موضوع حلو يا مسز داني

أنا كمان زوجي يساعدني في رمضان الله يخليه ليا ولكن الغريب إنه بس في رمضان تظهر مواهبه
يعني بالعاده لما يجي من الشغل تعبان، على طول ياكل و يرتاح و بعدين يقوم يساعدني في العشا مثلاً أو إنه يمسك و يلعب مع العيال إلين ما أخلص
أو إنه يعرض خدمته في انه يرتب الصحون (عندنا مكينة صحون) أو إنه ينظف السفره على ما أنا انظف العيال و اجهزهم للنوم

ولكن في رمضان، يجي من الشغل تعبان بس على طول يقول ها ايش راح ناكل اليوم
و يقترح أفكار غريبه عجيبه، و يدخل يحضر بنفسه بعضهم، و يساعدني في أشياء كثيره،
مثل التقطيع أو العصيرات أو السلطه أو القلي

أما في يوم اجازته (اعتبرها اجازتي بصراحه) يقولي اطلعي إنتي و العيال، و يخبص و يحضر كل شي و بصراحه يطبخ أحسن مني
و ما ندخل المطبخ الين وقت الفطور و يسويها مفاجأه
ما نكثر في الأكل، بس طبخ واحد رئيسي، شوربه، شوية سمبوسه أو معجنات و الحلى
بس طبعاً الباقي علي، تنظيف المطبخ و السفره و الصحون و إلخ، ما أطلع من المطبخ إلين الناس تخلص التراويح

بس نحنا مقسمين جدولنا، مو كل رمضان يروح في ألطبخ و الأكل و بس
لا نتشارك في إستماع المحاضرات (حتى و احنا في المطبخ) نتسابق في ختم القران، نعزم الأقارب و الأصدقاء على الفطور من باب افطار صائم
ما ننسى جيراننا و نعطيهم من الفطور،،
نجتمع أنا و جاراتي في بيت وحده فينا، و نصلي التراويح مع بعض لأنه صعب نروح المسجد و لأنه وقتها يكونوا الأطفال نايمين

الصوم عندنا من الساعه 3 الفجر (الإمساك) إلين الساعه 10 بالليل يكون المغرب،
يعني 19 ساعه في البدايه إلين 18 ساعه في نهاية رمضان

بس الحمدلله على الأقل جاء بوقت الاجازه الصيفيه و المدارس مسكره إلين 25
و أغلب الناس اللي يشتغلوا اخذوا اجازتهم

الله يعيننا إن شاء الله

cila..
يا ريت تفتحي موضوع عن الطبخه هذه لأنه شكلها جدا شهي
و شكلها سهله كمان