحكمه و مو ملزوم يشرحها لكل الناس و يبرر لهم وكأنه مذنب ..

أجل الحين انا صرت ظالمة ومعتديه و ما اخاف الله .. سبحان الله يالبشر وحكمهم ..!
يأخي الناس المعتدية تنسى ان الله فوقها و شايف وسامع و قادر ..
و الحمدلله أن الأمر بيده وليس بيد غيره ..

زوجته الثانية كبيرة قريبة من الأولى ،، يعني تزوجته وعياله صغار
و اصلاً ماحد يقدر عليها طلقها مرتين ويرجع لها بتوسط من عيالها ..

و بعدين تراهم ماهم مراهقين كلهم في آخر العشرين و بعضهم في الثلاثين ..
اخوهم الكبير محترم صحيح لكن ما يطلع من شور ابوه ..
و الكلام إذا ما جاءه مباشرة من ابوه ما يهتم فيه ..!

سؤاله في محله ؟؟!
و اتهامه في محله برضوا أو لا .....!!!
سبحان الله ..